رداً على الاستاذ (alhamza) فيما قالة بعدم صحة كلامى---->(الاثبات بالدليل)..

[sokasoon]

لينك الموضوع الاساسى

هنا

رداً على الاستاذ alhamza فيما قاله بعدم صحة كلامى

هثبت لك صحة كلامى وبالصور

سكرين لصفحة الرخصة من سايت الحكومة

بعد رفض التظلم

واضح التاريخ : 2006/02/1

طيب نشوف الرخصة

تاريخ التحرير : 2007/06/21

اعتقد كده إن مافيش اى شك بعدم صحة كلامــى

[Akram]

الموضوع بسيط ,
العربية موديل 2007 و المخالفة في 2006 يعني المخالفة على النمر ,
يبقى يا إما وكيل النيابة يقنع بموضوع الموديل و مش معقول يدوا مخالفة على عربية قبل ما تتصنع ,
أو انك تجيب جواب من مخزن اللوح بتاريخ استلامك للوحات و بالجواب ده بتتشال اي مخالفات قبل التاريخ ده ,
الموضوع ده حصل معايا قبل كده و جبت الجواب ده من مخزن اللوحات و شالو المخالفات .

[sokasoon]

الموضوع بسيط ,
العربية موديل 2007 و المخالفة في 2006 يعني المخالفة على النمر ,
يبقى يا إما وكيل النيابة يقنع بموضوع الموديل و مش معقول يدوا مخالفة على عربية قبل ما تتصنع ,

بقا معقول يا اكرم والله ووكيل النيابة بنفسو رفض

انا ليا واحد صاحبى فى مرور عين الصيرة هتصل بيه وربنا يسهل

ربنا يرحمنا من الغباء اللى بنشوفه كل يوم ده

سواء كان من المرور او سواقين الميكروباصات

[Nader]

انا ممكن اتهمك يا وليد انك ضارب الصور دي بالفوتوشوب:)

بهزر طبعاً.

هما بيستهبلوا جامد اوي اليومين دول ... يعني اساساً

انت لما بترخص او بتجدد الرخصة بتدفع المخالفات القديمة

يبقى ازاي يبقى علية مخالفات وهو مرخص بعد تاريخ المخالفة.



انا جايلي مخالفة الوقوف في نهر الطريق وتعطيل السير

تهمة يعني، بمحافظة الدقهلية وكمان 10 جنية بس .... الحمد لله

اصل المخالفات دي بتبقى على الاقل 200 جنية لتعطيل الطريق العام



بس المصيبة اني عمري ما روحت الدقهلية!!!


ســمــك لــبــن تــمــر هــندي!!

[sokasoon]

انا ممكن اتهمك يا وليد انك ضارب الصور دي بالفوتوشوب:)

بهزر طبعاً.

هما بيستهبلوا جامد اوي اليومين دول ... يعني اساساً

انت لما بترخص او بتجدد الرخصة بتدفع المخالفات القديمة

يبقى ازاي يبقى علية مخالفات وهو مرخص بعد تاريخ المخالفة.



انا جايلي مخالفة الوقوف في نهر الطريق وتعطيل السير

تهمة يعني، بمحافظة الدقهلية وكمان 10 جنية بس .... الحمد لله

اصل المخالفات دي بتبقى على الاقل 200 جنية لتعطيل الطريق العام



بس المصيبة اني عمري ما روحت الدقهلية!!!


ســمــك لــبــن تــمــر هــندي!!

:D:D:D:D

المشكلة انى عمال افهم فى وكيل الزبالة .....اااوكيل النيابة

اقولو تاريخ المخالفة قديم وانا مرخص العربية زيرو فى 2007 واوريلو الرخصة

وهو راسو والف جزمة لما كنت عايز ارزع دماغو فى المكتب اللى قاعد عليه

[FLYINGPEUGEOT]

:D:D:D:D

المشكلة انى عمال افهم فى وكيل الزبالة .....اااوكيل النيابة

اقولو تاريخ المخالفة قديم وانا مرخص العربية زيرو فى 2007 واوريلو الرخصة

وهو راسو والف جزمة لما كنت عايز ارزع دماغو فى المكتب اللى قاعد عليه

تنبيه مشدد للاخ sokasoon بعدم التعرض لأحد بمثل هذه الاهانات
.
.
.
.
.
.
.
.
.
.
.
.
.
.
.
لازم تخاف على شعور الزباله اكتر من كده ...كده الزباله هتزعل مننا يا وليد ..جهجهجهجهجهجهجهجهجه....

.:D:D:D:D:D:D:D
وحسبى الله ونعم الوكيل

[Nader]

اةةةةةة


لا يا سوكا هو مش غبي ولا حاجة، هو كدة عاوز ياخد فلوس.

[sokasoon]

اةةةةةة


لا يا سوكا هو مش غبي ولا حاجة، هو كدة عاوز ياخد فلوس.

قولتلى يا نادر بقـا على اللى فيها هو عايز فلوس :D

بس ده بعينـــــووووووووووووووووووووووووو

هشيلها غصب عنو من غير ولا مليـــــــــــــــــــم

و انا والزبـالـة والزمـن طـويــــــل

وخليــــه يرزع دمـــاغـو فى المكتـب اللى قـاعد عليـه

[sokasoon]

تنبيه مشدد للاخ sokasoon بعدم التعرض لأحد بمثل هذه الاهانات
.
.
.
.
.
.
.
.
.
.
.
.
.
.
.
لازم تخاف على شعور الزباله اكتر من كده ...كده الزباله هتزعل مننا يا وليد ..جهجهجهجهجهجهجهجهجه....

.:D:D:D:D:D:D:D
وحسبى الله ونعم الوكيل

اكتر من كده خـــوف على شعور الزبـالة :D:D:D

[theking2690]

يا جماعه انتوا المخالفات اللى بتتكلموا عليها ديه عادى انتوا كده تعتبروا لسه مشفتوش عجائب و طرائف المرور المصرى خدوا ديه احنا معانا عربيه بيجو 505 ستيشن مبتخرجش من الجراج غير علشان ترخص و كنا بنشوف العجب فى مخالفتها بس اجمد واحده فيهم و ديه اللى فطسنا على نفسنا من الضحك فيها وهى كانت و الله العظيم ما بكدب عليكو و لا حاجه تعطيل موكب رئيس الوزراء تصوروا عربيتنا الغلبانه ديه هتعطل موكب رئيس الوزراء و نحلفلهم يا جماعه العربيه ديه ما بتخرجش من الجراج غير علشان ترخص يقوللنا لأ ديه عطلت موكب رئيس الوزراء و نقولهم يعنى هى لو كانت عطلت موكب رئيس الوزراء كانوا الحرس هيسبوها كده و مش هيضربوا عليها نار يقوللنا ملناش دعوه و فى الاخر الحمد لله و بعد مناقشات و مفاوضات وكيل النيابه تفهم الموضوع بس قلنا مش هقدر اشيلكو المخالفات كلها لازم هتدفعوا حاجه و الادهى بقى ان المخالفه اللى دفعناها كانت السير عكس الاتجاه فى شارع رمسيس و لحد دلوقتى بنشوف اعجب فى مخالفات العربيه ديه رغم انها مش بتخرج بره الجراج


و عاى فكره يا sokasoon فعلا موضوع انك تاخد نمره و يبقى عليا مخالفه من قبل ما انت بتركبها ده بيحصل كتيرررر و كان حاصل معايا فى النمر بتاعت ال127 و ف الاخر دفعناها منفعش تظلم و لا اى حاجه هى كانت بسيطه مش كتيره 100 جنيه

[Nader]

قولتلى يا نادر بقـا على اللى فيها هو عايز فلوس :D

بس ده بعينـــــووووووووووووووووووووووووو

هشيلها غصب عنو من غير ولا مليـــــــــــــــــــم

و انا والزبـالـة والزمـن طـويــــــل

وخليــــه يرزع دمـــاغـو فى المكتـب اللى قـاعد عليـه

جدع يا سوكا والله

بس لو مسكك ِوعرف انك نازل شتيمة فية انا ولا اعرفك:D:D

[sokasoon]

يا جماعه انتوا المخالفات اللى بتتكلموا ا ديه عادى انتوا كده تعتبروا لسه مشفتوش عجائب و طرائف المرور المصرى خدوا ديعليهه احنا معانا عربيه بيجو 505 ستيشن مبتخرجش من الجراج غير علشان ترخص و كنا بنشوف العجب فى مخالفتها بس اجمد واحده فيهم و ديه اللى فطسنا على نفسنا من الضحك فيها وهى كانت و الله العظيم ما بكدب عليكو و لا حاجه تعطيل موكب رئيس الوزراء تصوروا عربيتنا الغلبانه ديه هتعطل موكب رئيس الوزراء و نحلفلهم يا جماعه العربيه ديه ما بتخرجش من الجراج غير علشان ترخص يقوللنا لأ ديه عطلت موكب رئيس الوزراء و نقولهم يعنى هى لو كانت عطلت موكب رئيس الوزراء كانوا الحرس هيسبوها كده و مش هيضربوا عليها نار يقوللنا ملناش دعوه و فى الاخر الحمد لله و بعد مناقشات و مفاوضات وكيل النيابه تفهم الموضوع بس قلنا مش هقدر اشيلكو المخالفات كلها لازم هتدفعوا حاجه و الادهى بقى ان المخالفه اللى دفعناها كانت السير عكس الاتجاه فى شارع رمسيس و لحد دلوقتى بنشوف اعجب فى مخالفات العربيه ديه رغم انها مش بتخرج بره الجراج

:D:D:D:D:D:D:D

و عاى فكره يا sokasoon فعلا موضوع انك تاخد نمره و يبقى عليا مخالفه من قبل ما انت بتركبها ده بيحصل كتيرررر و كان حاصل معايا فى النمر بتاعت ال127 و فى الاخر دفعناها منفعش تظلم و لا اى حاجه هى كانت بسيطه مش كتيره 100 جنيه

المشكلة يا theking2690 مش فى ثمن المخالفة

انا ليه ادفع مخالفة واحد تانى مش مخالفتى بعدين انا شارى العربية زيرو

هما بيكافؤنى بالمخالفة ولا ايه :o ولو سكت ودفعت كل مره هلاقى

مخالفات مش بتاعتى باردو اكثر من اللى قبلها انا لو المخالفة بتاعتى فعلا

مش هقدر اتكلم وهدفعها من غير ما افتح بقى لاكن تبقا مش بتاعتى وادفعها لا

[Akram]

انا قلتلك يا sokasoon انا الموضوع ده حصل معايا لما كنت بشتري الـ 127 ,
كنت بنقل الملكية و لقيت مخالفات كتير على العربية , و طبعاُ في النيابة قاللولي انهم ممكن يخفضوا المبلغ شوية لكن ميقدروش يشيلوه ,
فرحت لمخزن اللوح و طلب جواب بتاريخ استلامي للنمر و هما راجعوا الدفاتر عندهم و أدولي الجواب ده في ساعتها ,
فرحت لوكيل النيابة تاني و أديته الجواب فشالوا المخالفات على طول من غير ولا كلمة.

[Sharky]

يا وليد أنا نفس الموقف دا حصلى و أنا بجدد الميجان من كام يوم
لقيت مخالفة عليه طمس لوحات بتاريخ 4/12/2004
و أنا برخص زيرو فى 4/2005 :D
و المصيبة إن نمر العربية أصلا جديدة كمان :D :D :D

رحت لوكيل النيابة و قلتله إنى شايفة على الإنترنت بالكلام دا
تخيل رده كان إيه
قالى مافيش حاجة إسمها نازلة على الإنترنت غلط أو إن ظابط أو عسكرى كتبها غلط الكلام إللى على الإنترنت صح و إنت أكيد إللى غلط

فى الموقف دا ما ينفعش أقول غير
يا أحلى البلاد يا بلادى يا حبيبتى يا مصر

[sokasoon]

يا وليد أنا نفس الموقف دا حصلى و أنا بجدد الميجان من كام يوم
لقيت مخالفة عليه طمس لوحات بتاريخ 4/12/2004
و أنا برخص زيرو فى 4/2005 :D
و المصيبة إن نمر العربية أصلا جديدة كمان :D :D :D

رحت لوكيل النيابة و قلتله إنى شايفة على الإنترنت بالكلام دا
تخيل رده كان إيه
قالى مافيش حاجة إسمها نازلة على الإنترنت غلط أو إن ظابط أو عسكرى كتبها غلط الكلام إللى على الإنترنت صح و إنت أكيد إللى غلط

فى الموقف دا ما ينفعش أقول غير
يا أحلى البلاد يا بلادى يا حبيبتى يا مصر

ده مالوش غير معنى واحد وهو انهم قاصدينها علشان ياخدو فلوس وخلاص

حسبى الله ونعمه الوكيل