العربية الى حلتى باظت

[ABO_MAREM]

بسم الله الرحمن الرحيم

السلام عليكم ورحمة الله وبركاتة

انا على فكره قربت ابطل سواقه مع انى لسه متعلم لانى اتخنقت بجد

العربية بتسحب لما بتكود باردة تسخن شويه تكتم وتبطل سحب وتبقى سحلفه حتى لو ماشى على 80 تبقى بطيء جدا

صوت الماتور عالى بسخن فحت

الراجل خلع مكان تزويد الزيت لاقى على الغطه حاجه كده زى الطحينه وقال لى وش سلندر

مع العلم ان الفتيس بينقط زيت وعمود الكرنك بينقط زيت

وانا اتخنقت بصراحه ومش عارف اعمل ايه

ليه وش السلند باظ وهو بكام

[yahiahelaly]

وش السلندر بيبوط من حاجة من اتنين ياما زودت مياة للرديتر والعربية مبطلة مش مودرها يعني
يما العربية سخنت منك وانت مخدتش بالك

[abokoko]

بالنسبة للنقطة الاولى
يمكن تزويد العربيه بالمياه والعربيه مبطله ( مش دايره ) وبدون مشاكل -- بشرط --
ان تكون العربيه بارده واكرر بارده تماما
يعنى لو العربيه متسابه من اليوم السابق من غير تدوير او تشغيل فممكن تزود مياه
واعتقد الفكره هى عدم التبريد المفاجئ لجسم العربيه

[eldell]

وش السلندر بيبوط من حاجة من اتنين ياما زودت مياة للرديتر والعربية مبطلة مش مودرها يعني
يما العربية سخنت منك وانت مخدتش بالك

+ 1111111111111111111

[SAMEH_FOUAD]

زى ماقالوا الاخوة الاعضاء اسباب تلف جوان وش السلندر هية انك تفضل ماشى على المحرك بدون وجود مياة فبيخلى الجوان يضرب

ودة حلة بسيط لو ماعملش عواقب زى تقفيع لوش السلندر نفسة كدة هتخش فى خراط وظب على مكنة وحاجات كتير انت فى غنا عنها وانصحك فى هذة الحالة بشراء وش استيراد

اما فى حالة تلف الجوان فقط وان شاء الله يكون دة هو اللى حصل بس , فحضرتك هتغير الجوان + جوان الكارتيرة + تنظيف لطلمبة المياة والتاكد من سلامتها + واحكام كل الخراطيم وتكلفة الجوانات على حسب نوع العربية بس لو عربيتك سكودا فليشا او فافوريت هتبقى فى حدود 140 جنية لطقم الجوانات