تحويل الملاكى لتاكسي ؟ مجرد فكره ما ملابساتها

[wael6]

السلام عليكم
معلش هتعب حضراتكم معايا
اناعندى اكسيل مو 95 ملاكى
هل ممكن اجيب عليها نمر اجره وعداد
وتشتغل تاكس فى الدقهليه وياترى التكاليف والاجراءات ايه ؟
ولا لازم شروط معينه ( ما هى ) سواء قسط او كاش
وهل فى امل ان المرور يفتح تراخيص سيارات الاجره ولا لا
وهل التكهين فى مصلحة المستجد اللى زىى ولا برده هيصب فى مصلحة التجارالمحتكرين ( التكهين برده لسه مش موجود فى الدقهليه )
نرجو الافاده واسف للاطاله
ومنتظر التوضيح المستفيض من فضلكم
وشكرا جزيلا

[zegazi]

أنا شفت أماكن كتير في البحيرة والدقهلية

شغالين عادي بنمر ملاكي

أظن لأنه من الصعب الترخيص

[mailo]

ماينفعش تحول ملاكي لتاكسي الا لو معادش عليها 3 سنين

[wael6]

أنا شفت أماكن كتير في البحيرة والدقهلية

شغالين عادي بنمر ملاكي

أظن لأنه من الصعب الترخيص

بس اللى هيتقفش هيتظبط صح
وللاسف الناس عاوزه تمشي قانونى والقانونى خلى الاحتكار هو الطريق الوحيد
ولا حول ولا قوة الا بالله

[MoStAfA MaHmOuD]

لا يا باشا ما ينفعش لأن لازم تكون العربية جديدة

[magyver]

لازم تكون زيرووو

[wael6]

شكرا لاهتمامكم جميعا
فعلا لازم على الاقل ميكونش عدا عليها 5 سنين ومتكونش رخصت قبل كده
وكمان مفيش تراخيص من المحافظه نظرا لازدحام المدينه وبرده ازمة المواصلات والمرور فى تفاقم وخناق مستمر
وده بيصب فى مصلحة التجار المحتكرين للنمر والعداد (حسبنا الله ونعم الوكيل)
معلش عندى نقطتين
الاولى/
البعد الامنى فى مصر: هل اصبر لحد ما الامور تستقر شوية فى الامن لاقامة هذا المشروع الذى سياخذ كل ما لدى ؟ ام اتوكل على الله والخطر سيظل خطرا فى اى وقت ؟

والثانية :-
ايه رايكم فى الفيرنا - لانوس - افيو - نيسان صنى
انا عارف ان الصنى فئة مختلفه عنهم بس هل هتكون اعتمادية فى التاكسي ولا قطع غيارها اغلى بكتييييييير عن الفيرنا او اللانوس مثلا ولا بنسب معقوله بحيث انها يابانى فهتكون معمره عن الكورى ولا ايه رايكم
اسف للاطاله ومتابع مع حضراتكم
وشكرا جزيلا

[Ahmed Nasser]

الفيرنا والانوس هم اللى ينفعوا تاكسى

[wael6]

الفيرنا والانوس هم اللى ينفعوا تاكسى

طيب ايه رايكم فى باقي النقطتين اللى شاغلين بالى جدا
وشكرا لتشريفك موضوعى وافادتك القيمه اخى الكريم