استطلاع هام لكل الاعضاء حول شعار المنتدى الجديد

[Karim_Monir]

السادة اعضاء المنتدى الكرام
السلام عليكم ورحمه الله
باذن الرحمن تم الدخول في الخطوات النهائية لتصميم شعار المنتدى الجديد
وان شاء الله الرحمن تم الاستعانة بمصمم محترف يفهم جيدا قواعد الدعاية والاعلان
وله وجهة نظر خاصة بحيث لا يتحول شكل الشعار الى شعار لمعرض سيارات مع احترامي لهم او ما شابه
لذا سيخرج شعار المنتدى بشكل احترافي لا يهم كونه يعبر عن كونه موقع سيارات ولكن الاهم هو قوة وتميز شكله ليعلق في نظر رائيه ويستطيع تمييزه مباشرة
وللاسف لن استطيع ان اضع بروفه له لان في كل مرة يتم وضع استطلاع لا يتم الاتفاق مطلقا لذا سيتم الاخراج النهائي ووضعه مع بداية بناء الاستايل الجديد للمنتدى قريبا ليكون الاستايل الرئيسي

لب الموضوع الان الان ان الاستيكر سينقسم لثلثين وثلث
ثلثين يحمل الشعار الرئيسي والثلث الاخير من اسفل سيحمل شعار الماركة التي ينتمي اليها العضو مصحوبة بجملة بسيطة
وكان قد جرى استفتاء حول الجملة التي يفضلها كل قسم
على سبيل المثال
علامة هيونداي وبجانبها Korean Dragon
علامة كيا وبجانبها KIA Tigers
علامة فيات وبجانبها Drive..Enjoy

الا ان المصمم اشار علي بان هذا تفرق وليس توحد
واللي انا بعمله اننا لازم نتوحد مع تعزيز الانتماء للماركة مع اسم المكان اللي جمعنا مع اسم اللوجو العام للمكان اللي هو نايل موتورز

واشار علي ان من الافضل كثيرا حتى عشان تقارب الشكل على كل العربيات يكون الشكل كالاتي :
Nile Motors Fiat Team
Nile Motors Nissan Team
Nile Motors Honda Team

وطبعا كل جملة جنبها العلامة بتاعت الماركة بتاعتها

انا شايف كدة افضل بكتير
مستني ارائكم
ويا ريت النقاش في الموضوع ده فقط وعدم خروج الموضوع عن مساره

كريم منير
رئيس مجلس الادارة
امامنا يومين فقط للتحديد عشان الوقت بيعدي بسرعة وعايزين نخلص في وقت معين
تحياتي

[anglon2010]

thank you

[ykdl]

تمام أوى بس هيبقى الشعار ده متوفر فى كل المحافظات
ولا ممكن نطبعه احنا؟؟؟؟

[dr-mohamed]

ممكن يكون فيه جزء في التصميم عليه العلم المصري ؟

[baharika]

حل سليم وجميل ويدل على التوحد

[alaafahmy]

انا متفق مع ستايلك انتا

[otefa]

فكرة الأستيكر حلوة ومنطقية.........بالتوفيق

[ramy87]

واشار علي ان من الافضل كثيرا حتى عشان تقارب الشكل على كل العربيات يكون الشكل كالاتي :
nile motors fiat team
nile motors nissan team
nile motors honda team

أنا شايف الرأي التاني هو الأفضل
بالتوفيق

[medomaster]

موافق على الإقتراح بتاع التوحد

[elpasha1a]

تمام يا باشا

[nevozaky]

انا عن نفسى يا اْستاذ كريم موافقة على الاقتراح الاخير .وهو اوقع وعملى اكتر.وربنا يوفقك

[heshamzaky]

واشار علي ان من الافضل كثيرا حتى عشان تقارب الشكل على كل العربيات يكون الشكل كالاتي :
nile motors fiat team
nile motors nissan team
nile motors honda team

وطبعا كل جملة جنبها العلامة بتاعت الماركة بتاعتها

انا شايف كدة افضل بكتير
مستني ارائكم
ويا ريت النقاش في الموضوع ده فقط وعدم خروج الموضوع عن مساره

أعتقد بالشكل دة أفضل بكثير و يبقى أحلى

[ahmed79]

الى انت اقترحته ده افضل هيبقى فيه تمييز وشكل جديد

[eslamrace]

بصراحه انا من وجهه نظري الشكل الاسلوب ده احلى
علامة هيونداي وبجانبها Korean Dragon
علامة كيا وبجانبها KIA Tigers
علامة فيات وبجانبها Drive..Enjoy

وفيه ابداع اكتر بس طالما الاعضاء موافقين على الشكل التانى ووفقا للديمقراطيه اللى متعودين عليها فى المنتدى فانا معاكم وكان ليا استفسار عن الشكل لان فى ناس كتير فى المنتدى تمتلك اكتر من عربيه بانواع مختلفه
وطبعا شكرى وتقديري ليك يا كريم وكل تيم الاداره على مجهوداتكم وفى انتظار كل جديد

[mememsaid]

انا بردو شايف ان كدا احسن
بكدا هيبقي توحيد وتعميم مع جزء من الخصوصيه