تخيلوا الإستفزاز

[sara2001]

النهارده كنت طالعه بالعربيه الصبح يادوب دورت الموتور ونزلت امسح الزجاج قبل ما اطلع
وانا بدور جت عربيه هوندا علشان تركن ورايا والمكان واسع ومفيش مشكله
انا شفته قرب زيارده من عربيتي وحسيت انه مش حاسب المسافه صح وكده هيخبطلي الناحيه اليمين وهو بيرجع
رغم ان المكان ورايا كان واسع
فشاورت له ان انا طالعه علشان يركن براحته بعد ما اطلع
وبعمل الزجاج لاقيته رجع برضه خلاص ولازق في الإكصدام من الجنب شاورت له تاني يستنى
وده عمال يزق في العربيه ....... يزق في العربيه
بدل ما يعدل نفسه او يستنى لما اطلع
ولو رجع اكتر من كده على الوضع ده الإكصدام كان هيدخل لجوه مش يتجرح بس
اللي هيجنني انه بيعمل كده وانا جنب العربيه وماما راكبه فيها بدون ادنى اهتمام او حرج رغم انه راجل كبير في السن
بعد ما رجعت من المشوار وركنت في نفس المكان بس بعده بعربيه
كانت عربيته واقفه وكان عندي رغبه دفينه اخبط له الإكصدام بتاعه برجلي
وانا ماشيه جرررررررررررررررر

[zago]

وذنبه ايه اكصدام الراجل ؟؟؟ بمفتاح العربيه بتاعتك وارسميله خط بارليف على جنب العربيه بتاعته
او ممكن خطين بارليف

[khpopo]

سبحانك اللهم وبحمدك ، أشهد أن لا إله إلا أنت أستغفرك وأتوب إليك
ربنا يرحمنا من الاستهتار والفوضى الى بقينا فيها وقلة الضمير

[Ghamrawy]

عادى راجل كبير بس ناقص ما تستغربيش

[heshamzaky]

ألتمسى لة العذر لكبر سنة فقط لو كان صغير كان ممكن تتصرفى بطريقة أخرى بس لو راجل كبير و غشيم حا أقولة خلى بالك و حا أضطر أسكت . لو أخوكى معة عربية خلية يركن و يقفل علية حا يفهم الرسالة بعدها من غير ما أكلمة هى حاجة تغيظ فعلا بس حا تعملى لة اية هو عجوز يعنى و لا كبير و السلام لو عجوز كبرى دماغك خالص و ما تعملوش أى حاجة كبار السن لهم معاملة خاصة

[waelfarid]

استغفر الله العظيم
يمهل ولا يهمل

[heshamzaky]

وذنبه ايه اكصدام الراجل ؟؟؟ بمفتاح العربيه بتاعتك وارسميله خط بارليف على جنب العربيه بتاعته
او ممكن خطين بارليف

ههههههههههه يا أبنى بلاش أذى هههههههههههههههه
الافضل عارف فية مفك الى بيفك البلف عند بتاع الكاوتش عارفة عندى منة واحد فى العربية لزوم الغلاسة ههههههههههههههههه أحسن من أى حاجة بس بلاش تغلس جامد و تاخد الابرة الى فى البلف و ترميها و كفاية تنيم عجلتين بس مش أكتر هههههههههههههههههه

[Mzeid]

الموقف دة حصل قدامي من يومين

و كان راجل كبير و أشاورله بايدي كفاية خلاص و هو برضه عمال يزق في العربية اللي وراه

[ahmedamr]

كنتى ترزعى بايدك ع سقف العربية او شنتطتها وهو بيرجع

[zago]

ههههههههههه يا أبنى بلاش أذى هههههههههههههههه
الافضل عارف فية مفك الى بيفك البلف عند بتاع الكاوتش عارفة عندى منة واحد فى العربية لزوم الغلاسة ههههههههههههههههه أحسن من أى حاجة بس بلاش تغلس جامد و تاخد الابرة الى فى البلف و ترميها و كفاية تنيم عجلتين بس مش أكتر هههههههههههههههههه

ايوه فعلا عجلتين كفايه قوي
عجله واحده لا تكفي ههههههههههههه

[sara2001]

وذنبه ايه اكصدام الراجل ؟؟؟ بمفتاح العربيه بتاعتك وارسميله خط بارليف على جنب العربيه بتاعته
او ممكن خطين بارليف

ههههههههههه يا أبنى بلاش أذى هههههههههههههههه
الافضل عارف فية مفك الى بيفك البلف عند بتاع الكاوتش عارفة عندى منة واحد فى العربية لزوم الغلاسة ههههههههههههههههه أحسن من أى حاجة بس بلاش تغلس جامد و تاخد الابرة الى فى البلف و ترميها و كفاية تنيم عجلتين بس مش أكتر هههههههههههههههههه

ايوه فعلا عجلتين كفايه قوي
عجله واحده لا تكفي ههههههههههههه

حلوه الأفكار دي
على الأقل كنت خرجت الطاقه اللي عندي
حاجه تفرس

[A.Saad]

معايا زيت باكم
ممكن اغسلها له بيه
هاتى العنوان بس

[sara2001]

ألتمسى لة العذر لكبر سنة فقط لو كان صغير كان ممكن تتصرفى بطريقة أخرى بس لو راجل كبير و غشيم حا أقولة خلى بالك و حا أضطر أسكت . لو أخوكى معة عربية خلية يركن و يقفل علية حا يفهم الرسالة بعدها من غير ما أكلمة هى حاجة تغيظ فعلا بس حا تعملى لة اية هو عجوز يعنى و لا كبير و السلام لو عجوز كبرى دماغك خالص و ما تعملوش أى حاجة كبار السن لهم معاملة خاصة

ما انا في الأول التمست له العذر وقلت يمكن مش مقدر المسافه كويس وعادي
وعلشان كده شاورت له ان انا طالعه فيركن براحته
بس اللي جنني استمراره في زق العربيه بعد كده بدون ادنى اهتمام
هو كبير بس مش مسن يعني وشكله شخصيه محترمه
انا عندي الإكصام وراء وقدام من الناحيتين متجرح من الناس اللي بتركن وخلاص بقيت بكبر دماغي
ومن فتره نزلت لاقيت واحد واخد الباب اليمين لغاية الفانوس ومجرحه علشان كان داخل عكس الطريق
بيتحرق دمي صحيح بس كل ده وانا مش موجوده في العربيه
انما اكون واقفه وشايفني وكمان نبهته ورغم كده لامبالاه ....

الموقف دة حصل قدامي من يومين

و كان راجل كبير و أشاورله بايدي كفاية خلاص و هو برضه عمال يزق في العربية اللي وراه

بيحصل قدامي في عربيات مركونه كتير بس محدش فيها

كنتى ترزعى بايدك ع سقف العربية او شنتطتها وهو بيرجع

بصراحه انا معرفتش اتصرف ويمكن ده اللي منرفزني
بس رغم كده صعب قوي اخبط له على عربيته

[sara2001]

معايا زيت باكم
ممكن اغسلها له بيه
هاتى العنوان بس

بيعمل ايه زيت باكم في العربيه؟

[A.Saad]

ولا حاجة


بيبوظ الدهان