افضل نوع اطارات للكيا برايد

[mohamed]

رجاء من السادة الافاضل تحديد نوع اطار يكون كويس للكيا برايد فى ناس نصحونى بالبريدج ستون او بريللى ولكن قالولى انه برضو بيفرق فى بلد الصنع ولازم يكون من واحد ثقة فتنصحونى اجيب نوع ايه؟؟ ولو حد يعرف واحد امين وكويس رجاء يقولى عنوانه , ولكم جزيل الشكر

[Karim_Monir]

هات بريجستون اندونيسي
ماركة محترمة وطرية وبتعيش ونقشاتها حلوة

[mohamed]

شكرا لسرعة الرد يا كريم باشا طب ممكن تقولى مكان محترم اشترى منه؟؟

[medohai510]

يوجد أنواع أطارات جيدة جداً بالسوق ونصيحة لا تختار علي أساس السعر فقط ولكن الجودة وإمكانيات السيارة هي التي تختار لك الأطار المناسب المهم أنك تأخذ بالك من الأتي:
المقاس:
مثلاً 165/70 13r وهذا معلوم بحسب نوع السيارة
السرعة:
ويكون الكود بتاعها موجود علي هيئه حرف إنجليزية مثل T H V فإذا كنت من اللذين يسيرون بسرعة حوالي 210كم/ساعة فأختار V و إذا كنت تسير بسرعة حوالي 180 فأختار H وهكذا...
الحمولة:
ويرمز لها بأرقام مثلاً 82 -86 92 وهكذا والحمولة المناسبة لمعظم السيارات العادية بتاعتنا هي 82
تاريخ الأنتاج:
يكتب علي كل أطار أسبوع وسنة الأنتاج مثلاً 35/2007 الأسبوع الــ35 في سنة 2007 ويجب عليك أختيار الأطار الاحدث في الانتاج طبعاً
والانواع الجيدة كثيرة منها بريدج ستون- جوديير- بريلي- كومهو- لاسا- ..... مناشأ دول مختلفة فهي شركات محترمة فعلاً

[mohamed]

شكرا جزيلا للاهتمام يا جماعة بس ممكن لو حد يعرف حد ثقة يقولى عنوانه ايه ؟ عشان دى اول مرة اغير الاطارات ولو حد عارف السعر كمان, وشكرا

[Karim_Monir]

تروح مركز بيدجستون نفسة اللي في كالتكس عباس العقاد
تقاطع عباس مع مصطفي النحاس
او بيردجستون اللي في عمارات العبور بصلاح سالم
ما تحاولش تجيب من برة حتى ولو ارخص حاجة بسيطة عشان ماتعرفش ظروف تخزينة ايه
وكمان عشان تاخد ضمان من بريدجستون نفسها

[mohamed]

شكرا على الافادة يا أ/ كريم

[Karim_Monir]

الشكر لله وربنا يوفقك

[Hossam_Hassan]

تروح مركز بيدجستون نفسة اللي في كالتكس عباس العقاد
تقاطع عباس مع مصطفي النحاس
او بيردجستون اللي في عمارات العبور بصلاح سالم
ما تحاولش تجيب من برة حتى ولو ارخص حاجة بسيطة عشان ماتعرفش ظروف تخزينة ايه
وكمان عشان تاخد ضمان من بريدجستون نفسها

على فكرة بريدجستون عمارات العبور قالى انه معندوش غير يابانى و الأسعار من 500 و طالع

[mohamed]

ياااااااااااااه ايه الاحباط ده طب فيه اماكن تانية اسأل فيها
بس انا اكيد هسال الاول فى العناوين دى

[Hossam_Hassan]

ياااااااااااااه ايه الاحباط ده طب فيه اماكن تانية اسأل فيها
بس انا اكيد هسال الاول فى العناوين دى

بريدجستون كالتكس فى عباس العقاد عنده اندونيسى و اسعاره اقل من اليابانى حوالى 35-40%