العربية كانت هتولع

[zeze_noor]

السلام عليكم
أنا لسه جديدة فى السواقة وأبيض فى الميكانيكا معرفش فيها حاجة وأنا رايحة الشغل النهارده العربية سخنت والموتور دخن خدت يمين ووقفت ومش عارفة المشكلة أيه أستنيت شوية لما بردت وقست الزيت لاقيته ناقص شويه زودته ووصلت الشغل وأنا راجعة عند نفس المكان لاقتها سخت ركنت وكشفت على مية الرداتير لاقيتها ناشفة زودت ميه لكن لاقيت الخرطوم اللى موصل بين الرداتير والموتور مقطوع وبيطرطش ميه الخرطوم ده اسمه أيه علشان أغيره ويترى ده هيكون سبب مشكلة فى العربية ولا لأ وشكرا لكم
بليز الرد بسرعه

[samo9992003]

ده بيعتمد على انك مشيتى بيها اد ايه
كان المفروض اول حاجه تبصى عليها الميه طالما لقيتى دخان
حاولى تغيرى الخرطوم ده اخلعيه وخديه للراجل بتاع قطع الغيار وهاتى زيه
وخلى اى حد يدور العربيه ويشوف فى صورت غريب ويشوف الميه لونها بيغير ولا لا
باذن الله تبقى مفيهاش حاجه

[mr_vampire]

اولا حمد الله عالسلامة وقدر الله وماشاء فعل.

--الخرطوم مقطوع ونزل المية كلها بتاعة دورة التبريد. ووارد جدااااااااااا تحصل لاي حد مش شرط انك جديدة فالسواقة يعني. وملهاش علاقة طبعا بالمكان اللي سخنت فيه العربية مرتين.

فخدي بالاسباب. وكل يوم الصبح قبل ماتدوري العربية بصي علي مقاس الزيت . ومية الراداتير ( لو الخرطوم مقطوع هينزل المية فالراداتير نفسه ).

وانتي ماشية برده عينك باستمرار علي درجة الحرارة ولاحظي مروحة التبريد بتشتغل وتفصل ولا لاء.

ربنا يستر طريقنا جميعا

[zeze_noor]

جزاكم الله خيرا

[تامر.محمد]

خدي بالك لأن المشي بالمنظر ده ممكن يخلي وش السلندر يضرب و ده تكاليف تصليحه مش هينة

[A.Saad]

ما تسيبيش حاجتين بايظين
دورة الزيت
دورة التبريد

حاولى تجيبى الخرطوم ده وما تمشيش بالعربية الا بعد الاصلاح
واكشفى على مقاس المياة فى الردياتير او القربة
ولو هتزودى مياة والعربية سخنة لازم الموتور يكون داير
وحاسبى وانتى بتفتحى الغطا
لانه ساخن وابعدى عن البخار المتصاعد لانه ساخن جدا

[zeze_noor]

ما تسيبيش حاجتين بايظين
دورة الزيت
دورة التبريد

حاولى تجيبى الخرطوم ده وما تمشيش بالعربية الا بعد الاصلاح
واكشفى على مقاس المياة فى الردياتير او القربة
ولو هتزودى مياة والعربية سخنة لازم الموتور يكون داير
وحاسبى وانتى بتفتحى الغطا
لانه ساخن وابعدى عن البخار المتصاعد لانه ساخن جدا

شكرا على النصائح الغالية بارك الله فيك

[A.Saad]

http://www.nilemotors.net/Nile/17790-a.html

[tiger451]

لازم تروحي لميكانيكي