ABS vs. No ABS

[icahmed]

السلام عليكم
انا شوفت الفيديو ده بيتكلم عن نظام ABS وبيدعي ان عدم وجوده افضل ياريت حد يوضحي الموضوع ده



[youtube]http://www.youtube.com/watch?v=hnjszE3NS9E[/youtube]

[magid55]

مش ممكن

مش ممكن ان السيارات اللى بدون abs تكون افضل من اللى بها؛
لأن كلما تقدمت التكنولوجيا طبعا" السيارة هتكون افضل..
وال abs من عوامل الامان فى السيارات الحديثة

[فادى محمد]

مشكلته الوحيده انه بيزود مسافه التوقف في الطوالي انما غير كده مزاياه اكتر بكتير.

[د.محمود صلاح]

فعلا مسافة التوقف تزيد لأنه بيمنع الإحتكاك - الإنغلاق -

[Hussein_Emara]

السيطرة على موقف زي ده و استخدام اسلوب السائقين المحترفين (على حد تعبيره) عايز اعصاب من حديد عشان اتحكن في الفرامل بالشكل ده.

[icahmed]

مشكلته الوحيده انه بيزود مسافه التوقف في الطوالي انما غير كده مزاياه اكتر بكتير.

وهل حضرتك جربت فعلا ان abs بيزود مسافه التوقف في الطوالي

[levelpower]

مش ممكن ان السيارات اللى بدون abs تكون افضل من اللى بها؛
لأن كلما تقدمت التكنولوجيا طبعا" السيارة هتكون افضل..
وال abs من عوامل الامان فى السيارات الحديثة

++++111

[sanhory]

أنا شايف يا جماعة إن الفيديو ده معمول بشكل سطحي , لأن ساعة القدَر الواحد مابيلحقش يفكر يدوس بالراحة ولا يدوس جامد , الواحد بيلاقي رجله اتشالت واتهابادت على الفرامل , أنا من الناس اللي بأقول اللي بيدوس عالفرامل ويخلي العربية تزحف ده غشيم بس فعلا وقت الجد وقت ماتظهر حاجة غير متوقعة إنت بتلاقي نفسك بتدوس عالفرامل بغشامة وهنا بقى ييجي دور el-abs ده غير إن abs تحس بيه عالسرعة العالية أكتر من السرعة البطيئة اقل من 60 مثلا و طبعا على المية والرمل حاجة تانية ولا كإن في مية ولا كإن رمل , طبعا فرامل العادية على رمل ولا المية ماقولكش مراجيييح :)

[mailo]

بصوا على باقي الفيديوهات بتاعت السلسلة دي

الabs ليه مزايا وعيوب وال لوك العادية ليها مزايا برده وعيوب

من الآخر كده abs أمان وجامد جدا مع الناس
بس العادي مع واحد برو يعراف إزاي يستعمل فرامل ويعرف إزاي ميخليهاش تعمل لوك يبقى العادي أحسن وامان أكتر عشان التحكم بيكون في إيد السواق بعكس ال abs لما بيشتغل مابيفصلش اللى لما العربية تقف أو تسيب الدواسة خالص

هو ده اللي الفيديو ده بيقول عليه وشوية فيديوس تانية

ويجعله عامر

[dr_radioooooo]

مشكلته الوحيده انه بيزود مسافه التوقف في الطوالي انما غير كده مزاياه اكتر بكتير.

+111111111111111111

[Ashraf_Ibrahim]

الزملاء وضحوا كل شيء باستفاضة
ولكن انا عن نفسي كواحد بيسوق بقاله فترة الحمد لله هتلاقي انك تقدر تتحكم في الاتنين وتديهم مزايا بعض بالضغط القوي على دواسة الفرامل ولكن ليسللحد الاقصى عشان لو العربية مفيهاش اي بي اس تديلك خواص الاي بي اس ولو فيها الاي بي اس الاي بي اس ميشتغلش دا لو انت محتاج تقف بصورة مفاجئة
وربنا يسترها على الجميع

[windofchange]

موضوع جميل انا عملت حادثة من 3 اسابيع كده بسبب عدم وجود ال abs ودوست فرامل بغشامه بس مش كل يوم الواحد راح يعمل حادثة فعشان الواحد يكون محترف ويستخدم الفرامل باحتراف يكون عمل حادثة كذا مرة سمايلي "" عشان تجيله الخبرة ديه او يكون شاب محترف وساق وتعرض لكذا موقف فجائي بحيث ميعملش زي ويدوس لآخر الدواسة والفرامل تعمل لوك و......... نسيت اقول كان الأرض متغرقة مياه والطريق كان حارة واحدة سواق تكس وقف ورجع عشان ياخد ملف عن نفسي افضل يكون فيها ABS

[tiger45]

انا للاسف مجربتوش
بس كل اللي سمعته انه من ناحية السفتي ممتاز

[mailo]

+مشكلته الوحيده انه بيزود مسافه التوقف في الطوالي انما غير كده مزاياه اكتر بكتير.

ده على السرعات البطيئة يعني 50 - 60 كبسة الفرامل في ال no abs هتكون أحسن إنما على السرعة العليا ال abs أحسن

الزملاء وضحوا كل شيء باستفاضة
ولكن انا عن نفسي كواحد بيسوق بقاله فترة الحمد لله هتلاقي انك تقدر تتحكم في الاتنين وتديهم مزايا بعض بالضغط القوي على دواسة الفرامل ولكن ليسللحد الاقصى عشان لو العربية مفيهاش اي بي اس تديلك خواص الاي بي اس ولو فيها الاي بي اس الاي بي اس ميشتغلش دا لو انت محتاج تقف بصورة مفاجئة
وربنا يسترها على الجميع

الله ينور عليك

بص بقى فيه حركة أنا بعملها لما بكون ماشي على سرعة عليا والطريق وقف قدامي مرة واحدة
لو كبسة فرامل للاخر العربية هتزحف مني جامد عشان اللوك ومش هاعرف التحكم فيها ده غير إن الزحف ده هيطول مسافة الوقوف بتاع العربية ولو ضغطت اقل شيعية يبقى هالبس
بقوم كابس قوي فرامل قوي -عارف كده لما تخض العربية بالفرامل- حاجة كده بالضبط وأسيب شوية مش باشيل رجلي خالص بس بخفها سِنة لحد مالعربية تبتدي بو زها يعلى تاني أقوم مزود الضغط شوية وأسيب وهكذا لحد مايبقى المسافة اللي قدامي توقفني بكبسة فرامل عادية بقوم دايس بقى عادي واقف وربك بيسترها الحمد لله

موضوع جميل انا عملت حادثة من 3 اسابيع كده بسبب عدم وجود ال abs ودوست فرامل بغشامه بس مش كل يوم الواحد راح يعمل حادثة فعشان الواحد يكون محترف ويستخدم الفرامل باحتراف يكون عمل حادثة كذا مرة سمايلي "" عشان تجيله الخبرة ديه او يكون شاب محترف وساق وتعرض لكذا موقف فجائي بحيث ميعملش زي ويدوس لآخر الدواسة والفرامل تعمل لوك و......... نسيت اقول كان الأرض متغرقة مياه والطريق كان حارة واحدة سواق تكس وقف ورجع عشان ياخد ملف عن نفسي افضل يكون فيها ABS

ماشي بس مش لازم تعمل حوادث عشان تعرف تستعمل الفرامل
وبعدين الخبرة دي إنت ممكن تعلمها لنفسك من اللي بيحصلك كل يوم وإنت سايق وشووف الناس اللي جنبك بيعملوا اه واتعلم من المواقف اللي بتقابلهم

[فادى محمد]

وهل حضرتك جربت فعلا ان abs بيزود مسافه التوقف في الطوالي

طبعا جربت ...لو معاك عربيه فيها ايه بي اس وفرملت في رمل او ارض زلقه والدركسيون عدل هتلاقي المسافه اطول من فرمله نفس العربيه في نفس الظروف بس من غير ايه بي اس .بس طبعا لو الفرمله والدركسيون لافف او كنت بتاخد غرزه او بتفادي حد بيظهر اهميه النظام هنا انه بيخلي العربيه ماتعومش وبتاخد نفس الاتجاه اللي حددته بالدركسيون وعلشان تستفيد منه لحظتها لازم تدوس فرامل للاخر(النظام يشتغل) وفي نفس الوقت تحرك الدركسيون .