:: احذروا هذا النصاب فى سرقة السيارات ارجو التثبيت للخطورة ::

[ahmdmagdy]

طيب ما انت ممكن تعمل اعلان تانى؟ بعربية موديل تانى وتخلى اى حد من اقاربك يعمل الاعلان

واكيد اكيد النصاب ده هيتصل ويعمل نفس الفيلم

انت فاهم قصدى؟

هي فكره كويسه بس ممكن يجي حد فعلا يأجر العربيه مش غرضه السرقه بس ازاي نصاب زي ده محترف يبصم علي بياض

[Hacker5]

اخر المتسجدات
روحنا للعنوان اللى موجود فى بطاقته
طلع واحد كبير اسمه محمد ابراهيم قلتله محمد فين ؟
قالى انا محمد
قلتله فيه واحد ناصب عليا و على ناس ساكن هنا
قالى ناس كتير جت سألت هنا عليه و كذا مرة المباحث تيجى تاخدنى
ناصب على ناس فى شقق و عربيات و مكاتب تأجير
دلوقتى مش فاضل غير بصمته اللى على وصل الامانة
دة اذا طلع ليه سجل مدنى اصلا

[Mohamed_Rashad]

جزاك الله خير على التنبيه و التحذير.

[abdalah_hashem]

خر المتسجدات
روحنا للعنوان اللى موجود فى بطاقته
طلع واحد كبير اسمه محمد ابراهيم قلتله محمد فين ؟
قالى انا محمد
قلتله فيه واحد ناصب عليا و على ناس ساكن هنا
قالى ناس كتير جت سألت هنا عليه و كذا مرة المباحث تيجى تاخدنى
ناصب على ناس فى شقق و عربيات و مكاتب تأجير
دلوقتى مش فاضل غير بصمته اللى على وصل الامانة
دة اذا طلع ليه سجل مدنى اصلا

ربنا يحكمكم علية ابن ال........
طالما معاك بصمتة يبقى تقدر تجيبة ان شاء الله
بس المشكلة ليكون عامل زى مسلسل رافت الهجان والبصمة مش بصمتة كمان :)

[dramir1]

يعني كمان مزور بطاقه؟؟ دا حرامي محترف

[Hacker5]

ربنا يحكمكم علية ابن ال........
طالما معاك بصمتة يبقى تقدر تجيبة ان شاء الله
بس المشكلة ليكون عامل زى مسلسل رافت الهجان والبصمة مش بصمتة كمان :)

ماهو اكيد عامل حسابه انه ممكن اجيبه من بصمته
ممكن مايكونش ليه سجل مدنى او الله اعلم
اكيد نصاب محترف زى دة هايبقى عامل حساب البصمة برضو
بس ان شاء الله هايقع
و هاكتب مبلغ محترم على الوصل

[magyver]

الحمد الله ان ربنا نجااااك
انا اعرف واااااحد نصااااب ممكن اديك نمرتة وتقلة انك تبعي
وهو عارف سكة الاشكاال دة

[x_gomgom]

حضرتك ممكن تعمله جنحه خيانه الامانه بموجب ايصال الامانه الموجود بحوزتك بس طبعاً بعد ما يتم كتابه مبلغ معين فيه...
ولما يتعلن و يظهر اي حد من طرف ذلك الشخص ما تسيبوش.....
بس انا عندي ملحوظه الاسم الرباعي للشخص دا متشابه جداً و لو البطاقه دي جديده المفروض بينزل الاسم فيها خماسي(على حد علمي)........
كان الله معك و حسبي الله و نعم الوكيل في الناس دي

[nonetta]

يا خبر اسود
الموضوع دة خطير
طيب البطاقة والرخصة زورهم ازاي
ما رحتش سألت في المرور بصورة الرخصة
طيب الراجل اللي منتحل بطاقته دة مابلغش ليه عشان ما يتحاسبش بسببه
مش ممكن الراجل دة يكون معاه وتبعه وهما متفقين على كدة لما اي حد يسأل عليه؟
شفتوا بطاقة الراجل اللي فتح لكم علشان تتأكدوا انه هوا ولا اكتفيتوا برده
ارجعوا له تاني و شوفوا بطاقته علشان تتأكدوا انه صادق ويا ريت تكونوا كتير عشان لو حصل اي غدر

[فتح الباب]

مشكور عزيزى وخصوصا بعد ميلاد جديد لمصر ليس للنصاب او البلطجى او اى نوع انحراف مكان بيننا ولا نسمح بوجودهم بيننا نحن الشعب وربنا يعوض الكل خير ان شاء الله

[omarr]

ربنا ستر معاك

[د.محمود صلاح]

لا حول ولا قوة إلا بالله .. اللهم احفظنا من شرورهم

[ahmed_h_g]

ربنا يستر علينا الواحد دلوقتى لو ماشى وتليفونه رن فى جيبه بيجرى من القلق

[M.Osama]

الحمدلله ان عربيتك رجعتلك .. الحمدلله 1000 مره

[dr-mohamed]

من تجارب سابقة اقولكم لا تشتروا الا ممن تعرفونه فقط وبشرط ان العربية تكون معاه من زمان يعني مش لسة مشتريها لانه هو كمان ممكن يكون مشتري عربية مسروقة وانضحك عليه وميعرفش او لو جديد يبقي من التوكيل او الموزع او معرض محترم

التوكيلات سهل جدا تنضرب
البطاقات القومية والله بتتعمل بس مش هقول اكتر ن كدة