لخبراء ردارات الدائري.. رجاء الافادة

[ahmedhossam86]

صباح الفل..دلوقتي انا باخد الطريق الدائري كل يوم رايح جاي.. و انا من الناس اللي صعب يثبت او يقل عن 90.. بس حافظ اماكن الردارات كلها من اول اوتوستراد المعادي لحد نزلة طريق السويس..

ممكن اعرف ايه انسب طريقة عشان ماتلقطش علي الطريق.. يعني دلوقتي لو انا داخل علي منطقة الردار.. اهدي من قبلها و ابقي ملتزم بالسرعة القانونية قبليه بـ 20 متر و بعديه بعشرين متر مثلا..

و لا الرادار بيبدأ يحسب سرعات العربيات و يلقط المخالفين من بعد ما بيعدوه و هم فوق الـ 90..

و لا الرادار بيشوف اللي جاي عليه سرعته كام.. و "بيعلم عليه" و هو معدي عشان يلقطه..

رجاء الافادة.. عشان انا حاسس اني حلاقي 3000 جنيه عليا مخالفات

[BassamHafez]

الرادار مالوش مسافه قبليه او بعديه يحسب على اساسها السرعه

الرادار عبارة عن كاميرا لما تعدي قدامها بسرعه اكبر من القانونيه يصورك فقط

طبعا انا بتكلم عن اللي مستخدم في مصر لكن اكيد في رادارات احدث برة

وعلى فكرة زاويه وضع الرادار على الدائري بيخليه يصور ظهر العربيه يعني بعد ماتعدي الصندوق بتاع الرادار بحاجه بسيطه

[shaddadfalcon1]

ياسيدي ريح دماغك وامشي هادي في الحتت اللي فيها رادرات علي الأقل لسلامتك وسلامة الأخرين

[ahmedhossam86]

الرادار مالوش مسافه قبليه او بعديه يحسب على اساسها السرعه

الرادار عبارة عن كاميرا لما تعدي قدامها بسرعه اكبر من القانونيه يصورك فقط

طبعا انا بتكلم عن اللي مستخدم في مصر لكن اكيد في رادارات احدث برة

وعلى فكرة زاويه وضع الرادار على الدائري بيخليه يصور ظهر العربيه يعني بعد ماتعدي الصندوق بتاع الرادار بحاجه بسيطه

الف شكر علي الرد يا باشا.. انا كنت فاكر ان الصندوق ده جواه Infrared/Wave Transmitter بيبعت Signal للعربيات اللي جاية عليه و يعملهم Marking لما يعدوا عشان يصورهم

ياسيدي ريح دماغك وامشي هادي في الحتت اللي فيها رادرات علي الأقل لسلامتك وسلامة الأخرين

حاولت يا باشا و الله.. صعب تمشي علي 80 في الدائري بالليل و هو فاضي.. و هنا لو انت ماشي علي 93 برضه حاتتاخد مخالفة سرعة

[mido_soliman]

ياسيدي ريح دماغك وامشي هادي في الحتت اللي فيها رادرات علي الأقل لسلامتك وسلامة الأخرين

الدائرى دة تحديدا مينفعش تمشى علية اقل من 100 باى حال من الاحوال خصوصا لوفاضى لانك لو مشيت على مهلك وسط الترلات والنص نقل والميكروباصات اللى بتبقى طايرة ممكن تتشال بكل سهولة
والله من غير حلفان انا لما ببقى ماشى بالسرعة القانونية بترعب لانهم بيبقوا بيعدوا صواريخ من جنبى لازم تبقى ند على الطريق دة علشان حتى استجابة رد فعلك تبقى اسرع لو لا قدر الله حصل اى حاجة لكن سرعة 90 دى تعجيزية لان محدش من اللى سبق ذكرتهم دول بيلتزموا بيها للاسف

[tarek_2005]

الرداد فعلاً بيعمل بالانفرا رد بس في لحظة وبيصور المخالف فقط بكاميرا عادية ولكن بعد لما تعدي من عليه بمافة عشرة امتار تقريباً

[yoko]

هو بيصور بيلقط وإنت جمبه وبيصور بعد ما تعدي ب٥ ل١٠ متر
ولحد ٩٥ ويمكن أعلى سنة مبيلقطش
وانا كل يوم على الطريق زي وعودت نفسي أثبت ٩٠ من عند السويس لحد ما أنزل المعادي

[ihabchina]

ايه يا خونا انتوا مش عارفين ولا اية !!

الرادارات اللى على الدائرى من عند صقر قريش المعادى لحد نزلة السويس اتكسترت وبفعل فاعل
حسبى الله ونعم الوكيل فى اللى كسرهم عمدا

من بعد 25 يناير الرادارات وقفت عن العمل وبعدين اول اسبوع فى شهر 3 اشتغلت تانى وبعدها ب اسبوع ماشى على الدئرى ابص الاقى رادار مكسر والتانى مقلوب وواحد تانى لقيتة مفتوح من الجنب ومكسر

[MMamdouh]

صباح الفل..دلوقتي انا باخد الطريق الدائري كل يوم رايح جاي.. و انا من الناس اللي صعب يثبت او يقل عن 90.. بس حافظ اماكن الردارات كلها من اول اوتوستراد المعادي لحد نزلة طريق السويس..

ممكن اعرف ايه انسب طريقة عشان ماتلقطش علي الطريق.. يعني دلوقتي لو انا داخل علي منطقة الردار.. اهدي من قبلها و ابقي ملتزم بالسرعة القانونية قبليه بـ 20 متر و بعديه بعشرين متر مثلا..

و لا الرادار بيبدأ يحسب سرعات العربيات و يلقط المخالفين من بعد ما بيعدوه و هم فوق الـ 90..

و لا الرادار بيشوف اللي جاي عليه سرعته كام.. و "بيعلم عليه" و هو معدي عشان يلقطه..

رجاء الافادة.. عشان انا حاسس اني حلاقي 3000 جنيه عليا مخالفات

عود نفسك تمشى 90

MMamdouh

[aly_moh]

ياسيدي ريح دماغك وامشي هادي في الحتت اللي فيها رادرات علي الأقل لسلامتك وسلامة الأخرين

+11111111111111

[Ashraf_Ibrahim]

انا عن نفسي على الدائري بمشي في حدود 85 كسرعة
بخلي المؤشر ما بين ال 80 وال 90 وبريح دماغي !

[Nistelrooy]

بمشي علي 90 وعلي 80 كمان ع الدائري .. اقصي اليمين واحيانا اقصي الشمال :)

[eslaaam]

الاستاذ اللى بيقول الرادارات مبقتش شغالة
في فعلا رادارات مش شغالة لكن بعيني شفت رادار وهو بيصور من حوالي اسبوعين على الدائري
وشكرا

[sv065]

فعلا السرعة من أخطر الحجات اللي محدش بيعرف خطورتها غير اللي جرب كوارثها

[elpasha1]

اعرف الرادار ازاى واعرف انه صور ولا لا ازاى