نصيحه ، متركبش زجاج كهرباء

[grgabra]

نصحونى كتيييييييييييييير ما اركبش زجاج كهرباء ، يا خارجه من المصنع بيها يا بلاش
ما سمعتش الكلام والنتيجة
زجاج بطيئ
متسخ على طول مهما عملت
زرار باظ بعد يومين وعند استبداله باظ التانى بعد 15 يوم
لبه فى الزجاج مع المطبات (عيب صنيعي)
ولسه

انصح بعدم تركيب زجاج كهرباء ، ماله السلك ...... كفر

[kamalantivirus]

ممكن المكن الاستيراد الي جايبة كان ماتورة ضعيف روح رجعة منالي جبت منة او بدلة

[eng_mkhalaf]

لاة أنا مش معاك الزجاج الكهربا نعمة - أنت أكيد ركبتة غلط

[Akram]

ممكن يكون المشكلة في الصنيعي اللي ركب الإزاز ,
فيه ناس ركبته في التوفيقية و من فترة كبيرة و بيشكروا فيه جداً ,
انت ركبته فين ...

[grgabra]

شكرا يا جماعة على اهتمامكم
بالمناسبة يا بشمهندس
eng_mkhalaf
الزجاج الكهرباء نعمه من المصنع بس مش تركيب عند صنايعي
رجعت للراجل تانى قعد يلعب فى الماكينة بقيت أسرع ، بس اللبه لسه موجوده وزرار منهم بيعلق مرات ، انا اشتريت المكن من الحرفيين والزراير من التوفيقية وركبتهم عند صنايعي فى وسط البلد
هرجعله تانى بكره يشوف الباقى
يا مسهل

[eng_mkhalaf]

خليك وراهم لحد ما تظبط الأمور شوية تعب بس مش مهم كلة يهون وإهى علقة وخلاص

[mada121977]

انا كنت مركب فى الشاهين الله يمسيها بالخير 2 زجاج كهرباء امامى وقعدو 5 سنين زى الفل وكانوا شغالين تمام هوا الرك فى الاساس على الصنايعى اللى بيشتغل ونوع المكنه نوع نضيف ولا لا وطبعا الاستعمال غير الزيرو يعنى لما تشترى مكنه كهرباء مستعمله هتبوظ بعد فتره بعكس المكنه الجديده

[ahmedfra]

انا موافق تماما لأنى مريت بنفس التجربة

[midonbtc]

انا موافق تماما لأنى مريت بنفس التجربة

موافق على ايه بالضبط
موافق ان الرك اصلا على الصنايعى
ولا موافق ان تركيب الازاز الكهرباء غلط

[Dr.SherifMansy]

غريبة
عربيتى القديمة ركبته فيها اول ما جبتها و قعد معايا 14 سنة و الحمد لله ، ما غيرتش الا زرار واحد بس ، صحيح المكن تقل بعد العمر ده لكنه كان شغال
:

D:D

[chihab18]

مكن الزجاح الكهربا بكام واحسن نوع ايه ؟

[grgabra]

اولا انا رجعت للراجل سبت العربية يعملها ، اخدتها من فترة دلوقتى هى سريعه مفيش شك (مقبولة) مفيش لبه ، لكن نزول الدرفه اخر حته بيعمل صوت ، بس ، لكن الحمد الله عن الأول وربنا يستر على الزرارير والمكن ما يبخربش ، كفايه علينا البنزين ، بالنسبة للاسعار المكن هتسمع كلام كتير وبما انى ما بفهمش فيهم فانا اخدت بثقتى فى الصنايعي ، الكل اجمع انى اشتريه يابانى (استيراد) مش ايطالى وسعره 600 جنيه ، بالنسبه للزراير فى زرار مفرد = 8 جنيه وفيه طقم زرارين = 185.00 من التوفيقية ، انا اشتريت الزرارين للسائق والزرار للأخر ، البـ 8 جنيه شغال ، اللى ب 185.00 باظ بعد يومين وروحت اخدت واحد بداله و... عجبى