عرض الصيف لتلميع السيارة من ورشة نايل موتورز

[Karim_Monir]

انا طلعت شبح ، حلوة بردو طاقية الإخفاء اللي انا لابسها دي .

اصل انا مافهمتش ايه جاب شارع دمشق لموضوع عرض الورشة اللي في الحرفيين
مكان الورشة سهل من الدائري تخرج مخرج 17 بعد نفق السلام تسال توصل لنقطة شرطة الحرففين من هناك تسال على مدرسة عمار ابن ياسر
الورشة جنب المدرسة مباشرة

[zazaza20002000]

يا جماعه ارجوكم حد يساعدني عشان انا خلاص هتجنن من يومين اشتريت عربيه لانسر سوبر اكشن وانهارده بدورها واديتها الدي مش راضيه تمشي والإن عماله تنور وتطفي مشيت بها شويه كده ومفيش عزم خالص بعدين طفيتها وشغلتها تاني اشتغلت كويس وكل يوم الصبح تعمل معايا كده رحت لميكانيكي قالي عاوزه حساس هل الكلام ده مظبوط وايه الحساس ده رحت لواحد تاني قالي فيوزات المشكله التانيه ان وانا ماشي بسمع صوت نقر خفيف مستمر بيزيد مع السرعه زي ميكون فيه حاجه لزقت في الكوتش وبتحف في الرفرف الصوت ده بيظهر وانا ماشي على الدي ويروح لو مورتها رحت لميكانكي قالي عاوزه بلي فتيس فانا محتار وزعلان جدا وياريت لو حد حصلت معاه المشكله دي يقولي اعمل ايه أويدلني علي ميكاني موثوق فيه لو حتى في الصعيد وااااااااسف على خروجي عن الموضوع بس غصب عني

[Defender]

شكراً على الرد ياباشا ، انا سألت عن شارع دمشق لأن معرفهوش قلت اعرفه بالمرة ، وعلى العموم شكراً على الإفادة وجزاك الله خيراً :)

[alsakka]

كنت عازو اكصدامات نيكل بعد التلميع السيارة اسبرانزا تيجوا

[mahmoudysf]

يا جماعه ارجوكم حد يساعدني عشان انا خلاص هتجنن من يومين اشتريت عربيه لانسر سوبر اكشن وانهارده بدورها واديتها الدي مش راضيه تمشي والإن عماله تنور وتطفي مشيت بها شويه كده ومفيش عزم خالص بعدين طفيتها وشغلتها تاني اشتغلت كويس وكل يوم الصبح تعمل معايا كده رحت لميكانيكي قالي عاوزه حساس هل الكلام ده مظبوط وايه الحساس ده رحت لواحد تاني قالي فيوزات المشكله التانيه ان وانا ماشي بسمع صوت نقر خفيف مستمر بيزيد مع السرعه زي ميكون فيه حاجه لزقت في الكوتش وبتحف في الرفرف الصوت ده بيظهر وانا ماشي على الدي ويروح لو مورتها رحت لميكانكي قالي عاوزه بلي فتيس فانا محتار وزعلان جدا وياريت لو حد حصلت معاه المشكله دي يقولي اعمل ايه أويدلني علي ميكاني موثوق فيه لو حتى في الصعيد وااااااااسف على خروجي عن الموضوع بس غصب عني

ادخل قسم الميتسوبيشي وان شاء الله الناس هناك يفيدوك

[Karim_Monir]

بمناسبة قرب العيد
العرض ما زال مستمر
والورشةمفتوحة حتى الثانية صباح كل يوم
تحياتي

[Ashraf_Ibrahim]

ربنا يبارك فيك يا كريم يا رب
ويجازيك خير عن اللي بتعمله دا

[=ISLAM=]

بمناسبة قرب العيد
العرض ما زال مستمر
والورشةمفتوحة حتى الثانية صباح كل يوم
تحياتي

هوه مينفعشي العرض يبقي ممتد لبعد العيد علشان الوقت بيبقي ضيق خالص في رمضان ؟؟

[Abo_Abdullah]

استاذنا الكريم - كريم منير - عندي سؤال ؟؟

إلى متى سيظل هذا العرض الرائع؟ لأني بإذن الله أول الشهر القادم افكر في عمله
فهل هذا العرض ممتد أم أنه قد انتهى؟

وجزاك الله خيرا

[Karim_Monir]

العرض ما زال ممتد حتى نهاية الصيف ان شاء الله
تحياتي

[saddam]

الأستاذ كريم المحترم بعد التحية أنا شدني ميلك الشديد لتقديم خدمات حتى لو مكنتش تتعمل في ورشتك الخاصة أنا إمبارح إشتريت عربية وضميتها لمجموعة عربياتي فللأسف مفيهاش فتحة سقف فعايزك تسألي فتحة سقف كهربا تكلف كام بالتركيب وعشان أريحك مفيش فتحة سقف فابريكة في مصر فحيبقة توفيق بعد كده حضرتك تاخدها ورشتك الكريمة وترش العربية كاملة من أول وجديد وهي نازلة فابريكة لونين والعربية لينكولن فورد تاون كار موديل 90 8 سلندر وفيها شغل سمكرة حاجات بسيطة شغل ربع ساعة قبل الرش أرجو إرسال الكلفة المبدئية على الخاص وأرجوك متقوليش أشوف العربية أرجو بس تديني كلفة مبدئية كرش بس من غير سمكرة كأنها وش نظافة بس خامات محترمة وشغل درجة أولى حصرا مش تجاري وأما أجيلك نبئه نتفق على السمكرة ساعتها مع شكري وإعتزازي وسعة صدركم الكريم

[dr_walid]

السالم عليكم:

العرض انتهى ولا لس شغال
لان فى خدوش كتير

[Karim_Monir]

استاذ صدام اهلا بحضرتك
ايوة عملنا فتحة سقف بتاعت لانوس ركبناها على جين تو وهاتلاقي الموضوع في قسم بروتون
التكلفة انتي اشتري الفتحة واتفقلك مع سمكري ممتاز
بخصوص الرش لازم اشوف حالة العربية ماينفعش تقدير كدة خالص
خاصة انها عربية ماينفعش نتهاون في شغلها
كلمني نتق ان شاء الرحمن واعرف منك حالة العربةي تفصيلا وممكن تبعتلي صورها عالميل
عشان تطلع عربية بخامات سكينز وتخديم صح شويه دهان يستاهلو العربية وقيمتها

دكتو روليد العرض لسه شغال

[mahmoud9177]

استاذ كريم السلام عليكم انا عربيتى عندكم الان كيا سيراتوا فيها شغل تغيير اكصدام امامى وخدوش فى الجانب الايمن والمهندسين عندكم استقبلونى احسن استقبال وبصوا على العربية واقدروا الشغل فيها فياريت نتقابل ونتعرف وحضرتك تشوف العربية بنفسك وتوصى عليها لانها لسا والله زيروا بس انت عارف العين

[Karim_Monir]

استاذ طارق اللي جبتلي السيراتو امبارح
ص؟