حزام الأمان مبيردش مكانه

[ahmedfra]

من فترة لاحظت ان حزام الأمان لما اكون رابطة و بعدين افكة مبيرجعش مكانه تانى لازم ارده بأيدى لغاية الأخر . و الكلام ده حصل فى الناحيتين (الكرسى اليمين و الشمال ) .
حد و الأخوة عنده فكرة ليه ده حصل وهل ممكن يتصلح ؟؟؟

[جندى مجند]

أنا برضة حصل عندى كدة ... لازم أخلى الحزام مستقيم خالص عشان الشداد يسحبه كويس ... دة حاجة عادية عشان تراكم التراب فى مكنة حزام الأمان و أعتقد حله تروح لسروجى كويس يفكه و ينظفه ... أهم حاجة تتأكد انه بيأدى وظيفته الأساسية، يعنى أثناء ارتداء الحزام جرب تحرك جسمك لقدام بسرعة عالية المفروض تلاقى الحزام شدك لورا جامد.

[kemoelord]

طيب ما حضرتك الكلام ده في معظم السيارات ان حزام الامان مثلا لما اكون رابطه كتير واجي افكه مش بيرجع لوحده ولازم ارجعه بايدي

[ahmedfra]

لأ المدة ملهاش دخل مهما طالت . المفروض لما افك الحزام يرد لوحده مكانة تانى . و هو الأول كان كده

[islamkhidr]

لأ المدة ملهاش دخل مهما طالت . المفروض لما افك الحزام يرد لوحده مكانة تانى . و هو الأول كان كده

كلام سليم جدا

[ahmedfra]

طب الحل ايه بيتصلح و لا محتاج يتغير و يكون جديد و لا استيراد

[hazem_khidr]

طب الحل ايه بيتصلح و لا محتاج يتغير و يكون جديد و لا استيراد

هو دا الحل

أنا برضة حصل عندى كدة ... لازم أخلى الحزام مستقيم خالص عشان الشداد يسحبه كويس ... دة حاجة عادية عشان تراكم التراب فى مكنة حزام الأمان و أعتقد حله تروح لسروجى كويس يفكه و ينظفه ... أهم حاجة تتأكد انه بيأدى وظيفته الأساسية، يعنى أثناء ارتداء الحزام جرب تحرك جسمك لقدام بسرعة عالية المفروض تلاقى الحزام شدك لورا جامد.

:)
هو بيتفك و تطلع الشريط كله و بعدين تزنقه في الاخر من البكره بمسمار و تغسل الشريط بالميه و الصابون و تسيبه ينشف و حتلاقي المشكله اتحلت :)

[h_hezzah]

الموضوع ده بيكون بسبب التراب فى الماكينة وغلى الحزام نفسه فالسوستة بيكون قدامها مقاومة عالية وماتقدرش ترجعه بسهولة.

1- الحل التقليدى:
انك تروح لسروجى ويفكه وتنظفه بالهواء وممكن ترش على الأكس بتاع الماكينة شوية WD40
2- الحل الاسهل وده انا جربته ونفع جدا:
انك تشد الحزام للاخر وتمسحه بفوطة مبلولة علشان تشيل التراب. بعدين تجيب من محلات الاكسسوارات او محطات البنزين (On the run و ماشابه) علبة Silicon Spray انا شفتها عند Spinney's برضه.
بعدين ترش منه على الحزام فى كل المنطقة اللى بتعدى على المفصلة العلوية (اللى عند الكتف) وترش شوية على سطح المفصلة مكان ما الحزام بيلمسه بس وانت رافع الحزام عنها وانتظر لما ينشف. اعتبر انك بتزيت بين الحزام والمفصلة .
بس خلاص!

طبقة السليكون بتخلى سطح الحزام املس ويتزحلق بسهولة فالسوستة تقدر ترجعه.

[Akram]

انا عندي نفس المشكلة ,
شكراً يا شباب لتوصيح الحل ,
بس هو التنظيف اللى بالـ (On the run) مش ممكن يخلي الحزام يعمل علامة في القميص .

[h_hezzah]

هو لا تنظيف ولا On the run
هو Silicon Spray وبيعمل طبقة سليكون رقيقة على الحزام وبتنشف على طول !
مش زيت يعنى!

[ahmedfra]

حجرب بيه و بعدين اقول لكم

[tmz9111]

الموضوع ده بيكون بسبب التراب فى الماكينة وغلى الحزام نفسه فالسوستة بيكون قدامها مقاومة عالية وماتقدرش ترجعه بسهولة.

1- الحل التقليدى:
انك تروح لسروجى ويفكه وتنظفه بالهواء وممكن ترش على الأكس بتاع الماكينة شوية WD40
2- الحل الاسهل وده انا جربته ونفع جدا:
انك تشد الحزام للاخر وتمسحه بفوطة مبلولة علشان تشيل التراب. بعدين تجيب من محلات الاكسسوارات او محطات البنزين (On the run و ماشابه) علبة Silicon Spray انا شفتها عند Spinney's برضه.
بعدين ترش منه على الحزام فى كل المنطقة اللى بتعدى على المفصلة العلوية (اللى عند الكتف) وترش شوية على سطح المفصلة مكان ما الحزام بيلمسه بس وانت رافع الحزام عنها وانتظر لما ينشف. اعتبر انك بتزيت بين الحزام والمفصلة .
بس خلاص!

طبقة السليكون بتخلى سطح الحزام املس ويتزحلق بسهولة فالسوستة تقدر ترجعه.

شكرا جدا على المعلومات