تزويد مياه الرادياتير(متى ولماذا)

[mesaharaty]

طبعا أى قربة مياه فى أى سيارة بيبقى فيها علامتين MIn - Max
للدلالة على إن مستوى المياه الصحيح يجب ألا يزيد أو يقل عن الحدين دول
ده كلام سليم جدا

الخلاف هنا هو :
ليه السيارة بتفقد المياه اللى موجودة بالقربة ؟

بالاقى ناس تقول لك انا بازود مياه كل كام شهر وناس تانية مثلا كل اسبوعين فى حين بيكون مستوى المياه لسه فى المعدل الطبيعى بين العلامتين .
ما هى المدة اللى لما تزود مياه فيها تبقى كده العربية كويسة وتبريدها كويس والوضع عادى ؟
ولو زودت كل قد إيه تبقى العربية دى فيه حاجة فى تبريدها؟

أنا أعلم إن الموضوع يختلف حسب الإستخدام للسيارة ونوع المياه وغيره
لكن أنا باحاول أوصل للتعرف على طريقة صحيحة للحكم على نقصان معدل المياه هل هو طبيعى ولا مش طبيعى ؟

[MMamdouh]

طبيعى انك تفقد جزء من مية التبريد خلال التشغيل الطبيعى للعربية... مهم نسبة الفقد دة قد ايه

عادتا بيعتبر تزويد المية (او اى سائل اخر للعربية) بشكل دورى او بكميات كبيرة يدل على وجود تسريب... يعنى لو انت كل شهر بتزود نص لتر (سواء مية تبريد او زيت باور او زيت موتور) او كل اسبوع بتزود ربع لتر يبقى انت عندك حاجة بتسرب و دة مش طبيعى

معظم صناع العربيات بينصح بالكشف الدورى على السوائل بتاعت العربية... و لو احتاجت كمية قليلة لتكملة مستوى اى من السوائل عند الكشف دة يعتبر طبيعى... بس مش طبيعى ان عند كل كشف تحتاج اعادة تعبئة لاستعادة المستوى

مية التبريد تحديدا بتسخن جامد و دة بيؤدى الى تكون بخار... فى بعض الاحيان الضغط داخل دورة التبريد بيزيد عن حد الامان و الضغط الزائد بيخرج من خلال بلف غطاء الرادياتير او القربة و التنفيس دة حيخرج معاه جزء من بخار الماء مما يؤدى الى انخفاض مستوى مية التبريد

طبعا الكلام دة بنسب قليلة جدا جدا ممكن متحسش بيها الا بعد كذا شهر من الاستخدام... يعنى ممكن فى فصل الصيف تحس ان المستوى انخفض حاجة بسيطة و فى الشتاء المنسوب شبة ثابت

ارجو ان المعلومات دى ساهمت فى الاجابة على استفسارك

MMamdouh

[mesaharaty]

أولا شكر لمشاركة سيادتك
ثانيا أنا كان غرضى أعرف يعنى مثلا لو العربية بتتزود مياه للرادياتير كل 15 يوم مثلا بس فى نفس الوقت هو مش تزويد كتير لأن المستوى بيكون مازال فى المتوسط بين العلامتين

[MOUSTAFA_SAAD]

شكرا استاذ MMamdouh على المعلومات المفيدهه
هل نوع الميه بيفرق

[MMamdouh]

أولا شكر لمشاركة سيادتك
ثانيا أنا كان غرضى أعرف يعنى مثلا لو العربية بتتزود مياه للرادياتير كل 15 يوم مثلا بس فى نفس الوقت هو مش تزويد كتير لأن المستوى بيكون مازال فى المتوسط بين العلامتين

كدة تزويد بشكل دورى و ممكن يبقى عندك تسريب بسيط

MMamdouh

[MMamdouh]

شكرا استاذ MMamdouh على المعلومات المفيدهه
هل نوع الميه بيفرق

معتقدش... لو فيه تسريب المية حتنقص بغض النظر عن نوعها

MMamdouh

[Ashraf_Ibrahim]

استاذ ممدوح ربنا يبارك فيك وفي معلوماتك ويجزيك خيرا

[r0xer]

محمد ممدوح : هل لو المية بتنقص كل 6 شهور بالظبط نص القربة يعتبر في تسريب؟

لاحظت ان كل 5 شهور او 6 نص القربة بيفضى..يعني بيوصل لحد ال mini. بعد ماكان على الmax. علما بإني بحط مياه خضراء وبعمل حوالي 5الاف كيلو في ال6 شهور.

ايه رأيك؟

[Salamonti]

أنا لفت نظري في العربية الاسبيرانزا هو عدم الحاجة لتزويد مياه الريداتير منذ شرائها رغم الكشف الدوري !!
العربية شهر 5 الجاي تبقا كملت سنتين وماشي بيها حوالي 45 ألف كيلو ومازودتش نقطة مية ومستواها مظبوط

السؤال بقا.. هل المية دي لازم تتغير كل فترة حتى لو مش بتنقص ؟؟؟؟؟
يعني بعد سنتين عملت فيهم 45 ألف كيلو هل افضي المية القديمة دي خالص واحط بدالها مية جديدة ؟؟
مع العلم ان المية اللي في العربية مش مية حنفية و إنما مية معالجة ضد تكون الصدأ و لتحمل درجات الحرارة المرتفعة ولونها ازرق

[kondor]

انا كان عندى سؤال فى البروتون واجا 2005 بيكون فيه مؤشر عن مستوى المياه min max ؟لو موجود بيكون فين ؟؟

[MMamdouh]

محمد ممدوح : هل لو المية بتنقص كل 6 شهور بالظبط نص القربة يعتبر في تسريب؟

لاحظت ان كل 5 شهور او 6 نص القربة بيفضى..يعني بيوصل لحد ال mini. بعد ماكان على الmax. علما بإني بحط مياه خضراء وبعمل حوالي 5الاف كيلو في ال6 شهور.

ايه رأيك؟

اعتقد كدة حيبقى فيه تسريب صغير جدا... و اعتقد برضة لو انت بتبص على مية التبريد كل شهر حتلاقيها بتنقص حاجة بسيطة اوى

انا شايف انك تتباع المية بشكل دورى اكتر من كدة يعنى بص عليها كل شهر... لو لاحظت ان النقص واضح يبقى اكبس الدورة و شوف التسريب فين... لو النقص بسيط و غير ملحوظ يبقى مفيش مشاكل

MMamdouh