تنبيه هام بخصوص قواعد المنتدى الجديدة

[Noha.M]

على فكرة انا معنديش مانع مع اى قواعد تتحط بالعكس اى منتدى لازم يبقي فيه قواعد يااما هيبقي سبهللة خصوصا ان العدد بيزيد يوم عن يووم و اى حد هيجي هيبقي متخيل انه دة مجرد منتدي زي بقية المنتديات و ممكن يعمل مشكلة مع دة و يشاكل دة و يعلق بطريقة سخيفة مع دة و دة غير انه ممكن يتجاوز حدود اللياقة فى الكلام و دى حاجة متعوناش عليها فى نايل موتورز و انا مش بعمم بس بقول ممكن يبقي في كدة ..فأكيد موضوع القواعد بيبقي احسن

بس انا مش عايزة ان الواحد مثلا بعد العشرة دي كلها يلاقى نفسه متوجهله انذار ولا حتى كلمة عشان حاجة مقصدهاش !!..اهى دي اللى تضايق و احنا من جانبنا نحاول برضه نلتزم على قدر الامكان عشان مستوى المنتدي نفسه ميتدناش و دة اكيد هيبقي فى صالحنا لانه الميزة الجميلة فى المنتدي دة انه فعلااا بيضم ناس فى قمة الاحترام و الاخلاق و للاسف دة لو اتغير مش هبقي حابة اصلا انى اشارك تانى .. و اتمنى ميجيش يوم زي دة ابدا عشان بجد و ربنا عالم ببقي مبسوطة جدااا و بحس انى بتكلم مع اخوة و اخوات ليه فى الله

[Chicco]

لو كل الناس ملتزمة كنا ما حتجناش لأي قيود لكن طبعا ده ضد الطبيعة البشرية .....ممكن تتخيلوا المنتدى من غير قواعد خالص كان حيبقى شكله إيه
بالمناسبة ديه تحية خاصة لمستر كريم و جميع أفراد الادارة و الاشراف .....جزاكم الله خيرا

[Islam_galal]

أنا لا أعترض علي القوانين و لكن الأسلوب
الصح موجود و الخطأ موجود و النظام لا يوضع بالحديد و النار و انما بالمشورة و الديمقراطيه و هو ما استشعرت ضعفه في صياغة القواعد (بلاش القوانين مثلا)

ممكن في بعض قوانين الايقاف يكون بالتصويت من الأعضاء مثلا
بمعني آخر إحنا في مجتمع افتراضي أفضل إنه يكون مدينة فاضلة مش نظام مشابه للحياه الواقعيه
أرجو أن أكون أوضحت

[abdelaziz-waleed]

بس انا مش عايزة ان الواحد مثلا بعد العشرة دي كلها يلاقى نفسه متوجهله انذار ولا حتى كلمة عشان حاجة مقصدهاش !!..اهى دي اللى تضايق و احنا من جانبنا نحاول برضه نلتزم على قدر الامكان عشان مستوى المنتدي نفسه ميتدناش و دة اكيد هيبقي فى صالحنا لانه الميزة الجميلة فى المنتدي دة انه فعلااا بيضم ناس فى قمة الاحترام و الاخلاق و للاسف دة لو اتغير مش هبقي حابة اصلا انى اشارك تانى .. و اتمنى ميجيش يوم زي دة ابدا عشان بجد و ربنا عالم ببقي مبسوطة جدااا و بحس انى بتكلم مع اخوة و اخوات ليه فى الله

لا تقلقي يا استاذة نهي. انا مؤمن جدا بإن اي واحد مش محترم بيدخل مكان محترم بيبقى محترم غصب عنه وده يرجع لأنه لو ما احترمش نفسه سوف يجد الف من يقف له بالمرصاد. والدليل ان لو حد منا سافر اي بلد اوروبي زي المانيا مثلا مهما كانت اساليبه وهمجيته بيتحول وبيبقى شخص تاني خالص. وده اللي بيحصل في نايل موتورز.
والله الواحد احيانا بيحس انه من احد المشرفين على المنتدى واكيد النزعة ديه داخل كل واحد فينا من كتر حبه للمنتدى نفسه يشوفه في احسن صورة
والله المستعان

[Nader]

أنا لا أعترض علي القوانين و لكن الأسلوب
الصح موجود و الخطأ موجود و النظام لا يوضع بالحديد و النار و انما بالمشورة و الديمقراطيه و هو ما استشعرت ضعفه في صياغة القواعد (بلاش القوانين مثلا)

ممكن في بعض قوانين الايقاف يكون بالتصويت من الأعضاء مثلا
بمعني آخر إحنا في مجتمع افتراضي أفضل إنه يكون مدينة فاضلة مش نظام مشابه للحياه الواقعيه
أرجو أن أكون أوضحت

اخي اسلام لو دخلت القرارات في اطار الاستفتاءات

فسيشوبها الشك نظراً لتحامل البعض على البعض او

لمجاملة البعض لمن يحبوهم. ممكن ايضاً يتم تحايل

عن طريق عمل البعض عضويات وهمية لامالة الكافة

لصالحة او لصالح من يحب.


الكلام دة ممكن لو المنتدى عدد اعضائة صغير ومعروفين

انما لما يكون داخل على عشرة الاف عضو فهو شئ شبة

مستحيل.



على فكرة انا اتفق معك في ان كلمة قوانين كبيرة شوية

بس دي مجرد مسميات.

[OlaOsman]

اولا جزاكم الله خير علي المجهود والنظام حلو وميزعلش حد .. بس انا عندي تعليق علي بعض النقاط :

يعني مثلا واحد بيعرض مشكله وفي الزحمه محدش رد عليه هايعمل ايه ؟؟
او واحد عارض عربيته للبيع ومر اسبوع مثلا وهو عاوز يعيد تفعيل الإعلان يعمل ايه ؟؟ وخاصه ان البند الأول :اقترح الغاء البند الرابع

نفس اللي كنت هاسأل عليه. نرجوا إعادة النظر.

[eng_mkhalaf]

علم وجارى الدراسة - مشكور الأدارة