هل وجود ال abs,ebdيخلينى اغير رأيى فى العربية اللى هشتريها؟؟

[hazem_khidr]

يا ابو عبد لله انا فاهم الكلام دا كله
انا مش معترض زي ما كررت بس برضه لو عاجبني عربيه و مكنش فيها الكلام دا حاجيبها برضه لانها مش شرط عندي.
انا الحمد لله الحمد لله بعرف اسيطر علي العربيه اللي راكبها كويس
و بستعمل الدركسيون علشان افادي اي حاجه قبل ما اضغط علي الفرامل.
بالنسبالي الفرامل دي اخر حاجه افكر فيها و الحمد لله ربنا بيسترها .
طبعا الاجهزه بتريح كتير و بتبقي دقيقه لكن بالنسبالي مش مهمه

[فادى]

يا حازومه
المشكلة انك مش هتقدر توصل للمسافة القياسية اللي النظام ده يقدر يوصلها للوقوف

عند ضرب الفرامل وعند وجود حاجه مفاجأه امامك على الطريق

دي مالهاش علاقة بالسواقة او بالحالات الفرديه

واحنا بنتكلم على الجميع وليس عن تجربتي الشخصيه اني بعرف اعمل كذا او لا اعرف اعمل كذا

ده غير مسالة ان نظام ABS بيجعلك انك تقدر تكسر الدركسيون وانت بتضرب فرامل لكي تتفادي اي شئ والعربيه لن تتزحلق من على الطريق

وده في العربيات العادية مش ممكن لأنك لو ضربت فرامل وكسرت الدركسيون فأكيد ان العربيه هتلف بك او على الأقل هتعرض منك على الطريق

ودي برضه مالهاش علاقة بالسواق

وممكن تشوفوا الفيديو ده وهو بيوضح ايه اللي بيحصل بالظبط

http://www.youtube.com/watch?v=LoJ3hVyVifc

لا يا سيدى سيطرتك على سيارتك تقترب كثيرا من عمل هذه الأنظمة, و ضغطة واحدة على الفرامل ثم تحريرها ثم معاودة الضغط مرة أخرى كافية جدا لاستعادة السيطرة على السيارة, و الضغط التصاعدى على المكابح يوازن تقريبا ضغط الاي بى اس.
فى حالة الانزلاق الأمامى الجانبى, يكفى تحفيف الضغط على الوقود لتستعيد السيطرة على السيارة.
فى حالة الانزلاق الخلفى فى سيارات الدفع الخلفى, و هو أخطر هذه الحالات و أصعبها فى السيطرة, يمكنك لف المقود عكس اتجاه الدوران, ثم معاودته مرة أخرى و سوف تجد أن السيارة استعادت توازنها.
و عموما يجب أن تعرف أن كل هذه الأجهزة لا تستطيع انقاذك فى معظم الحالات و لاسيما الحالة التعسيفية التى ذكرتها, و فى حالة الزيت, لا يمكنك الاعتماد على هذه الأجهزة بأى حال من الأحوال. و تذكر دائما أن توزيع الوزن و قساوة التعليق و تصميم الاطارات, أى قدرة السيارة على المحافظة على توزيع وزن مثالى فى مختلف الظروف أهم من جميع الأجهزة الالكترونية, فهذه الأجهزة كانت توضع للتغطية على عيوب السيارة فى الثبات , و لكنها الأن أصبحت توضع من أجل المنافسة, حتى و لو كانت السيارة لا تحتاج الى مثل هذه الأنظمة.
يمكنك مثلا أن تجرب الكبح بسيارة دفع خلفى لتعرف أن لا فائدة حقيقية من الايه بى اس.

[أبو عبدالله]

لا يا سيدى سيطرتك على سيارتك تقترب كثيرا من عمل هذه الأنظمة, و ضغطة واحدة على الفرامل ثم تحريرها ثم معاودة الضغط مرة أخرى كافية جدا لاستعادة السيطرة على السيارة, و الضغط التصاعدى على المكابح يوازن تقريبا ضغط الاي بى اس.
فى حالة الانزلاق الأمامى الجانبى, يكفى تحفيف الضغط على الوقود لتستعيد السيطرة على السيارة.
فى حالة الانزلاق الخلفى فى سيارات الدفع الخلفى, و هو أخطر هذه الحالات و أصعبها فى السيطرة, يمكنك لف المقود عكس اتجاه الدوران, ثم معاودته مرة أخرى و سوف تجد أن السيارة استعادت توازنها.
و عموما يجب أن تعرف أن كل هذه الأجهزة لا تستطيع انقاذك فى معظم الحالات و لاسيما الحالة التعسيفية التى ذكرتها, و فى حالة الزيت, لا يمكنك الاعتماد على هذه الأجهزة بأى حال من الأحوال. و تذكر دائما أن توزيع الوزن و قساوة التعليق و تصميم الاطارات, أى قدرة السيارة على المحافظة على توزيع وزن مثالى فى مختلف الظروف أهم من جميع الأجهزة الالكترونية, فهذه الأجهزة كانت توضع للتغطية على عيوب السيارة فى الثبات , و لكنها الأن أصبحت توضع من أجل المنافسة, حتى و لو كانت السيارة لا تحتاج الى مثل هذه الأنظمة.
يمكنك مثلا أن تجرب الكبح بسيارة دفع خلفى لتعرف أن لا فائدة حقيقية من الايه بى اس.

أن شاء الله هحاول اوصل طبعا رسالت حضرتك للمسئولين والخبراء اللي عملو النظام ده
لأن كده يبقى الناس بيضحك عليها بأنظمة بتاخد فلوس وخلاص وعاملين عليها هوليله على الفاضي
والمسألة في النهاية انك تضغط فرامل وتخفف وتكسر الدركسيون والموضوع منتهي

والله انا معرفش ان الحياه سهله كده الا دلوقتي

ربنا معانا والله بجد
ولك الله يا مصر

[د-احمد عبد اللطيف]

أن شاء الله هحاول اوصل طبعا رسالت حضرتك للمسئولين والخبراء اللي عملو النظام ده
لأن كده يبقى الناس بيضحك عليها بأنظمة بتاخد فلوس وخلاص وعاملين عليها هوليله على الفاضي
والمسألة في النهاية انك تضغط فرامل وتخفف وتكسر الدركسيون والموضوع منتهي

والله انا معرفش ان الحياه سهله كده الا دلوقتي

ربنا معانا والله بجد
ولك الله يا مصر

انا اضم صوتي لصوت الاخ ابو عبد الله و إن شاء الله يوصل صوتي للمسؤولين و يتم مراعاة ذلك في قانون المرور الجديد
واقترح ان التكاتك (جمع توك توك) والسيارات التى تباع في مصر يتم توفيرها بدون اجهزه الكترونيه على الاطلاق وذلك كاختيارoption لل professional drivers اللى ما فيش زيهم الا في مصر

ولك الله يامصر

[wawoo]

, فهذه الأجهزة كانت توضع للتغطية على عيوب السيارة فى الثبات , و لكنها الأن أصبحت توضع من أجل المنافسة, حتى و لو كانت السيارة لا تحتاج الى مثل هذه الأنظمة.
يمكنك مثلا أن تجرب الكبح بسيارة دفع خلفى لتعرف أن لا فائدة حقيقية من الايه بى اس.

اجهزة ا بى اس او ما ظهرت ظهرت فى سيارت مرسيدس , و اعتقد مرسيدس يعنى معندهاش عيوب فى الثبات عشان تغطيها , و بعدين انت لية بتقلل من اهمية التكنولويجيا , اكيد الا بى اس ساهم فى تحكم اكبر فى السيارة مافيش شك فى كدة , دة مش معنة ان هذة الاجهزة سوفت تلغى عمل السائق المحترف او ستعمل فى كل المواقف , العلم و تكنولويجا دائما فى تطور , و حضرتك بوص على مودلات مرسيدس الجديدة و شوف كمية الاجهزة و كمية التحكم اللى بتضاف كل سنة , دى مش تكنولوجيا جديدة و خلاص دى تكنولوجيا بتساهم اكيد فى تحكم اكبر و ثبات اكبر .

و لو فى تنكونوليجا جديدة بتساهم فى ثبات اعلى و امان اعلى لية كل الشركات متنزلهاش فى مودلاتها دة مش عيب ,كل دى اضفات مفيدة للسائق مش مجرد منافسة و خلاص , و شوف حضرتك اختراع زى الوسائد الهوائية ساهم فى الامان ازى واصبح بيركب فى كل ركن فى السيارة .

و برضو دى رغبة المستهلكين و لولا المنافسة محدش كان اهتم بتطوير هذة الانظمة واضافتها ..
اكيد السيارت الحديثة اكثر امنا و اكثر سباتا و اكثر قدرة و كل دة نتيجة التطوير و العلم .

[Abo_Lina]

كلها انظمة ابتكرها الفرنجه لعنهم الله ..

لا اعتقد ان شخص بيواجه موقف فجائي او على وشك انه يعمل حادثة هايبقى بيتمتع بالثبات الانفعالي انه يدوس ويحرر ويلف المقود ثم يسستعدله..الثواني محسوبة و بتفرق
الانظمة دي زيها زي الباور..ممكن القيادة من غيرها ولكنها موجودة لمساعدة السائق وجعل مهمته اسهل و اقل في الزمن

[maka]

مش ببص عليهم
لان من الاخر الاجهزه دي ما بيحتاجهاش غير السواق اللي علي قده
انما السائق المتمرس بيعرف يسيطر علي عربيته مش يخلي الالكتترونيات هيا اللي تسوق له

يا جامد.....يا مقطع الاسفلت ;)

[hazem_khidr]

اقتباس:
أرسل أصلا بواسطة hazem_khidr
مش ببص عليهم
لان من الاخر الاجهزه دي ما بيحتاجهاش غير السواق اللي علي قده
انما السائق المتمرس بيعرف يسيطر علي عربيته مش يخلي الالكتترونيات هيا اللي تسوق له

يا جامد.....يا مقطع الاسفلت ;)

و دا مدح و لا تريقه ؟؟؟؟؟؟؟؟؟؟

[hazem_khidr]

طب اخر موقف حصل انهارده
ماشي في امان الله و فجأه لقيت واحد قدامي !!!!!!!!!!
ايه اللي عملته ؟؟؟؟
جيت شمالي جه شمال اخدت يمين راح واخد يمين!!!
روحت خاطف شمال تاني و يدوب فاديته من جنب الاكصدام بفضل ربنا الحمد لله.
طب حتي لو كان معايا Abs , Ebd
هل كان حتقدر توقف عربيه ماشيه بسرعه 50 او 60 في مسافه لا تزيد عن 10 متر؟؟؟؟؟
استحاله طبعا .
خلاصه الكلام
الاجهزه دي معموله للمساعده فقط و عمرها ما تقدر تنقذك في موقف
و برضه حقولها و اللي يتريق يتريق لو انت سواق متمرس و عارف عجل عربيتك رايح فين بالضبط مش حتحتاج ليهم بعون الله.
و برضه علشان محدش يهاجمني
للمره المليون بقول انها اجهزه مهمه لكن مش بالاهميه اللي تخليني افضل عربيه عن التانيه لمجرد انها مزوده بالاجهزه دي

[ابوشريف]

أن شاء الله هحاول اوصل طبعا رسالت حضرتك للمسئولين والخبراء اللي عملو النظام ده
لأن كده يبقى الناس بيضحك عليها بأنظمة بتاخد فلوس وخلاص وعاملين عليها هوليله على الفاضي
والمسألة في النهاية انك تضغط فرامل وتخفف وتكسر الدركسيون والموضوع منتهي

والله انا معرفش ان الحياه سهله كده الا دلوقتي

ربنا معانا والله بجد
ولك الله يا مصر

قرأت كل المشاركات فى هذا الموضوع لانه يهمنى جدا ان اجد الاجابه على السؤال المطروح فيه

اشكرك جدا على مشاركاتك التى تشتمل على الشرح الوافى والتى من خلالها تبين لى ان هذا النظام

وجوده بالسياره مهم بدرجه كبيره سواء للسائق العادى او السائق المتمرس لانه لا احد يضمن أخطاء الغير

ولا أحد يضمن حسن التصرف فى المواقف الفجائيه على الطريق فوجود هذا النظام يوفر بفضل الله اولا جزءا كبيرا من الأمان على الطريق

فشكرا جزيلا لمخترعى هذا النظام وكل من يبتكر من أجل البشريه .

وجزاك الله كل الخير اخى أبوعبد الله وكان الله فى عونك

[som3aa]

أولا شكرا يا ابو عبد الله على ردودك ( كنت ميت من الضحك و انت بتقول كذا حاجة زى هوصل رايك للمسئولين ):D
أولا لصاحب الموضوع انصحك و بشدةةةة انك تشترى عربية فيها abs و Ebd لأانهم مهمييييين جداااااااا و من فضلك اتفرج على الفيديو دا و اللى بيقول انا اقدر افرمل بنفسى برده اتفرج على الفيديو دا

http://www.youtube.com/watch?v=ZSqGPyWroes&feature=related

أولا مرة كنت مع صاحبى و مشيين فى امان الله و بسرعة قليلة و فجاة طلعت عربية من تقاطع عايز اقولك لولا فضل ربنا ثم الabs كنا خبطنا بدون شك , صاحبى داس فرامل على الاخر و حسينا جداااااا بالabs زى متقول العربية اترجت و ثبتت فى مكانها لان ضغطة الفرامل كانت قوية جداا.
بعدين مستحييييل حد يفرمل زى الabs مهما عمل .
بعدين لو اتحطيط فى موقف احتجت فيه الفرامل زى واحد(*****) عدى الشارع قدامك مثلا و لا عربية فرملت فجاة قدامك و لا الشارع مليان رملة زى طريق التجمع الخامس و لا عربية طلعتلك فجاة من تقاطع و انت ماشى على 60 بس او اقل هتعرف اد ايه الabs مهم و لا يمكن الاستغناء عنه و للعلم اختى كانت عايزة تشترى الالنترا و كانت عجباها جداااااااااا بس لولا انها مكانتش بتنزل ب abs الكلام دا اول مانزلت مصر قبل مينزلوا الموديل اللى ب 120 اللى فيه abs كانت اشترتها.
و نصيحة منى اوعى تشترى عربية حديثة و تدفع فيها اد كده بدون ميكون فيها abs حتى لو هتدفع 10000 جنيه زيادة صدقنى كل ماتيجى تدوس فرامل هتحس بفرق و راحة كبيرة اوى , و عمرك ماتحس ان الفرامل ضعيفة و الكلام اللى بيحصل فى عربيات تانية
انا عندى العربية يبقى فيها abs و ميبقاش فيها airbags.
و صدقنى فعلاااااا اللى جرب الabs مستحييييل يسوق منغير abs بعد كده , هيحس ان العربية مفيهاش فرامل خالص , صدقنى بتحس باطمأنان فظيع مع ال abs.

اهم حاجة اتفرج على الفيديو اللى فوق كاملا.

[فادى]

اجهزة ا بى اس او ما ظهرت ظهرت فى سيارت مرسيدس , و اعتقد مرسيدس يعنى معندهاش عيوب فى الثبات عشان تغطيها , و بعدين انت لية بتقلل من اهمية التكنولويجيا , اكيد الا بى اس ساهم فى تحكم اكبر فى السيارة مافيش شك فى كدة , دة مش معنة ان هذة الاجهزة سوفت تلغى عمل السائق المحترف او ستعمل فى كل المواقف , العلم و تكنولويجا دائما فى تطور , و حضرتك بوص على مودلات مرسيدس الجديدة و شوف كمية الاجهزة و كمية التحكم اللى بتضاف كل سنة , دى مش تكنولوجيا جديدة و خلاص دى تكنولوجيا بتساهم اكيد فى تحكم اكبر و ثبات اكبر .

و لو فى تنكونوليجا جديدة بتساهم فى ثبات اعلى و امان اعلى لية كل الشركات متنزلهاش فى مودلاتها دة مش عيب ,كل دى اضفات مفيدة للسائق مش مجرد منافسة و خلاص , و شوف حضرتك اختراع زى الوسائد الهوائية ساهم فى الامان ازى واصبح بيركب فى كل ركن فى السيارة .

و برضو دى رغبة المستهلكين و لولا المنافسة محدش كان اهتم بتطوير هذة الانظمة واضافتها ..
اكيد السيارت الحديثة اكثر امنا و اكثر سباتا و اكثر قدرة و كل دة نتيجة التطوير و العلم .

توضيح هنا لمفهوم خاطىء.
سيارات مرسيدس, مثلها مثل كل السيارات الفارهة لا تتمتع عادة بالثبات المطلوب فى المنحنيات و أثناء الكبح و الانطلاق, و هذا ليس عيبا, بل هو انعكاس طبيعى للعناية الزائدة بالراحة و الترف, و هو المطلوب فى هذه السيارات أكثر من أى شىء أخر, و يرجع ذلك الى تباعد المحورين (نظرا للحجم الكبير), و نعومة نظام التعليق( لغرض الراحة طبعا), و هو ما يساهم فى تبدل الأوزان بشكل كبير عند الانعطاف أو فى مختلف الظروف, بالاضافة الى خلوها من الشطحات التصميمة سواء على صعيد وضعيات المحرك و علبة التروس و غير ذلك حتى لا تتسبب تلك الشطحات فى متاعب لا يتحملها "الباشا" الذى قام بشراء تلك السيارة.
طبعا الأمر مختلف على الطرق السريعة حيث تتمتع تلك السيارات بثبات جيد نظرا لثقل الوزن و لأن مثل هذا الثبات مطلوب كنوع من الراحة, و هذا النوع من الثبات لا صلة له بما نتحدث عنه هنا.
ناهيك طبعا عن أن "الباشا" الذى يقود مثل هذه السيارة غالبا ما لا يتمتع بالخبرة و المهارة اللازمة للقيادة, فهو يريد أن يصل الى وجهته بأقل جهد ممكن, و رأسه مشغوله بأسهمه فى البورصة التى انخفضت و ارتفعت و الموظف الفلانى الى طلع عينه و طبعا السكرتيرة الغندورة التى تدير مكتبه!!
لذا فان اعتماد مثل هذه الأنظمة فى سيارة مترفة أو سيارة عائلية هو أمر مبرر فى أغلب الأحيان, و لا تنسى أنه و فى النهاية اذا ما كانت السيارة بفضل تصميمها الرياضى توفر أكثر ثبات ممكن فى مختلف الظروف فليس هناك مبررا حقيقيا لمثل هذه الأنظمة.

[Ahmed Hassan]

يعني.. لو السياره تصميمها رياضي و اللي سايق "متمرس" و "رياضي" هوه كمان.. هيكون عنده لياقه يدوس على الفرامل 20 مره متقطعه في الثانيه "ده اللي بيحصل في حاله الـ Abs علشان يمنع انحراف العربيه?? طبعا كلام مش معقول.. و يا ريت نكون منطقيين شويه.

العربيه المزوده بـ Abs بتكون قيادتها عاديه جدا و الفرامل عاديه طول ما القياده بتتم في ظروف طبيعيه و الفرامل مش بيتم ضغطها بقوه.عند وقوع طاريء أو حدوث مفاجأه رد فعل الانسان مهما كانت مهارته او سرعه رد فعله هوه ضغط الفرامل على الآخر.. و في الحاله دي يظهر دور الـ Abs اللي مستحيل يحل محله رد فعل انساني.

[amrhussein123]

طيب هو abs بيتصلح عادي عند الميكانيكي

ولا لازم توكيل

[Ahmed Hassan]

الـ Abs اللي ممكن يبوظ فيه هوه الـ Control Unit الـ Sensors لكن غير كده الفرامل مكوناتها الميكانيكيه هيه هيه اللي في اي عربيه. و في اسوأ الأحوال لو النظام مش شغال.. هتكون الفرامي زي اي عربيه تانيه من غير Abs