ايه رأيوكوا ؟؟؟

[heartbreaker]

انا بفكر اشتري عربية زيرو من التوكيل بس موديل 2010 و ده علشان ال 2011 زيهة بالظبط و طبعا ال 2010 ارخص, بس المشكلة اني مش عارف لو ده هايكون ليه عواقب غير لما اجي ابيعها و كدة....حد ممكن يفيدني مع العلم ان التوكيل قال الضمان من تاريخ الشرا ء مش سنة الصنع

[Ashraf_Ibrahim]

العواقب في البيع بس مش اكتر
انما هي هي مفيش اي مشاكل خالص

[zyadahmed]

طالما الشكل لم يتم تعديله يبقى الافضل تاخد الموديل القديم الارخص وما فيش اى فرق او استفيد باوبشن اعلى لو هتدفع نفس المبلغ

[heartbreaker]

طيب معلش لو هاتأل عاليكو.....هو السعر المفروض انزل فيه 5,000 جنيه علشان احنا في نص 2011 ؟؟

[A7MED_PHARMA]

حسب نوع العربية والتوكيل بتاعها..وحسب عروض البيع على الموديلات القديمة
وصدقني
إنت طبعا مش هتبيع قبل كان سنة ..بإذن الله طبعا
ساعتها مش هتفرق تقريبا..طالما حالة العربية نظيفة

وربنا معاك
بس خد بالك الموديل القديم..هتغير له كاوتش وبطارية..أو ممكن ترخم ع التوكيل وتخليه يغيرهملك

[eldell]

فعلا العواقب كلها فى البيع بس لاكن مفيش اى عواقب تانيه

[mailo]

اعادة البيع بس هي اللي تفرق

واسأل على العربية فالسوق مثلا على موديل 2006-2007
وشوف الفرق

وخد بالك من موضوع الكاوتش والبطارية ده

[heartbreaker]

بس خد بالك الموديل القديم..هتغير له كاوتش وبطارية..أو ممكن ترخم ع التوكيل وتخليه يغيرهملك[/quote]

طيب لو هاجيبها من معرض هيرضة يعمل كدة ؟؟.....و لو التوكيل رفض كمان....بلاش ؟؟؟

[احمدعبدالعزيز]

السياره لا تحتاج ابدا تغير كاوتش او بطاريه بعد عام من انتاجها وكمان انا اشتريت عربيتى موديل 2008 فى نهايه السنه وكان موديل 2009 وصل المينا ولكن انا فضلت 2008 لان كان فى تخفيض فى سعرها وقولت مش حتفرق كتير وخصوصا ان الاتنين واحد وعموما ربنا يوفقك للافضل .....