هل اي عربية رشة دواخل يبقي نبعد عنها؟

[hamadaalo2002]

معلش يا جماعة انا معنديش خبرة عندي شوية اسئلة
1-هل اي عربية رشة دواخل يبقي نبعد عنها؟
2-طيب يعني اللي راشة دواخل دي مش حتتباع ؟
3-يتعرف منين انها مش راشة دواخل؟
4- هل في حاجة اسمها راشة دواخل نضافة؟
منتظر ردودكم يا رجالة

[hamadaalo2002]

اية يا شباب ؟ اين الاراء ؟

[mohameduoser]

هى غالبا او اكيد بتكون حادثة جامدة و ماحدش بيعملها نظافة الا لو غير الون

[hamadaalo2002]

يا ريت يا باشا لو تقدر تجاوب علي السؤالين دول لاني محتار

[MMamdouh]

اية يا شباب ؟ اين الاراء ؟

no one bumps a thread in less than 24 hours

MMamdouh

[MMamdouh]

معلش يا جماعة انا معنديش خبرة عندي شوية اسئلة
1-هل اي عربية رشة دواخل يبقي نبعد عنها؟
2-طيب يعني اللي راشة دواخل دي مش حتتباع ؟
3-يتعرف منين انها مش راشة دواخل؟
4- هل في حاجة اسمها راشة دواخل نضافة؟
منتظر ردودكم يا رجالة

اكيد تبعد عنها لان رش الدواخل مش حاجة بتتعمل نزاهة او فنطزية... غالبا بيبقى عشان يدارى مصيبة فى العربية

اللى رشة دواخل حتتباع بس طبعا سعرها بيقع

تعرفها ازاى دى عايزة واحد خبرة فى البيع و الشراء او يكون بتاع دوكو او سمكرى مثلا

مفيش حاجة اسمها رشة دواخل نضافة... الدواخل اصلا مش باينة للى برة العربية و متفرقش فى شكلها و هى راكنة فى الشارع و بالتالى مفهوم ال"نضافة" مينفعش يتطبق على الدواخل

MMamdouh

[hamadaalo2002]

no one bumps a thread in less than 24 hours

MMamdouh

معلش يا باشاا بس انا كنت عاوز ادردش مع اي حد في الموضوع دة عشان سرعة اتخاذ القرار بالنسبة لي ,وفي ناس اكيد اونلاين ناوو

[MMamdouh]

no problems man :)

MMamdouh

[hamadaalo2002]

طيب مثلا يا استاذنا
لو اتعرضت عليك عربية
وخدت سمكري وقالك العربية سليمة يعني لامغيرة تلت ولا ربع ولا نص ولا الكلام دة
تشتري ولا لا؟

[Nader]

العربية ممكن تكون لا مغيرة ربع ولا اي حاجة

بس تكون عملت حادثة وجابت شاسية واتلمت زرجينة

[SS]

[QUOTE=hamadaalo2002;225574]معلش يا جماعة انا معنديش خبرة عندي شوية اسئلة
1-هل اي عربية رشة دواخل يبقي نبعد عنها؟
أي نعم
2-طيب يعني اللي راشة دواخل دي مش حتتباع ؟
عشان العربية اللى راشت جوه بتكون رشت نتيجة حوادث و بالتلى ده معناه ان هيكل العربية و اساسيتها حصل فيها تلفيات جامدة حتقولى طيب ايه المشكلة ماهى اتشدت و رجعت تانى و احسن من الاول ها قولك يعنى انت متخيل ان العربية اللى تم تصميمها و تصنيعها بشكل معين بحيث انها يكون ليها مركز ثقل معين و بتتحمل اجهادات معينة وفى العربيات الجديدة بالاخص بتتصمم بحيث ان فيه مناطق معينة فيها يحصل لها انهيار فى حالة وقوع حوادث عشان تشتت تأثير الصدمة و توصل للركاب باقل شكل ممكن سيبك من الرغى بتاعى ده كله ، هل تعتقد ان هيكل العربي اللى اتصمم بحيث يكون ليه مركز ثقل معين و بيتحمل اجهادات معينة و اتصنع من خامات معينة و اتصنع و اتصب بمنتهى الدقة ممكن يجى سمكرى يقطع و يلحم فى منطقة مهمة منه و ده طبعا بعد الرزع ويرجع زى ما كان ؟؟ يعنى يقطع فى قايم العربية اللى هو اسااسا حتة وحدة يرجع يلحم فى بقيته اللى هو بتاع نص عربية تانية هل ممكن تبقى زى الاول ؟ من الاخر عشان متطولش عليك اكتر من كده لأ طبعا
3-يتعرف منين انها مش راشة دواخل؟
ديه بقى لازم حد يكون فاهم وله خبرة كبيرة فى الموضوع ده عشان فيه بلاوى بتحصل
4- هل في حاجة اسمها راشة دواخل نضافة؟
99% لأ ، هو على حد علمى ان رش النضافة ده مقصود بيه ان العربية اترشت جوة عشان البوية بايظة او مبهدلة و ده طبعا يكون فى العربيات القديمة لكن صعب جدا جدا تلاقى حد عامل كده و حتى لو مش عاملة حوادث سعرها هينزل جامد ، فى ناس لما بتغير لون العربية بتتطلب معاه تغير اللون جوة كمان بس زى ما قلتلك صعب تلاقى حد رش عشان الاسباب ديه و احسن عن السكة

[hamadaalo2002]

شكرا لردودك جميعا
معروض عليا لادا 2105 موديل 94
مغيرة لون العربية في الكامل
مطلوب22
بس العربية علي كلام سمكري
لا مغيرة نص ولا ربع ولا تلت
سليمة
بس فيها
شوية شغل سمكرة

[hamadaalo2002]

طيب معلش اثر ان العربية تكون رشة دواخل حيبان في اية يعني؟؟؟
مش حتمشي كويس؟
ولا حترمي يمين او شمال؟

[hamadaalo2002]

طيب معلش اثر ان العربية تكون رشة دواخل حيبان في اية يعني؟؟؟
مش حتمشي كويس؟
ولا حترمي يمين او شمال؟

؟؟؟؟؟؟؟؟؟؟؟؟؟؟؟؟؟؟؟؟؟؟

[ahmed_badran]

1-هل اي عربية رشة دواخل يبقي نبعد عنها؟

مش بالضرورة تبعا لموديل السيارةو سعرها

2-طيب يعني اللي راشة دواخل دي مش حتتباع ؟

لأ طبعا تبعا لرغبات و أحتياجات المشترى

-يتعرف منين انها مش راشة دواخل؟

لابد من الأعتماد على أحد أرباب الصنعه و محل ثقه

4- هل في حاجة اسمها راشة دواخل نضافة؟

نرجع ونقول أهمية النظر الي موديل السيارة فان كانت من السيارات القديمه فمن الممكن أن تكون هذة الرشه لتلافى و علاج أثار بارومه سابقه بينما أن كانت حديثة الصنع فمما لاشك فيه ان هذة الرشه لعلاج اثار احدى الحوادث