نفسى اغسل العربية واخليها فله

[ABO_MAREM]

بسم الله الرحمن الرحيم

السلام عليكم ورحمة الله وبركاتة

انا عايز اغسل صالون العربية لانه متسخ جدا وعليه بقع رهيبه وهو قماش

فهل فى حد من اخونا الاعزاء يعرف بنزينه او مكان كويس بيغشل بالبخار وحورات التكنولوجيه دى

يا ريت تكون يا 6 اكتوبر يا الدقى المهندسين كده بلاش مصر الجديده وشرق القاهره عموما

[abdalah_hashem]

تقريبا بنزينات الوطنية فيها حاجات حلوة وشغلها عالى تبع الجيش هية
وانتظر ردود الاعضاء اكيد هيدلوك على اماكن كتييييييير

[ABO_MAREM]

يا ريت وربنا يكرمك على اهتمامك

[Xenophobik]

في 6 اكتوبر عند مدرسة الرضوى في الحي السابع مفسلة جربتهم مرة كار كير شامل كان بــ 250 جنيه غسيل خارجي و صالون كامل و موتور و شنطة و واكس و اخدت 4 ساعات لحد مخللت جنبها

[abdalah_hashem]

في 6 اكتوبر عند مدرسة الرضوى في الحي السابع مفسلة جربتهم مرة كار كير شامل كان بــ 250 جنيه غسيل خارجي و صالون كامل و موتور و شنطة و واكس و اخدت 4 ساعات لحد مخللت جنبها

شكرا يا باشا
بس هل دية الاسعار المتعارف عليها وللا هما غاليين شوية

[Xenophobik]

شكرا يا باشا
بس هل دية الاسعار المتعارف عليها وللا هما غاليين شوية

ﻷ هما مغلاواتيه شوية ﻷن البنزينة اللي عند جامع الحصري بتعمل كل ده بالاضافة لغسيل العربية من تحت بـ 150 جنيه بس
بس للامانة انا مجربتش البنزينة خالص ﻷن في ناس كتير خوفتني منهم بالذات في موضوع غسيل الموتور و الواكس و قلت اجرب المغسلة الثانيه ﻷنهم كان واقف عندهم عربيات كتير موديلات حديثة و حاجات من اللي قلبك يحبها
(ربنا يبارك ﻷصحابهم طبعا و يرزقنا من حلاله) و مشيت بمبدأ الغالي ثمنه فيه

[ainshouka]

بلاش دلوقتى


الحرامية عينهم على العربيات دلوقتى

فخليها بطينها احسن الفترة دى

[mr_sameh]

في واحد فاتح كار كير في سنتر علي طريق البشاير وممتاز وتكلفة الغسيل 25 جنية

[Xenophobik]

في مغسلة لاقيتها في الحي السابع في سنتر الاردنية ورا قسم السابع و اظن دي احسن اسعار شفتها لحد دلوقتي

غسيل عادي بــ 15 جنيه جوة و برة
غسيل كيميائي للصالون 100
غسيل كيميائي للموتور 10
تلميع بوليش 100
تلميع واكس 50
غسيل الصالون جاف 100
غسيل داخلي و خارجي بالبخار و التلميع و غسيل الموتور 25
غسيل داخلي و خارجي بالبخار و التلميع و تكييس الدواسات 20


حد بس بفهمني بعد اذنكو بقى ايه الفرق بين تلميع بالواكس و البوليش ﻷن معلوماتي ان استعمال البوليش في التلميع غلط جدا
حاجة كمان... الواكس عندهم على هيئة سائل مش اللي عامل زي الكريم... ايه الفرق بينهم؟

[mailo]

وطنية بتغسل العربية من جوه بـ 70 جنيه تقريبا
تلميع بوليش 70
سقف بس 30 أو 40
موتور كيماوي 25
هوفر جوا 5

مش فاكر الباقي بقى

[احمد المصرى]

بسم الله الرحمن الرحيم

السلام عليكم ورحمة الله وبركاتة

انا عايز اغسل صالون العربية لانه متسخ جدا وعليه بقع رهيبه وهو قماش

فهل فى حد من اخونا الاعزاء يعرف بنزينه او مكان كويس بيغشل بالبخار وحورات التكنولوجيه دى

يا ريت تكون يا 6 اكتوبر يا الدقى المهندسين كده بلاش مصر الجديده وشرق القاهره عموما

انا غسلت العربيه عند واحد فى 6 اكتوبر فى الحى الثانى وكان ممتاز جدا غسيل الصالون بالكامل ب 100 جنيه بس شغله كويس وعجبنى شخصيا

[MOUSTAFA_SAAD]

ايه الفرق بين تلميع البولش والواكس