اللى رايح التجمع الخامس ياخد باله

[mohkhattab]

صباح الخير على شباب احلى منتدى
معلش وجب التحذير علشان انا شايف ان الموضوع دا بتكرر كل يوم بقاله فترة قدام عينى و ناس بتتأذى و انا اتأذت منه ، فذلك وجب تحذير اخواتى :
فى طريق N/A اللى هو طريق الجيش او الطريق اللى موصل بين مدينة نصر و المتجه الى التجمع الخامس،خالى بالك فى نقرتين فى الطريق على الجنب اليمين محترمين ، انا خدت واحدة فيهم الجنط اتعوج ، و بعد بيومين لاقيت عربية ركنة بعد نقرة فيهم و صاحبها بتغير الفردة و بعديها كل يوم الاقى حد راكن و بيغير فردة الكوتش .فلذلك وجب التحذير

[Mahmode]

شكرا على التحذير. أنا رايح هناك قريب أجدد الرخصة

[M.Elgergawy]

في اي تجاه المقطم ولا التجمع

[mailo]

العنوان بيقول اتجاه التجمع

[al_manara]

مشكور علي التحذير
اظن ان دة الطريق الي علي الناصية بتاعتة بنزينة وطنية

[eldell]

جزالك الله كل خير ياستاذ محمد على التحذير

[Ahmed_Ramadan]

أنا من فترة شوفت شيروكو مقلوبة بسبب النقرة ديه و صاحبها كان واقف جنبها

[ahmedaliaeg]

شكرا للتنويه

[metyli]

شكرا للتحذير

[mahmoud_afifi]

على فكره في برضه في اتجاه وانت رايح ناحية مدينة نصر من التجمع. وأخويا اخد حفره منهم خلت الجنط يزنق في الطنبوره.

[Ayman-Ahmed]

مشكور على التحذير ومعلش يا باشا عشان انا ساكن قريب من المنطقة ديه ممكن تقولى تقصد النقرتين اللى جنب الكوبرى.؟ او بمعنى اصح لو مطلعتش الكوبري ومشيت يمينه ولا تقصد نقرتين تانيين؟

[M.Elgergawy]

طريق ال na لايوجد به اي كباري

[Ayman-Ahmed]

اممم.طب معلش ممكن توضحلى فين الطريق ده بالظبط.؟

[Ashraf_Ibrahim]

جزاكم الله خيرا

[ahmedhawas]

على فكره في برضه في اتجاه وانت رايح ناحية مدينة نصر من التجمع. وأخويا اخد حفره منهم خلت الجنط يزنق في الطنبوره.

فعلا نقرة سيئة جدا ،، وخصوصا ان الطريق في الحتة دي يعتبر مَنزل (بفتح الميم)