إعـــــــلان

Collapse

.

,
See more
See less

حوار مع صديقة امريكية_عن سيارتها_والسيارات المفضلة فى بلدها_حوار شيق ومفيد....

Collapse
X
 
  • Filter
  • الوقت
  • Show
Clear All
new posts

  • حوار مع صديقة امريكية_عن سيارتها_والسيارات المفضلة فى بلدها_حوار شيق ومفيد....

    انا كنت لسة قاعد مع صديقة امريكية امبارح_فبسألها إنتى ركبة أيه هناك!_قالتلى انا راكبة فورد فوكس_قولتلها الجديدة؟الهايبرد زى تويوتا بريوس!قالت لا القديمة بنزين عادية_وبابا معاه هوندا سيفيك 2010_سألتها هايبرد_قالت لا عادية_و2000 سى سى_وصن رووف_وبتقولى ان افضل سيارة ومنتشرة جدا هناك _هوندا اوديسى!_وانهم ما زالوا محتفظين بشيفرولية كابريس 8 سلندر_وضحكت جدااا!_بتقول والدها كان بيغير البوجيهات_وقع جوا حوض العربية من وسعها__قولتلها إشمعنى والدك إختار السيفيك_قالت علشان مش بتعطل كتير وموفرة_وسهلة فى القيادة_ومابيحبوش الكورى وما يعرفوش الصينى!_وبيعشقوا فيرارى والفاروميو_مجرد ما ذكرت فيرارى والفا_قالت واااو_سألتها عن الفولفو_قالت عنها سيارة قوية جدا _وبيحبوها قوى_ومازال فى موديلات قديمة وبيستعملوها لحد دلوقتى_لأنها رمز الأمان_وشاورتلها على كرايزلر باسفيكا_قالت دى بتاعة الvip_والأغنياء_سألتها عن ال4*4_قالت مش بتحبها علشان_بتستهلك بنزين كتير_وسألتها عن مرسيدس_قالت ان الشباب مش بتحبها_ومناسبة لسن فوق ال40_وفى النهاية صعقت وإتخضت من اسعار السيارات فى مصر لما شاورتلى على فورد إسكورت_وقولتلها_تمنها 30 الف مستعملة!__وشاورتلى على سيفيك الجديدة_وقولتلها إن تمنها فوق ال130الف جنيه_قالتلى غالية جدا جدا_والهوندا اكورد_عندهم ارخص بكتير_فى النهاية سألتنى هى عربيتك دى نوعها أيه_قولتلها فيات 127_سبورت_قالتلى موديل كام _قولتلها 79_قالتلى جميلة_قالت انا بحب السيارات الصغيرة_لأنها موفرة_وبتأدى نفس الغرض_بس كان تعليقها الأكبر على اسعار السيارات فى مصر_وإحنا على كوبرى أكتوبر والكوبرى زحمة وواقف_سألتنى ليه الزحمة!_قولتلها أكيد حادثة!_بعد شوية لقينا بريليانس إف آر فى_هى سبب الزحمة_صاحبها بيدور ومش راضية تدور_سألتنى عن نوعها_قولتلها صينى_ويعتبر افضل الصينى فى مصر_قعدت تضحك كتير_ووتريق عليها_سألتنى عن سعرها قولتلها حوالى 70000 ألف_رقعت بالصوت زى ستات مصر!
    My "facebook" Account is "Ahmed Aymn Arbiat"

  • #2
    حوار شيق وان دل يدل علي اننا بلد الضرائب
    مع اننا دخلنا من اقل الدخول بس بندفع اغلي من اي دوله ودي مصيبه
    بس بصراحه لو الاسعار قلت عن كده هتكون مصيبه الطرق متستحملش
    هي منظومه وعاوزه تتظبط
    نعدل الطرق ونعيد تخطيط المدن بعدين نفكر في خفض الاسعار
    د \ محمد البربري

    Comment


    • #3
      ههههههههههههههههههههههههههه
      ده دليل علي اننا والله ناس طيبه
      واحده زيها لو اللي بيحصل فينا ده حصل في امريكا مش حيقوموا بثوره
      دول حيشيلوا البلد كلها يقلبوها ويعيشوا عالضهر علي نضافه
      :)

      Comment


      • #4
        ربنا يكرمنا والجمارك تتشال خالص عشان السرقة دي زادت اووووي برده كنت قاعد من 3 ايام مع صاحب بن عمي عايش فالنمسا ووراني علي موبايله فيكترا 2002 تقريبا كان جايبها ب1500 يورو عمل حادثة دخل فعامود قلتلله تتصلح قالي ملهاش لازمة انها تتصلح وباعها لواحد عالنت ب500 يورو عنده اختها وخدها كاملة ب500 يورو بس يعني 3500 جنيه يابلاش ودخلنا عالنت علي موقع بيحبه اسمه Auto Scout24 Used car & new car classifieds وشوفنا فولكس توارج مستعملة عاجباه وناوي عليها بكام مستعملة موديل 2003 3200 سي سي 6سلندر ب13000 يورو يعني ب91000 جنيه مستعملة عندنا معرفش بس جديدة بمليون جنيه يوم متتباع مستعملة اعتقد متقلش عن نص مليون جنيه يعني وانا قاعد معاه والله كنت هعيط ربنا يرحمنا من الذل ده والسرقة وتقول لحد يارب يلغوا الجمارك يقلك الشوارع مش مستحملة ده منطق ياناس العربية مبقتش كماليات خالص خصوصا فبلدنا لأن مفيش نقل عام كويس بس كده بس موضوع حلو يا باشا تسلم الايادي
        [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

        Comment


        • #5
          الحل بسيط جدا جدا_حكومة نضيفة بجد_عربيات عدى عليها 10 سنين تتكهن_ويعاد تدويرها_هايساهم فى تشغيل الشباب _ويساعد فى البطالة_وهاتقل جدا جدا_الإقتصاد هاينتعش جدا_والبلد هاتنضف_لإن مش هاتلاقى _شبه عربية _زى عربيات البطاطا_عطلانة وموقفة الطريق_وهايبقى فى نضافة فى الشوارع_والمصريين نفسيتهم هاتبقى افضل بكتير جدا_وقانون_يزودى الضريبة الترفيهية على اللى عندة أكتر من عربية بأسمة_ونتجه للسيارات الصغيرة زى ال1000_وال 1300 سى سى_هاتشبعك جرى برضوا_مش لازم مواتير كبيرة_انا عربيتى 1000_وبعمل بيها كل حاجة فى أى حاجة بأى وزن_فى أى طريق_وبركب كورولا 1300_بتجيب 200 عادى جدا_وبتجرى جدا جدا
          My "facebook" Account is "Ahmed Aymn Arbiat"

          Comment


          • #6
            المشاركة الأصلية كتبت بواسطة windsofchange مشاهدة المشاركة
            ربنا يكرمنا والجمارك تتشال خالص عشان السرقة دي زادت اووووي برده كنت قاعد من 3 ايام مع صاحب بن عمي عايش فالنمسا ووراني علي موبايله فيكترا 2002 تقريبا كان جايبها ب1500 يورو عمل حادثة دخل فعامود قلتلله تتصلح قالي ملهاش لازمة انها تتصلح وباعها لواحد عالنت ب500 يورو عنده اختها وخدها كاملة ب500 يورو بس يعني 3500 جنيه يابلاش ودخلنا عالنت علي موقع بيحبه اسمه auto scout24 used car & new car classifieds وشوفنا فولكس توارج مستعملة عاجباه وناوي عليها بكام مستعملة موديل 2003 3200 سي سي 6سلندر ب13000 يورو يعني ب91000 جنيه مستعملة عندنا معرفش بس جديدة بمليون جنيه يوم متتباع مستعملة اعتقد متقلش عن نص مليون جنيه يعني وانا قاعد معاه والله كنت هعيط ربنا يرحمنا من الذل ده والسرقة وتقول لحد يارب يلغوا الجمارك يقلك الشوارع مش مستحملة ده منطق ياناس العربية مبقتش كماليات خالص خصوصا فبلدنا لأن مفيش نقل عام كويس بس كده بس موضوع حلو يا باشا تسلم الايادي


            الف شكر ياباشا_بس هى قالت إنتوا شعب طيب وغلبان قوى!_وسألتنى ليه راضيين بكدة_وإزاى العربيات الصينى دى منتشرة وبالسعر دة كمان_إزاى تشترى عربية اصلا بالسعر دة ومافيهاش وسائل امان!
            My "facebook" Account is "Ahmed Aymn Arbiat"

            Comment


            • #7
              المشاركة الأصلية كتبت بواسطة i_Am_Legend مشاهدة المشاركة
              الحل بسيط جدا جدا_حكومة نضيفة بجد_عربيات عدى عليها 10 سنين تتكهن_ويعاد تدويرها_هايساهم فى تشغيل الشباب _ويساعد فى البطالة_وهاتقل جدا جدا_الإقتصاد هاينتعش جدا_والبلد هاتنضف_لإن مش هاتلاقى _شبه عربية _زى عربيات البطاطا_عطلانة وموقفة الطريق_وهايبقى فى نضافة فى الشوارع_والمصريين نفسيتهم هاتبقى افضل بكتير جدا_وقانون_يزودى الضريبة الترفيهية على اللى عندة أكتر من عربية بأسمة_ونتجه للسيارات الصغيرة زى ال1000_وال 1300 سى سى_هاتشبعك جرى برضوا_مش لازم مواتير كبيرة_انا عربيتى 1000_وبعمل بيها كل حاجة فى أى حاجة بأى وزن_فى أى طريق_وبركب كورولا 1300_بتجيب 200 عادى جدا_وبتجرى جدا جدا
              فيه عربيات ماينفعش تتكهن بعد 10 سنين
              يعني civic و bmw وعربيات تانية كتير بتعيش بقوتها لحد 300000 كم على الاقل
              يبقى ليه تكهنها

              وبعدين الملاكي استهلاكه مش عالي قوي عشان يهلك العربية

              بس ممكن تبعد الناس عن العربيات دي بانك تنزل سعر الجديد قوي كده المستعمل هينْزل وكمان ممكن تكهن بعد 20 أو 30 سنة للملاكي
              وممكن تمنع بيع العربية اللي عدى عليها 30 سنة مثلا وتوقف التوكيلات عليها

              كده اللي عربيته هتبقى خردة هيرميها عشان يجيب واحدة تانية جديدة أحسن أو مستعملة ونضيفة وبسعر أي كلام

              Comment


              • #8
                هو اللى احسن من ده كله
                يبقى فيه فحص بجد و ميبقاش فيه واسطة العربيات المفوتة متمشيش الا لما تغير ماتورها الفرامل و المساعدين لازم يتكشف عليهم العربية الى ماينفعش تتصلح متمشيش
                العربيات الانصاص اللى ماشية دى لازم تتمنع
                العربيات تتكهن بعد 15 سنة و بعد عشر سنين متتبعش الا لو هتصدرها لدول افريقيا اهو بالمرة وفرت مصاريف اعادة التدوير
                فيه مليون فكرة المهم الراجل اللى ينفذ
                [CENTER]لكل فاسد في بلادي سجن .... طره بينادي
                [/CENTER]

                Comment


                • #9
                  قبل ما الجمارك تتشال لازم المنظومة كلها تتعدل .. من اول الطرق و اماكن الانتظار و الشوارع الحيوية يبقى عليها ضريبة دخول وقت الظهر زي الدول المحترمة و الاهم هيا ثقافة القيادة عندنا .. لو شالوا الجمارك من غير ما يشوفوا الحاجات دي .. يبقى علية العوض ومنة العوض و هروح اشتري عجلة احسن
                  [CENTER]انا معارضة على فكرة :tongue32:
                  [/CENTER]

                  Comment


                  • #10
                    المشاركة الأصلية كتبت بواسطة mailo مشاهدة المشاركة
                    فيه عربيات ماينفعش تتكهن بعد 10 سنين
                    يعني civic و bmw وعربيات تانية كتير بتعيش بقوتها لحد 300000 كم على الاقل
                    يبقى ليه تكهنها

                    وبعدين الملاكي استهلاكه مش عالي قوي عشان يهلك العربية

                    بس ممكن تبعد الناس عن العربيات دي بانك تنزل سعر الجديد قوي كده المستعمل هينْزل وكمان ممكن تكهن بعد 20 أو 30 سنة للملاكي
                    وممكن تمنع بيع العربية اللي عدى عليها 30 سنة مثلا وتوقف التوكيلات عليها

                    كده اللي عربيته هتبقى خردة هيرميها عشان يجيب واحدة تانية جديدة أحسن أو مستعملة ونضيفة وبسعر أي كلام

                    انا هوافق على الكلام دة علشان معشوقتى سيفيك93_والبى إم دبليو e30_والفا 146_بس هدفنا الأكبر إن العربيات القديمة تتشال_مثلا عربية زى السيات مثلا كل شوية تعطل وتبهدل صاحبها_وبيخاف يروح بيها مشاوير بعيدة_لما يلاقى عربية بسعر حنين _ومكيفة وموفرة_واللى هايصرفة على السيات قطع غيار ومصنعية وميكانيكية_ووقت وبهدلة_يدفعة فى الصيانات الدورية اللى هى كل فين وفين_وبعد 10 سنين هاتبتدى تفتح بقها _بقى يسلمها وياخد غيرها_بتمن التسقيط والتعمير_والسمكرة والدوكو والعطلة والبهدلة_ونعيش حياة آدمية محترمة
                    My "facebook" Account is "Ahmed Aymn Arbiat"

                    Comment


                    • #11
                      المشاركة الأصلية كتبت بواسطة i_Am_Legend مشاهدة المشاركة
                      انا هوافق على الكلام دة علشان معشوقتى سيفيك93_والبى إم دبليو e30_والفا 146_بس هدفنا الأكبر إن العربيات القديمة تتشال_مثلا عربية زى السيات مثلا كل شوية تعطل وتبهدل صاحبها_وبيخاف يروح بيها مشاوير بعيدة_لما يلاقى عربية بسعر حنين _ومكيفة وموفرة_واللى هايصرفة على السيات قطع غيار ومصنعية وميكانيكية_ووقت وبهدلة_يدفعة فى الصيانات الدورية اللى هى كل فين وفين_وبعد 10 سنين هاتبتدى تفتح بقها _بقى يسلمها وياخد غيرها_بتمن التسقيط والتعمير_والسمكرة والدوكو والعطلة والبهدلة_ونعيش حياة آدمية محترمة
                      ما هو ده اللي أنا بأتكلم عليه العربيات المستفزة اللي كل شوية تعطل
                      يعني من حق كل مواطن إنه يعطل الطريق مرة أو مرتين عاش عربيته عطلت بس مش كل مالمواطن ده يخرج من بيته يعطل الطريق ويسمم الناس اللي ماشية فيه بالشكمان بتاعه

                      لو اسعار العربيات الجديدة نزلت هتلاقي ال civic و e30 بالكتير 15000 - 20000 عشان الجديد سعره هينْزل أكتر من النص

                      يعني مثلا ال civic لو جديدة 180000 جنيه من غير الضرايب والجمارك واضافات الكماليات على الضريبة هتلاقيها مش جايبة 100000 جديدة وممكن كمان بموتور أعلى وأحسن في استهلاك البنزين
                      يبقى العربية موديل 10 سنين فاتوا تمنها هيبقى كام ؟؟

                      وهتشتري موديل 10 سنين فاتوا ولا موديل سنتين تلاتة قدام مثلا لو معاك 70000 ؟

                      ساعتها السيات واللي زيها هيبقوا ببلاش وساعتها صاحبها يقول اكهنها أحسن وآخد فيها 5000 جنيه أحسن ماهي قاعدة جنبي

                      وياسلام بقى لو الموديلات دي يتعمل عليها حظر بيع عشان صاحبها مايبتلييش بيها غيره يبقى صاحبها يايبعها خردة أو يكهنها أو يخليها جنبه يلعب بيها كوتشينة

                      وممكن توقف استيراد قطع الغيار بتاعتها كده يبقى إنت هتجبر صاحب العربية إنه يعدمها

                      Comment


                      • #12
                        المشاركة الأصلية كتبت بواسطة mailo مشاهدة المشاركة
                        ما هو ده اللي أنا بأتكلم عليه العربيات المستفزة اللي كل شوية تعطل
                        يعني من حق كل مواطن إنه يعطل الطريق مرة أو مرتين عاش عربيته عطلت بس مش كل مالمواطن ده يخرج من بيته يعطل الطريق ويسمم الناس اللي ماشية فيه بالشكمان بتاعه

                        لو اسعار العربيات الجديدة نزلت هتلاقي ال civic و e30 بالكتير 15000 - 20000 عشان الجديد سعره هينْزل أكتر من النص
                        المشاركة الأصلية كتبت بواسطة mailo مشاهدة المشاركة


                        يعني مثلا ال civic لو جديدة 180000 جنيه من غير الضرايب والجمارك واضافات الكماليات على الضريبة هتلاقيها مش جايبة 100000 جديدة وممكن كمان بموتور أعلى وأحسن في استهلاك البنزين

                        يبقى العربية موديل 10 سنين فاتوا تمنها هيبقى كام ؟؟

                        وهتشتري موديل 10 سنين فاتوا ولا موديل سنتين تلاتة قدام مثلا لو معاك 70000 ؟


                        ساعتها السيات واللي زيها هيبقوا ببلاش وساعتها صاحبها يقول اكهنها أحسن وآخد فيها 5000 جنيه أحسن ماهي قاعدة جنبي


                        وياسلام بقى لو الموديلات دي يتعمل عليها حظر بيع عشان صاحبها مايبتلييش بيها غيره يبقى صاحبها يايبعها خردة أو يكهنها أو يخليها جنبه يلعب بيها كوتشينة


                        وممكن توقف استيراد قطع الغيار بتاعتها كده يبقى إنت هتجبر صاحب العربية إنه يعدمها



                        هو دة الكلام يا مايلو..........

                        بجد احييييك بشدة..........

                        فيها ايه لو مصر بقت زى باقى الدول........

                        يعنى السعودية ولا ليبيا ولا لبنان ولا الكويت احسن مننا فى ايه؟........

                        My "facebook" Account is "Ahmed Aymn Arbiat"

                        Comment


                        • #13
                          بس ان الكلام ده لو حصل هايزود عدد العربيات فى الشوارع وبالتالى زحمه اكتر
                          "ذلك من فضل الله عليناوعلى الناس ولكن اكثر الناس لا يشكرون"

                          الحمد لله

                          Comment


                          • #14
                            حوار جميل
                            [CENTER]soon 2011[/CENTER]
                            [CENTER][img3]http://img103.herosh.com/2010/03/17/929079106.jpg[/img3][/CENTER]
                            [CENTER]لا اله الا الله محمد رسول الله[/CENTER]
                            [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                            [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                            [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                            [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                            Comment


                            • #15
                              كل بيت في الأرياف لازم يبقى فيه وسيلة مواصلات ... حصان أو حمار غالبا
                              في المدن بيبقى فيه عجله أو موتوسيكل
                              بنيجي عند السيارة وتبدأ النظرة تتغير ليها من مجرد وسيلة مواصلات إلى وسيلة بهوية
                              عندما تصبح النظرة للسيارة طبيعية وليس فيها اي شعور بالتميز عن أي وسيلة مواصلات أخرى لن يسعى لامتلاك سيارة إلا من يحتاجها فعلا ، ولن يقود الناس سيارتهم في الشوارع يضيعون أوقاتهم وأوقات الناس في القيادة بلا هدف بينما الساوند سيستم يعمل على أعلى درجة صوت للفت أنظار الجميع.

                              Comment

                              Working...
                              X