أعتراض طريق المارة

[mailo]

انا عن نفسي بتصرف كالتالي
في البنزينه اول اما بشوفه جي يمسح الزجاج بقوله لأ
لو مسحه غصب بدعيله دعوتين وهوا مبرقلي التبريقه اياها
++ 1
أنا بعمل كده برده هو البواب لازمته إيه !!
بس مرة فيهم واحد احرجني وقال لي دي خدمة من المحطة بدون مقابل
اللي بيفول مهما اتنطط ومهما جابلي فكة انا مش هدفع غير اللي مكتوب عالعداد وبس
الناس ببتشتغل ب 60 جنيه فالشهر
السياي وما ادراك ما السياس
غالبا بيمشو قفاهم بيقمر عيش لان السايس ده شخص بيقتطع جزء من ارض الدوله عنوة ويؤجره لك عنوة هو مش بيقتطع ولا حاجة دول بيأجره الرصيف من الحي بمبلغ وقدره كل شهر عشان يبالهم ضهر كان شارع كده ورا المساحة فيه رصيف ب 3000 جنيه وما يؤخذ بالقوة لا يسترد الا بالقوة واخر سايس قابلته كان من اسبوعين نزلتله من العربية وشلته من عالارض عشان لمس العربية وسبحان الله هوا لا كان موجود وانا بركن ولا حتى المكان كانت الركنه فيه مشكله من اساسه
بس نادرا اني اظطر اني انزله وفي الغالب مش بعبره ولو وقف ورا العربية برجع عليه ولو قدامها ممكن ادوسه ولو مد ايده عالمرايه يبقى يومه اسود
وساعات بستخدم معاهم سياسة زهقني شكرا
هوا يشوفني بركب هوب تلاقيه جه
سيبه بقا واقف وافتح انت العربية دقيقتين وهويها شويه وافتح الكاسيت وسيبه واقف وشويه وهتلاقيه فهم انك مش هتعبره...
البرود دايما بينفع

اما الشحاته فدي مبحبش ازعل حد منهم عشان آيه واحده
(واما السائل فلا تنهر)
ممكن مديلوش حاجه لكن مش بقوله ولا حاجه ولا بحاول اني ازعله....
أنا معرفش ومفتييش فالتفسير بس الشحاتة حاجة والسؤال حاجة تانية
دي بلطجة
تحياتي

بص انا معاك فى كل حاجه ماعدا الراجل بتاع البنزينه ده لازم تديله نص جنيه على الاقل علشان معظهم شغال بدون راتب شغالين على التبس بتاع البنزين ده فده الوحيد اللى من حقه الفلوس

مدير محطة مرة قال لي إنه بيعينهم be-60 جنيه بس فالشهر

[ahmed_mido1889]

وفي بيشتغلو بالبقشيش بس والشركه متعرفش عنهم حاجه

[mahmoud_anwar]

الاسبوع دا لقيته جايب عيلته معاه تقريبا و ماسكين المنطقه كلها
و الي يركن لازم يدفع !!

انا كمان عند الشغل بتاعي كدة بس مش عارف اقرايب ولا لا
بس منتشرين في المنطقة بشكل
سياس
بوابين
افراد امن عند السفارات
يا راجل افراد شرطة
كله عامل فيها سايس علي الرصيف الي بيقف عليه

حاجة تزهق بجد
والاكثر موضوع يركن مكانك تحت بيتك دي، يااااا بوي علي الحركة بتطير العقل من نافوخي والله النهاردة رحت جبت الراجل من محله هو فاتح محل موبيلات في الشارع الي جمبي واحيانا بلاقي ناس ساكنة بعيد عني باميال ومسافات غير طبيعية لدرجة اخويا اخر مازهق راح فمرة راقب واحد بارد حبيتين والله بيحلفلي انه مشي وراه بتاع ربع ساعة ولما زهق رجع وماكملش ورا الراجل كأن تحت بيتي في حلاوة مثلا ده هما شجرتين يتم
واكتب ورقة والزقها بلزقة كدة لونها بني عريض وشفافة مابتطلعش من الزجاج ولا بالطبل البلدي ومرة لزقتها لواحد ابرد من الي فات علي كبوت عربيته اختفي بعدها

والله المستعان
،
،

انا في مرة لقيت عربية رينو ميجان ركنة فوق الرصيف بتاع البيت بتعنا شوفت البجاحة وانا عارف صحبها
عارف عملت ايه مليت سوري في الفظ 2 طيشت مياة كبيرة وهاتك مسح في البلكونة
هههههههههههههههههههههههههههههه
امي بقت عمالة تقول ايه النشاط الي بقا فية محمود صحي الصبح غسل البلكونة وهيا متعرفش اني بحميلة العربية بي الذوق
بقا لو الشارع كلة مليان عربيات وانا مش موجود استحالة يركنها تاني اصلي حالف المرة الجاية هلمع بلاط البلكونة بي مياة نار اصلها مش بتلمع المعة الي في دماغي
هههههههههههههههههههههههههههههههههههه

[shaddadfalcon1]

موضوع بتاع البنزينه ده برده مش من حقه لان حقه عند صاحب البنزينه اللي اعتمد علي الناس اللي هتدفع بقيشيش
لو كل الناس بطلت تدفعلهم يبقي الناس دش مش هترض تشتغل والبنزينه هتقف وبالتالي هتلاقيه جايب ناس بمرتبات

اللي يغيظ ان اقل بنزينه مكسبها مش اقل من 1000 ولا 2000 جنيه في اليوم وحتي المرتبات مش بتدفعها والصيانه بتبقي علي حساب الشركه اللي بتاخد منها بنزين سواء مويل او شيل

[SYD]

انا في مرة لقيت عربية رينو ميجان ركنة فوق الرصيف بتاع البيت بتعنا شوفت البجاحة وانا عارف صحبها
عارف عملت ايه مليت سوري في الفظ 2 طيشت مياة كبيرة وهاتك مسح في البلكونة
هههههههههههههههههههههههههههههه
امي بقت عمالة تقول ايه النشاط الي بقا فية محمود صحي الصبح غسل البلكونة وهيا متعرفش اني بحميلة العربية بي الذوق
بقا لو الشارع كلة مليان عربيات وانا مش موجود استحالة يركنها تاني اصلي حالف المرة الجاية هلمع بلاط البلكونة بي مياة نار اصلها مش بتلمع المعة الي في دماغي
هههههههههههههههههههههههههههههههههههه

فكرة حلوة فعلا
بس المشكلة انهم بيركنوا مكاني مش تحت البلكونة
عموما ربنا كريم وفي فرن عيش هيفتح في البيت الي جمبي وانا شخصيا هروح جراج لو حد ركن مكاني هروح اشتري ب 10 جنيه عيش وههويه علي عربيته قدام وورا
والله المستعان
،
،

[mahmoud_anwar]

فكرة حلوة فعلا
بس المشكلة انهم بيركنوا مكاني مش تحت البلكونة
عموما ربنا كريم وفي فرن عيش هيفتح في البيت الي جمبي وانا شخصيا هروح جراج لو حد ركن مكاني هروح اشتري ب 10 جنيه عيش وههويه علي عربيته قدام وورا
والله المستعان
،
،

ليه بس ياباشا الأزي دة

انتا كل الي تعملة حضرتك تروح تشتري 4 مسمير بريمة 10 سم حلو وتحط كل واحد امام العجلة
وهو ماشي هيقوم بي الواجب ويبقا هو يخلي بالة

[tamatemo]

اعمل زي الناس ما بتعمل اكتب ممنوع الوقوف لعدم الاحراج وبين قوسين ( اكتب الشتيمة اللي تعجبك )
وانا اضمنلك ان مفيش حد هيقف تاني

طب واللي راكن في الجرج في امان الله ويلاقي جاره ابن الحلال جايب عربيتين نقل زلط ورمل وعربيتين اسمنت ونزلهم علي باب الجراج بتاعك علشان هايبني

تعمل ايه فيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتعمل ابيه لو لقيته بيعتذرلك ان الصنايعة اختالفوا معاه والرمل والزلط هايقفل عليك كام يوم (16 يوم لغاية النهاردة)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[SYD]

طب واللي راكن في الجرج في امان الله ويلاقي جاره ابن الحلال جايب عربيتين نقل زلط ورمل وعربيتين اسمنت ونزلهم علي باب الجراج بتاعك علشان هايبني

تعمل ايه فيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتعمل ابيه لو لقيته بيعتذرلك ان الصنايعة اختالفوا معاه والرمل والزلط هايقفل عليك كام يوم (16 يوم لغاية النهاردة)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اعتقد الواحد ممكن يهد الحيطة من الناحية التانية من الجراج ويخلي الي كان ناوي يبني بالمرة يبني مكان الهدد
___________
لا طبعا اعتقد دي مسؤلية صاحب الجراج وحضرتك مالكش فيه انت ليك انك تقف باشا قدام باب الجراج وعربيتك تخرجلك لحد عندك صاغ سليم
والله المستعان
،
،

[SYD]

طب واللي راكن في الجرج في امان الله ويلاقي جاره ابن الحلال جايب عربيتين نقل زلط ورمل وعربيتين اسمنت ونزلهم علي باب الجراج بتاعك علشان هايبني

تعمل ايه فيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتعمل ابيه لو لقيته بيعتذرلك ان الصنايعة اختالفوا معاه والرمل والزلط هايقفل عليك كام يوم (16 يوم لغاية النهاردة)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا حضرتك تقصد ان الجراج خاص في بيتك؟؟؟؟؟؟؟؟
دي تبقي مشكلة ضخمة جدا
دة انا ممكن اخليه يأجرلي عربية علي حسابه اروح بيها الشغل

[tamatemo]

جراج البيت بكل اسف

والرمل والزلط موجودين والعربية مركونة جوا

يعني وقف حال

[A.Saad]

تقوله يحيب فواعلى ينقلهم ويبقى يحاسب الصنايعى على سعر اقل
لان السعر والمونة جنبه فى الشقة غير لو المونة تحت فى الشارع
مش عاجبه هات فواعلى يفرشهم فى الشارع

[kar!m]

لا يا سلام علي الناس الي واقفالك عند كل محل عشان تركنلك عربيتك يا سلام علي المساعدة وشدة احتياجنا ليهم لأننا مش بنعرف نسوق وكنا في انتظار لواحد يوقفلك الشارع او مجرد يكتفي بأنه يقف قدام العربية ويقولك بس كفايه كدة يا بيه (عشان ماتخبطش في الرصيف لأن نظرك ضعيف وانت مش شايفه) ومش بس كدة، لا كمان يقفلك المرايه لأنك عاجز وماتقدرش تقفلها لنفسك او لأنه بيخاف علي عربيتك اكتر منك وبعد لما ترجع وتركب يقفلك باب العربية لأنك واحد من المسؤلين الكبار
والأظرف انك تدوخ علي ركنة وتطلع عينك 6 او 7 مرات بتحج حولين الميدان وبعد لما تلاقي الركنة بنفسك وتركن وتظبط امورك وتقضي مصلحتك وتيجي طالع تلاقيه سبحان الله ظهر زي الجن من تحت الأرض ويطالبك بالجني (الجنيه)

،

بص طبعا احنا عندنا فى الزقازيق الموضوع ده مش موجود تقريبا .. انما لما اشتغلت فى القاهرة طبعا فى كل حتة الاقى الموضوع ده .. الكلام ده سنة 2006 تقريبا .. كان وضع غريب بالنسبة لى انى ادى فلوسى لواحد شمام .. بالضبط 99% من الناس دى شمامين .. قررت انى أرفض .. وكانت النتيجة ان اللى النوعية دى من الناس بتستميت عشان الجنية ده لسبب .. ان لو واحد مدفعش .. الكل هيشوفه مدفعش هيقوم ميدفعش هو كمان .. و دخلت فى جدالات بسبب الموضوع ده .. و اللى يقول لك احنا تبع الحى أقول له ورينى الكارنية .. يطلع لى كارت ميناتل و حاطط عليه ضورتة .. أو حاجة زى كده .. واللى يتبلطج عليك لو مرضيتش تدفع .. و اللى ترجع تلاقى عربيتك متخربشة .. لحد ما تعبت من الجدال كل يوم .. وبقيت فى معظم الأوقات بدفع.

السبب فى الموضوع ده حاجتين .. أولا : البنات اللى مبيعرفوش يركنوا .. والرجاله برضه .. عشان محدش يقول عليه متحيز ولا حاجه .. هم اللى بيدوا فرصه للناس دى .. و كمان ايه تلاقى البنت بتديله 5 جنية . أكيد مش هيرضى بالجنية اللى أنا بديهوله و هيتخانق معيا.

تانى حاجة الشرطة .. اللى سايبه الناس دى .. على فكرة نسبة كبيرة منهم بيقسموا مع أمين الشرطة أو عسكرى المرور .. المفروض الشرطة تاخد موقف و تلم الناس دى .. أو تمنع بلطجتهم على الناس.

برضه لو الناس كلها تقول لأ .. و لما حد ياخد منها فلوس كل الناس تقول لأ .. عارف لو يعملوا اعلاتات توعية فى التليفزيون زى "لحظة من فضلك" بتاع زمان .. و يقولوا للناس متدفعش للناس دى .. و تكون حملات توعية لكل العادات السيئه الموجودة .. و الله عندى أمل انها هتفرق جامد.

[rocker]

بص انا معاك فى كل حاجه ماعدا الراجل بتاع البنزينه ده لازم تديله نص جنيه على الاقل علشان معظهم شغال بدون راتب شغالين على التبس بتاع البنزين ده فده الوحيد اللى من حقه الفلوس

agree

[SYD]

السبب فى الموضوع ده حاجتين .. أولا : البنات اللى مبيعرفوش يركنوا .. والرجاله برضه .. عشان محدش يقول عليه متحيز ولا حاجه .. هم اللى بيدوا فرصه للناس دى .. و كمان ايه تلاقى البنت بتديله 5 جنية . أكيد مش هيرضى بالجنية اللى أنا بديهوله و هيتخانق معيا.

تانى حاجة الشرطة .. اللى سايبه الناس دى .. على فكرة نسبة كبيرة منهم بيقسموا مع أمين الشرطة أو عسكرى المرور .. المفروض الشرطة تاخد موقف و تلم الناس دى .. أو تمنع بلطجتهم على الناس.

برضه لو الناس كلها تقول لأ .. و لما حد ياخد منها فلوس كل الناس تقول لأ .. عارف لو يعملوا اعلاتات توعية فى التليفزيون زى "لحظة من فضلك" بتاع زمان .. و يقولوا للناس متدفعش للناس دى .. و تكون حملات توعية لكل العادات السيئه الموجودة .. و الله عندى أمل انها هتفرق جامد.

حضرتك كلامك مظبوط 100 في ال100 بس المشكلة انهم في التليفزيون بدل مابيعملوا توعيه ضدهم بيعملوا العكس
زي فيلم مستر كاراتيه بتاع احمد زكي فعلا كان ماسك مكانه واحد بلطجي وشمام ومعاه مطواة بس دة عشان يعملوا احمد زكي بطل كاراتيه حسب احداث الفيلم وبقي هوا السايس امام المصلحة الحكومية وجايبلك الناس كلها بتدفعلوا والقاشية بقت معدن معاه

ومرة تانية في رمضان الي فات كان في برنامج و مي عزالدين عملت نفسها سايس في ساحة

وبكدة في التليفزيون بيعملوا منه بطل قومي وشغال شغلانة شريفة ببدل ما يقف علي النواصي او يتجه للسرقة
في حين انا من وجه نظري ان كدة سرقة بالاكراه

والمشكلة ان بتوع الحي بيبقي في يافطة بتقول مكان انتظار تابع لحي كذا وقيمة الايصال 2 جنيه
تقوم حضرتك دافعله جنيه مقابل انك تقف وماتخدش وصل

لازم تغير ثقافة المجتمع كله عشان نوصل للي احنا هنا بنتكلم فيه

والله المستعان
،
،

[tarekmomo]

فعلا الموضوع دة مستفز جدا بالذات بتوع الباركينج