بيكانتو زيرو بعد الفيرنا 1500 ألى مطلعا عينى ؟؟!

[IAbdou]

كنت عايز أعرف رأيكو هل أغير عربيتى الفيرنا ال1500 موديل 2005 وطبعا" فى ناس كتير عرفين ألى حصل فى العربية وألى أتغير فيها
فمأتش واثق فيها خالص بعد موضوع الموتور
ببيكانتو الشكل الجديد كملة ؟؟!

[Karim_Monir]

ممم
طبعا اختيار موفق
افضل من الفيرنا ومن غير زعل طبعا

[IAbdou]

أزيك يا كريم باشا وأة أخر أخبارك
دا أنا كنت محتاج رأيك
مش عارف هل أغير ولا أة خصوصا" أن توكيل كيا رجع تانى وأكيد حيكون كويس
بس مش عارف أركب بيكانتو بعد عربية سيدان
هو دة ألى مخلينى متردد وخصوصا" ان خلاص الواحد فضلو شهرين ويشتغل

[Ahmad Allawy]

انت اصلا هتستمتع جدا بسواقة الهاتش باك بعد السيدان..
هتحس بفرق كبير..
و هتجري و تاخد غرز براحتك اسهل بكتير من الاول..
مش شرط تاخد الغرز علي سرعات عالية.. انا باقصد الغرز العادية يعني..
مش الغرز القاتلة او ضيقة قوي..
وبعدين ممكن البيكانتو من جووة تكون اوسع من الفيرنا اصلا..
كل اللي هيفرق الشنطة..

[Nile_Storm]

ممم
ومن غير زعل طبعا

ولا زعل ولا حاجه
بس انا رايي طالما قلبك قفل من ناحيتها يبقي هتتلككلها
فغيرها
لكن لسيدان
مش عارف حاسس ان التغيير لهاشباك صغير ( ميني يعني هي خطوه للخلف
نما لو هاتشباك كبير زي الماتركس و السيريون و كده يبقي توكل علي الله
لان فرق المتور هتحس بيه من 1500 الي الف
فرق الشنطه مهم

اصلي كنت بعربيه تعتبر هاتش باك 127 :> وحولت لسيدان فحسيت بالفرق العملاق ده
و بعدين بصراحه البيكانتو رائعه بس انتو مش شايفين انها غاليه اوي
الكامله ب 66 اظن ان الباليو هتكون افضل و اوسع وموتور احسن و هاتشباك لو في الفئه السعريه دي


و اخيرا احسن حد يقولي متحامل علي البيكانتو " بقيت اقلق من كلامي :) " هي عربيه ممتاااااااااازه بس مش بعد عربيه سيدان

[Nile_Storm]

صحيح او ابيزا كامله موديل 2001
و اوعي وشك الماني و هاتشباك و دلع و حالتها هتكون ممتازه بالسعر ده

[Sharky]

طبعا إختيار موفق و على الأقل تبعد عن توكيل هيونداى السئ الملئ بالمشاكل
و كفاية إن محمد نصير مشهور بمعاملته الكويسة فى توكيلاته و عربيات كيا ما سمعناش فيها عن مشاكل زى هيونادى فى مصر

أبعد عن غبور و خليك مع نصير أفضل

[SEATLOVER]

العربية عامل كبير منها نفسى ..فابدام قفلت منها حتى لو احسن عربية فى الدنيا غيرها و متكملش فيها ...دة بيبقى غلط حتى فى سواقتها مش هاتبقى مركز او مبسوط من اداءها

[NaderNabil]

اختيار موفق طبعا و هتحس بفرق كبير في جودة التقفيل و الخامات و الشكل....ده غير نظافة التوكيل و جديته...و كمان لسة فاضي مش زحمة

بس الكلام ده لو عندك استعداد تتنازل عن الشنطة و الموتور الاكبر

[Ahmad Allawy]

طبعا يا نادر بك..
مين يشهد للعروسة..:) ربنا يباركلك فيها و يكفيك شرها..
اه بالمناسبة.. احب اهنيك ع المحهود التحفة في التصوير..
يا جماعه ما شاء الله اخراج عالي و شغل محترفين.
انت شغال في الدعاية و الاعلان ولا ايه..؟؟ :)

[IAbdou]

أنا سامع أن الشكل الجديد 1000 بس
وأة نظام السحب والتكيييف

[NaderNabil]

1100سيسي....65 حصان....زي ما هو ماتغيرش.

السحب بتاعها رائع بالنسبة لكونها 1100....و فيه تأثير للتكيف علي السحب....بس مش بيموتها...بتحتاج تنقل علي Rpm أعلي شوية بس

طبعا يا نادر بك..
مين يشهد للعروسة..:) ربنا يباركلك فيها و يكفيك شرها..
اه بالمناسبة.. احب اهنيك ع المحهود التحفة في التصوير..
يا جماعه ما شاء الله اخراج عالي و شغل محترفين.
انت شغال في الدعاية و الاعلان ولا ايه..؟؟ :)

مش عروسة ولا حاجة يا أحمد:)...أنا بس مجرب الاتنين كويس و شايف الفروق بعيني...ده كفاية مسكة الدركسيون:)

و ربنا يخليك علي ذوقك...مستهالش الكلام ده كله...ولا دعاية و اعلان ولا حاجة...دي هواية عندي من زمان بس:)

[medohai510]

أنا رأيئ البيكانتو تكسب

أنا ركبت الفيرنا والبيكانتو ولكن البيكانتو تتميز بتقفيل يفوق الهيونداي بمراحل وأيضاً الفرش روعة وتناسق ألوان الفرش مع الدواخل والطابلوة رائع والتكييف ممتاز فعلاً وأعتقد أن تكنولوجيا الموتور أكثر تطوراً من مثيلاتها، أما الفيرنا يمتاز بالحجم الكبير والموتور الكبير نوعاً ما.
وفي الأول والأخر السيارة راحة نفسية بنسبة 50% في رأي

[Khalid_Mostafa]

أنا ركبت الفيرنا والبيكانتو ولكن البيكانتو تتميز بتقفيل يفوق الهيونداي بمراحل وأيضاً الفرش روعة وتناسق ألوان الفرش مع الدواخل والطابلوة رائع والتكييف ممتاز فعلاً وأعتقد أن تكنولوجيا الموتور أكثر تطوراً من مثيلاتها، أما الفيرنا يمتاز بالحجم الكبير والموتور الكبير نوعاً ما.
وفي الأول والأخر السيارة راحة نفسية بنسبة 50% في رأي

تصحيح : البيكانتو تستخدم إحدي محركات هيونداي وهو المحرك المستخدم في الأتوس و الـ I10

[medohai510]

شكراً يا خالد باشا علي تصحيح المعلومة أنا أول مرة أعرف أنه موتور البيكانتو هو هو موتور الأتوس، صحيح أن الأثنين كوري لكن دة شركة ودة شركة ثانية.
أنا لما شوفت البيكانتو كانت مع واحد معرفه فلاما فتح الكبوت فحبيت أفحص الموتور فوجدت شبيه بالمواتير الياباني مع فارق الحجم والقوة.
ولكن أنا أعرف علي حد معلوماتي أن الأتوس عربية كويسة ومفيش شكوي منها، والمقارنة كانت بين البيكانتو والفيرنا.
وشكراً...