سعر العربيات المستعملة ؟

[BomBom]

انا عايز اعرف هل سعر العربيات المستعملة مفترض فيه ان تكون حاجات زي الكاوتش و البطارية و السيور و الفلاتر في العربية بحالة كويسة و لا ده مش شرط ؟ و اذا كان مش شرط طيب ازاي اذا كانت الحاجات ده اسعارها مكلفة و تجمعلها مبلغ ، يا ريت حد خبرة يفيدنا في الموضوع ده

[SEATLOVER]

بص يا BOmBom
1- الكاوتش و البطارية
-إذا كان بحالة طبيعية .....لا يتم احتسابة ..ولكن ممكن مراعاتة فى السعر
-إذا كان جديد ونوع جيد أو يطارية جديدة و خصوصاً جافة (وخاصة إذا كان هناك مايثبت )...يتم احتسابة
-إذا كان قديم (ماسح) او تالف.او بطارية (ضايعة ) ..... يخصم ثمن النوع الجيد منة مهما كان نوع المتركب

2-بالنسبة للسيور
- إذا كان هناك ورق صيانة يؤكد توقيت تغييرها ..... يتم حسابة او مراعاتة (حسب المدة الزمنية من ساعة التركيب و عدد الكيلوات بعدة )
-إذا كان جديد ...وليس هناك مايثبت .... لا يتم احتسابة ( مهما حلف )
- إذا تم الاحساس و التأكد بعدم صلاحيتة .... يخصم من السعر الاجمالى بسعر الاصلى

[BomBom]

شكرا SEATLOVER على ردك ، انت عارف طبعا ان سعر المستعمل ده سعر تقديري غير الزيرو يعني لو بتشتري عربية مستعملة ب 50 الف و الكاوتشات شغالة بس فيها عيوب مثلا سطحها فيه عالي و واطي او البطارية شغالة بس مش جديدة تماما ، ممكن في الحالة ده لو حبيت اخصمهم مثلا ان البايع يتحجج بانهم شغالين ، او انه (بما انه سعر تقديري) خاصمهم من السعر فعلا ، و اعتقد في بعض الاحيان لما تكون عربية كويسة بس فيها بعض الحاجات زي ده وحبيت اخصم تمن كاوتش على بطارية ممكن البيع مايتمش. و لا ايه رأيك ؟

[SEATLOVER]

لا انت بتحسب السعر الاجمالى بينك و بين نفسك (ماتقولوش انا بخصم كذا )
بعدين لما يجيى يقولك لآ ما يمشيش السعر دة ..
قولة لا ما تشوف دى و دى ...بعدين ما انا لسة هاجيب كذا و كذا

وبتشوف العربية و مدى تمسكك يسها فى الاجمالى بتاعها ... تكمل فصال معاة
ولا تسيبهالو ....و يبقى يشوف مين اللى هايخودها منة كدة . واضح

[BomBom]

شكرا ليك يا SEATLOVER .