نيسان طوق النجاه لكرايسلر "رسميا"

[PRO-DRIVE]

حد لاحظ إن مبيعات الامريكاني في النازل و الياباني في الطالع
سلم لي بقى على ال-American muscle cars :D:D

ما عشان كدا بحب احط هنا كل شهر مبيعات الشركات
و كل شهر برضه نيجي نقول الشركات الامريكيه عماله تخسر اكتر من اللي قبليه

و رئيس كرايسلر اللي راح للحكومه و قالهم اليابان بتدعم تويوتا

علي رأي ماتيما متمرمغ في خير تويوتا 18 سنه و اول ما راح كرايسلر بيقولهم الحكومه اليابانيه بتدعم تويوتا تعالوا ادعمونا

:D :D :D

بس انت مش ملاحظ ان جنرال موتورز الاول هي اللي كانت بتتحايل علي نيسان :D من سنه كدا
و دلوقتي نفس الدور بتتقمصه كرايسلر :D

بس شخصيا انا فرحان لأني بحب SRT

[Chicco]

\/\/\/ برو باشا ال-Muscle cars لطيفة على قد تأجرها ويك اند و ترجعها يوم الاتنين بعد ما تملى الشاروقة بنزين و تحمد ربنا على عربيتك الياباني :D:D
على فكرة أنا سوقت الشارجر بس كانت RT , أقل من ال-SRT و مش روشة قوي :(.......

[فادى]

البقيه اهيي

ميركوري ميلان

و ميركوري مارينر

و بونتياك جي5

و بونتياك جي6

و بونتياك فايب

و ساترن استرا

و ساترن Vue

و ساترن Ion

و ساترن سكاي


برضه كل دول 4 سلندر و بيتسوقوا في امريكا بأسمائهم الامريكيه


علي فكره همر فلتت من تحت ايدي علي اعتبار انها 5 سلندر يعني هاهاها


شكرا يا شيكو باشا علي المساعده

والله شوف كميه العربيات دي كلهم 4 سلندر و في الاخر امريكا مبتصنعش 4 سلندر

دا من كترهم حسيت ان امريكا مبتصنعش غير 4 سلندر اساسا

و على فكرة الهامر اتش 3 (أصغر هامر) محركها الأساسى 5.3 لتر و 8 سلندر.
المحرك الأصغر فقط هو الى 5 سلندر و ده حجمه مش صغير برضه 3.7 لتر.
بونتياك فايب دى تويوتا مش بونتياك و لا حاجة, بس تسوق تحت اسم بونتياك كمساعدة لتويوتا لأن اسم بونتياك هيضيف عليها بعض الأصالة.
شفروليه كوبالت هى نفسها أوبل استرا و هى نفسها الكاديلاك بى ال اس و البونتياك جى 5 الى هى نفسها البونتياك جى 4:) فيا ريت تذكرهم على أنهم عربية واحدة.
فورد الصغيرة قلنا انها بتتعمل فى أوروبا , فورد ليها فرعين واحد بيسموه فورد الأوروبى و واحد تانى اسمه فورد الأمريكانى.

مفيش سيارات أمريكية 4 سلندر غير البى تى كروز (محركها مش صغير بالمناسبة), و الماليبو, و الجيب, و طبعا سيارات ساترن لأنها أصلا شركة أمريكية معمولة عشان تعمل سيارات صغيرة.

[Chicco]

بونتياك فايب دى تويوتا مش بونتياك و لا حاجة, بس تسوق تحت اسم بونتياك كمساعدة لتويوتا لأن اسم بونتياك هيضيف عليها بعض الأصالة.

إسم بونتياك مين يا عم فادي الله يخليك
بونتياك و من الخمسينات سمعتها ذي الزفت و كانوا بيقولوا عليها
PONTIAC is poor old n----- thinks it's a cadillac
تريقة على اللي بيركب بونتياك

[فادى]

إسم بونتياك مين يا عم فادي الله يخليك
بونتياك و من الخمسينات سمعتها ذي الزفت و كانوا بيقولوا عليها
PONTIAC is poor old n----- thinks it's a cadillac
تريقة على اللي بيركب بونتياك

بونتياك و فورد أسماء أمريكية لها وقع سىء على صعيد الأعطال خاصة, و لكن أفضل من تويوتا فى جميع الأحوال.
كاديلاك و لنكولن و بويك و شفروليه طبعا (معشوقة الأمريكيين) هى أسماء من ذهب فى السوق الأمريكية.
المهم أن معظم السيارات التى تكرم الأخ برو و جابها مطلعتش أمريكى, بل حوالى نصها أوبل أسترا ألمانى و لكن بأسماء أمريكية:).

[Chicco]

بونتياك و فورد أسماء أمريكية لها وقع سىء على صعيد الأعطال خاصة, و لكن أفضل من تويوتا فى جميع الأحوال

لا يا فادي باشا ديه أوت خالص ما ينفعش أصلا تحط فورد و بونتياك في مقارنة مع تويوتا اللي معدية كل العربيات بما فيها مرسيدس أصلا في قلة الاعطال

[فادى]

لا يا فادي باشا ديه أوت خالص ما ينفعش أصلا تحط فورد و بونتياك في مقارنة مع تويوتا اللي معدية كل العربيات بما فيها مرسيدس أصلا في قلة الاعطال

دعك من أن "قلة الأعطال" دى كلمة "عايمة", و لا مقياس علمى لها, و لكن تويوتا مش اسم فى أى حتة.
فورد و بونتياك أسماء عريقة, و موضوع شهرتهم بشىء معين ده مش معناه انو هذا الكلام صحيح.
تويوتا سيارة ضعيفة الأداء و متأخرة تكنولوجيا, و قصيرة العمر, هى سيارة صنعت لتحاكى لاحظ "تحاكى" راحة السيارات الأمريكية, و لكن بمحرك أصغر و أضعف لتوفير الوقود.
أما موضوع معدية مرسيدس ده فلا تعليق عليه!!
مرسيدس يسمونها النجمة التى تقود الجميع.
لعلك لاحظت انو مرسيدس ذات مرة نزلت عربية سماها المصريون "مرسيدس عيون".
بعدها بفترة قليلة قامت تويوتا بنسخ فكرة الفوانيس الدائرية و عملت تويوتا كورولا العيون سيئة السمعة, على فكرة السيارة دى سمعتها وحشة جدا فى مصر, أكيد انت عارف الكلام ده, و هتعرف ليه لما تركبها :)
طب بلاش مرسيدس!
فيات مثلا ابتكرت فكرة الفوانيس الخلفية المرتفعة فى "الهاتشباك" فى الفيات بونتو.
قامت بعدها هيونداى و دايهاتسو بنسخ الفكرة فى كل من أتوس و دايهاتسو ميرا و تريوس و تويوتا كامى(هى نفسها التريوس).
فيات اخترعت سنة 1960!! حاجة اسمها "فى فى تى".Variable Valve Timing "VVT"
النهاردة اشتهر ب"فى تك" الى بيتكتب على مؤخرة سيارات هوندا, مع ان فيات ابتكرته فى صمت, لكن تقول ايه فى ال"احداث" الشركات اليابانية.
ده يعطيك فكرة عمن يقود صناعة السيارات, و من يتعلق بذيلها.
حضرتك عارف يعنى ايه عربية ليها اسم؟؟!
أو شركة ليها اسم؟!

[Chicco]

اتحدى تجيب عربية أحسن من تويوتا في قلة الأعطال و عيوب الصناعة و ديه حاجة ليها مقاييس واضحة و بتتحسب بالارقام

بعدها بفترة قليلة قامت تويوتا بنسخ فكرة الفوانيس الدائرية و عملت تويوتا كورولا العيون سيئة السمعة, على فكرة السيارة دى سمعتها وحشة جدا فى مصر, أكيد انت عارف الكلام ده, و هتعرف ليه لما تركبها

على فكرة موديل تويوتا ده اللي إسمه عيون ما نزلش بنفس الفوانيس في أمريكا الشمالية و أنا فعلا سوقته ...عربية مدرس السواقة اللي اتعلمت عليها و خدت الرخصة في كندا ....كانت عملة فوق ٣٠٠ ألف كم و زي الفل مفيهاش غلطة ....إنت سوقتها بقى؟

تويوتا سيارة ضعيفة الأداء و متأخرة تكنولوجيا, و قصيرة العمر, هى سيارة صنعت لتحاكى لاحظ "تحاكى" راحة السيارات الأمريكية, و لكن بمحرك أصغر و أضعف لتوفير الوقود

و أنهي تويوتا ديه اللي إنت بتوصفها بس عشان نتناقش


عقدة مرسيدس ديه عند المصريين و العرب و دول جنوب شرق اسيا زاي الصين و فيتنام ....بالمناسبة تفتكر عربية المستشارية الألمانية الرسمية إيه ؟ دور شوية و بعدين حاقولك.......أول حرف A و زود رقم بعديها .....8 مثلا :D


عايز إسم زي الدهب في عالم السيارات ....Toyota
شوف الرابط ده حيعجبك أوي

http://autos.yahoo.com/consumerreports/article/toyota_and_honda_top_automotive_brands_in_consumer_perception.html

[hazem_khidr]

فيات مثلا ابتكرت فكرة الفوانيس الخلفية المرتفعة فى "الهاتشباك" فى الفيات بونتو.
قامت بعدها هيونداى و دايهاتسو بنسخ الفكرة فى كل من أتوس و دايهاتسو ميرا و تريوس و تويوتا كامى(هى نفسها التريوس

+
كورولا العيون الاستيشن واجن كانت فوانيسها بنفش الشكل.
بس علي فكره الفوانيس الدائريه الاماميه مقتبسه من الدودج نيون بالضبط.
فرع تويوتا الفخم (لكزس) هو اللي قلد عيون مرسيدس في ال Gs300

[1.8Tee]

Chrysler will manufacture a full-size pickup for Nissan. Based on a Nissan unique design, this truck will be manufactured at Chrysler's Saltillo (Mexico) Assembly Plant. In order to accommodate this product, Chrysler will shift volume from Mexico to its U.S.-based assembly plants that produce pickup trucks. Sales of the pickup in North America will start in 2011

:D

Full size ؟ أكبر من ال Titan أو هتتباع جنب ال Titan ؟ هل دى الجيل الجديد من ال Titan ؟. أظن مبيعات ال Ram أفضل من ال Titan فى السنين الفاتت بس الواضح أن ال Titan عموما أفضل pick up عن ال Ram .

[PRO-DRIVE]

بونتياك فايب دى تويوتا مش بونتياك و لا حاجة, بس تسوق تحت اسم بونتياك كمساعدة لتويوتا لأن اسم بونتياك هيضيف عليها بعض الأصالة.

مييين دي !!! جيبلي اي علاقه بين بونتياك فايب و بين تويوتا !!

غير كدا انا جبتلك اسماء من جييب و ميركوري و فورد و ساترن و كرايسلر و دودج و شيفورليه

كل دول غير بونتياك !! اشمعني يعني مسكت فيها !!

كلهم علي عكس قولك بيتسوقوا في امريكا بأسمائهم الامريكيه

اللي حضرتك كنت بتقول مفيش شركه امريكيه تجرؤ علي انتاج عربيه 4 سلندر والا حياخدوا تريقه

شوف كميه العربيات اللي انا كتبتها يعتبروا ضعف السيارات اليابانيه في كل الفئات

و مع ذلك السيارات اليابانيه هي اللي متفوقه

طلبت رأي الشعب في السيارات و جبتهولك :)

خلاص :)

غير كدا تويوتا اللي حضرتك بتكرهاا حتتنتج سياره قريبا 12 سلندر :) للانتاج التجاري

و نيسان حاليا معتمده علي محركات 6 اسطوانات مش محركات صغيره :)

[1.8Tee]

تويوتا بتنتج مواتير V12 , شوف ال Toyota Century

http://en.wikipedia.org/wiki/Toyota_Century

[PRO-DRIVE]

^^^ تايتان نيسان بتفكر في قتلها عشان منجحتش النجاح المتوقع و وجود منافسين اقوياء فيها
للامانه الامريكيين بيتفوقوا علي كل العالم في سيارات البيك اب
عشان كدا نيسان اصابت في هدفها انها قصدت انجح الفئات الامريكيه :)

تويوتا سنشوري للاسف برضه محدش يعرفها لانها لليابان و حيقوالو يارس 1300 :(
و للعلم هي سياره الملوك :)

[فادى]

مييين دي !!! جيبلي اي علاقه بين بونتياك فايب و بين تويوتا !!

غير كدا انا جبتلك اسماء من جييب و ميركوري و فورد و ساترن و كرايسلر و دودج و شيفورليه

كل دول غير بونتياك !! اشمعني يعني مسكت فيها !!

كلهم علي عكس قولك بيتسوقوا في امريكا بأسمائهم الامريكيه

اللي حضرتك كنت بتقول مفيش شركه امريكيه تجرؤ علي انتاج عربيه 4 سلندر والا حياخدوا تريقه

شوف كميه العربيات اللي انا كتبتها يعتبروا ضعف السيارات اليابانيه في كل الفئات

و مع ذلك السيارات اليابانيه هي اللي متفوقه

طلبت رأي الشعب في السيارات و جبتهولك :)

خلاص :)

غير كدا تويوتا اللي حضرتك بتكرهاا حتتنتج سياره قريبا 12 سلندر :) للانتاج التجاري

و نيسان حاليا معتمده علي محركات 6 اسطوانات مش محركات صغيره :)

بونتياك فايب أدى اللينك بتاعها, بتنتج فى مصنع نومى المخصص لانتاج سيارات تويوتا, و هى نفسها سيارة اسمها "تويوتا كورولا ماتريكس".

http://en.wikipedia.org/wiki/Pontiac_Vibe

و جميع أجزائها الميكانيكية من تويوتا, و المحرك هو نفسه محرك الكامرى!!
شيفروليه قولنا الأفيو و الأوبترا دول دايو, و الشيفروليه كوبالت و البونتياك جى 5 و جى 4(نفس السيارة باسم مختلف, جى 4 اسمها فى المكسيك), كلهم مش أمريكانى, دول أوبل أسترا مش أمريكانى و لا حاجة.
فورد معظم الموديلات الى بتتكلم عنها بتصنع فى فرع فورد الأوروبى, أما الفرع الأمريكى فلا يصنع سوى السيارات الكبيرة نسبيا.
ميركورى لها سيارة واحدة فقط بمحرك من 4 سلندرات, اسمها ميركورى ميلان, و دى متوفرة بمحركين واحد 4 سلندر و التانى 6 سلندر.

هتلاقى كل شركة بتنتج سيارة واحدة أو اثتنين فقط 4 سلندر و بيبقوا أصغر موديل عندهم, و حتى دول محركاتهم بتبقى كبيرة نسبيا, و الساتورن زى ما قلت سلفا هى الاستثناء الوحيد, لأنها سيارة صغيرة فى الأساس, و حتى هذه, سياراتها كبيرة نسبيا بالنسبة للسيارات اليابانية.
و طبعا لازم تعرف انو عدد المحركات 4 سلندر زادت, لأنه مع تقدم الصناعة, استطعنا صنع محرك 4 سلندر و حجمه يتجاوز ال3 لتر.
فاضل حاجة تانى؟!!!

[فادى]

اتحدى تجيب عربية أحسن من تويوتا في قلة الأعطال و عيوب الصناعة و ديه حاجة ليها مقاييس واضحة و بتتحسب بالارقام




على فكرة موديل تويوتا ده اللي إسمه عيون ما نزلش بنفس الفوانيس في أمريكا الشمالية و أنا فعلا سوقته ...عربية مدرس السواقة اللي اتعلمت عليها و خدت الرخصة في كندا ....كانت عملة فوق ٣٠٠ ألف كم و زي الفل مفيهاش غلطة ....إنت سوقتها بقى؟




و أنهي تويوتا ديه اللي إنت بتوصفها بس عشان نتناقش


عقدة مرسيدس ديه عند المصريين و العرب و دول جنوب شرق اسيا زاي الصين و فيتنام ....بالمناسبة تفتكر عربية المستشارية الألمانية الرسمية إيه ؟ دور شوية و بعدين حاقولك.......أول حرف A و زود رقم بعديها .....8 مثلا :D


عايز إسم زي الدهب في عالم السيارات ....Toyota
شوف الرابط ده حيعجبك أوي

http://autos.yahoo.com/consumerrepor...erception.html

لا أبدا, اسم مرسيدس مش بس فى مصر, فى أى حتة فى العالم مرسيدس هى الأغلى و الأكثر فخامة, و أى حد عايز "يتفشخر" و معاه فلوس يجيب
مرسيدس, الكلام ده يسرى فى مصر و أمريكا و أوروبا.
سيارات مرسيدس يا عزيزى هى نافذة ترى من خلالها كيف ستكون عليه صناعة السيارات فى العشرة أعوام القادمة, هى سيارة تسابق الزمن,
فى كل شىء, فى الجودة هى احدى السيارات القليلة الى بيتعملها صيانة كل 25 ألف مش 10 ألاف زى أى عربية, فى الأداء و الراحة هى
أكثر ما يمكن الحصول عليه, و فى النهاية هى الأغلى و تستحق ذلك, و هى علامة النجمة التى تعطى لسائقها شعور بالفخر لأنه يقود سيارة مثلها.
فى الولايات المتحدة تعتبر السيارات الكورية و اليابانية و بعض من السيارات الأمريكية هى السيارات الشعبية, و السيارات الأمريكية الأخرى و بعض السيارات
الأوروبية سيارات متوسطة, أما صفوة القوم فيركبون مرسيدس, و صفوة الصفوة يبتاعون مازيراتى و جاجوار و رولز رويس و بنتلى و بورش.
لا مؤاخذة هو سعر التويوتا كام و المرسيدس كام؟!!
مينفعش تقارن جودة سيارة شعبية مقلدة, مع سيارة أصيلة هى نافذة لما سوف يطرأ على صناعة السيارات فى الغد, دى طلعت منك أوت فعلا
و أعتقد انك بتقولها لمجرد الاستفزاز, و الا تبقى كارثة لو أنك تعنيها!!