لمحبي السيارات المعدلة: ما هو في رايكالموديل الذي يعطي النتيجة الاجمل بعد التعديل؟

[sss]

لاني من الناس اللي بتحب العربيات المعدلة "المتظبطة" و باعتبرها انعكاس في احيان كتيرة لشخصية اصحابها و تميزهم "وده طبعا ينطبق بس على اللي عنده امكانيات انه يمتلك و يعدل عربيته الخاصة, يعني الادا بتاعة والدي اللي بركبها احيانا مش محسوبة" كنت دايما احب التعديل في موديلات معينة بحس ان المجهود اللي صاحبها بذله فيها غير من هويتها تماما و خلى شكلها اروع بكتير ,غير موديلات او ماراكات تانية بحس ان التظبيط ما بيلقشي عليها .
عشان كده احب تشاركوني برايكم و ياريت لو في صور توضح راي كل مشارك ان امكن
وانا هابدا براي عن احلى الموديلات في التعديل:
-الاوبل فيكترا الشكل اللي قبل الحالي
- الفولكس جولف بكل اجيالها
-الهوندا سيفيك كل موديلاتها الحديثة
-الانسر الكريستالة
-طبعا ال128 و الشاهين "عربيات مصرية اصيلة"
طبعا ملاحظين ان كلها موديلات موجودة في مصر لان لو فتحت في اللي بره مش هنخلص
اسف على التطوييل و ارجو تشاركوني بارائكم.

[hazem_khidr]

الجولف في المقدمه بدون منازع
يليها السيفيك
و الابيزا ال 94.
دول اجمل تلات موديلات قابلين للتعديلات لتعدد انواع المحركات و انظمه التعليق

[ahmad7610]

جولف جولف جولف ... مفيش عربية جولف باشوفها متعدلة شبه التانية .. على عكس اللانسر الجديدة والقديمة ..
-
لسه شايف جولف سياحة 2008 فيها كشافات LED وجنوط GTi وعتب
وشكلها رغم ان الشغل مش كتير لكن وهم غير ال stock خالص

[SaLM!Na]

الجولف اكتر عربية بتبقى روعة بعد التعديل و الهوندا سيفيك 2000

[SAbuhashem]

نكون واقعين شويه .

الجولف كشكل من أحسن السيارات في التعديل لكن هات مواتير بقى وقطع غيار نار ونادرة لعدم كثرة المواتير العالية منها في مصر كام واحد مسقط R ٣٢ في مصر ؟ .المنتشر هو ال تربو 1800 وده تعبان مقارنةً بال MIVEC وال SIR لو كان مظبوط صح و أنا نفسي جربت معاه كذا مرة وبهدلته

السيفك معشوقة الشباب في التعديل ٨٠٠٠ جنيه وهات SIR و - فوانيس برينجات وجنط ١٧ وبس ارسم يا عم. بس مشكلتها انها اخرها ال Type R ٢٠٠ حصان وشكراً على كدة

ال 128 أغرب مثال على مقاوحه المصريين مش عارف لما بشوف العربية دي متعدلة بأشفق على صاحبها ربنا يكون في عونك إنت راكب تابوتك
بالعربي كده بتتعدل تعديل عك جداً في مصر ومافيهوش ريحة ال safety خالص .

الكريستاله أرخص عربية تتعدل وقطع غيار بالهبل والمنافس الشرس للهوندا وإلي دايماً تحرجها لأنها أخف منها وفيها خيار جامد هوا انها ليها كذا موتور توربو و كمان الرائعة ال-EVO إلي ينافسها بس ال-STI من سوبارو و اللي مش موجودة في مصر .


Thanks
Eng.Sherif Shaker

[sss]

ال 128 أغرب مثال على مقاوحه المصريين مش عارف لما بشوف العربية دي متعدلة بأشفق على صاحبها ربنا يكون في عونك إنت راكب تابوتك
بالعربي كده بتتعدل تعديل عك جداً في مصر ومافيهوش ريحة ال safety خالص .

انا لي راي تاني في موضوع ال128 و هو ان صاحبها "اللي امكانياته زي امكانياتي كدة" بيعدلها لكن مبيبقاش الاداء هو الدافع و لكن الدافع انه يحس انه راكب عربية غير اللي كان والده راكبها من 25 سنة و كذلك اللادا و الريتمو و الشاهين و......

[eng_mkhalaf]

جولف وسيفيك فى التعديل حدث ولا حرج - خراب خراب - أحسن عربيات لآى حد غاوى تعديل

[SAbuhashem]

انا لي راي تاني في موضوع ال128 و هو ان صاحبها "اللي امكانياته زي امكانياتي كدة" بيعدلها لكن مبيبقاش الاداء هو الدافع و لكن الدافع انه يحس انه راكب عربية غير اللي كان والده راكبها من 25 سنة و كذلك اللادا و الريتمو و الشاهين و......

اوعى تكون زعلت أنا مش قصدي أتريق على الفئة السعرية للعربية لو لاحظت أنا بتكلم على ال-Safety مجبتش سيرة ال-DVD ولا القزاز الكهرباء :)


Thanks
Eng.Sherif Shaker

[Abo_Lina]

ال Bm الفئة التالتة E36 بتبقى متوحشة

[M.Mokhtar]

ايه يا ابنى انت وهو
وسع كده شويه عشان عيب الصوت يبقى عالى وبابا موجود
انا عن نفسى مش هتكلم انا هسيب توقيعى هو اللى يرد عليكوا :)
وخليك قدها :d

[M.Mokhtar]

نكون واقعين شويه .

الجولف كشكل من أحسن السيارات في التعديل لكن هات مواتير بقى وقطع غيار نار ونادرة لعدم كثرة المواتير العالية منها في مصر كام واحد مسقط R ٣٢ في مصر ؟ .المنتشر هو ال تربو 1800 وده تعبان مقارنةً بال MIVEC وال SIR لو كان مظبوط صح و أنا نفسي جربت معاه كذا مرة وبهدلته

السيفك معشوقة الشباب في التعديل ٨٠٠٠ جنيه وهات SIR و - فوانيس برينجات وجنط ١٧ وبس ارسم يا عم. بس مشكلتها انها اخرها ال Type R ٢٠٠ حصان وشكراً على كدة

ال 128 أغرب مثال على مقاوحه المصريين مش عارف لما بشوف العربية دي متعدلة بأشفق على صاحبها ربنا يكون في عونك إنت راكب تابوتك
بالعربي كده بتتعدل تعديل عك جداً في مصر ومافيهوش ريحة ال safety خالص .

الكريستاله أرخص عربية تتعدل وقطع غيار بالهبل والمنافس الشرس للهوندا وإلي دايماً تحرجها لأنها أخف منها وفيها خيار جامد هوا انها ليها كذا موتور توربو و كمان الرائعة ال-EVO إلي ينافسها بس ال-STI من سوبارو و اللي مش موجودة في مصر .


Thanks
Eng.Sherif Shaker

ايه يا باشمهندس شريف
ناسينا ليه كده
ولا متعرفش الاوبل فكترا CDX
2000cc و2كامة 16 صمام ايكوتك حقن الكترونى 137 حصان
تخيل بقى لو بتربوا هتعمل فى الكتاكيت اللى انت بتقول عليهم ايه :)

[Karim_Monir]

لاء طبعا الفكترا لو دخلتها في مقارنة مع الكريستالة والسيفيك هاتتظلم فعلا
لانها تقيلة وموتورها مش زيهم
لكن الكريستالة خفيفة وطيارة والسيفك روعة طبعا
خاصة لو sir لو اتربنت انسى على الثبات الخرافي
وكمان الكولت بعرضها الوقح اللي ثباتها غير عادي
لكن سوبار اللي يفكر يعدلها في مصر هايتعب قوي

ال 128 ما ينطبقش عليها لفظ تعيدل ولكن ترويش تبقي انسب
طقم جنوط 14 ما فرش كويس وشوية بوية ميتالك وحتت دي في دي على التابلوة حاجة كدة حسبة 5 او 7 الالاف يخلوها فعلا مختلفة
لكن الاداء هو هو الا لو حسبت فلتر سبور وشكمان مزعج هايفرق في الاداء كتير

[M.Mokhtar]

لاء طبعا الفكترا لو دخلتها في مقارنة مع الكريستالة والسيفيك هاتتظلم فعلا
لانها تقيلة وموتورها مش زيهم
لكن الكريستالة خفيفة وطيارة والسيفك روعة طبعا

يا باشا انا بتكلم عن الفكترا ال 2000cc مش ال 1600
الثبات طبعا ما تتكلمش عنه عشان انت عارف الالمانى
والموتور ال 2000 ما شاء الله محدش بيعرف يطلع منى لا تقولى لانسر ولا هوندا
الوحيد اللى طلع منى كان اوبل فكترا 2000 بس كان مانيوال وانا اوتوماتك

[Karim_Monir]

لاء طبعا ثبات الالماني تحفة
لكن تجميع الالماني تقيل لحد ال 100
واللانسر 1600 مانيوال تقطعك لغاية ال 100

بعد كدة انت تكسب
وتقطع مرسيدس كمان 180
وانا بتكلم عن تجارب حقيقية

واسال شريف شاكر

[sss]

مفيش مبينا زعل يا بشمهندس شريف انا فاهم قصدك لكن هي العملية عملية ترويش فعلا زي ما كريم قال مجرد رغبة بالتفرد حتى لو بامكانيات متواضعة:).

اوعى تكون زعلت أنا مش قصدي أتريق على الفئة السعرية للعربية لو لاحظت أنا بتكلم على ال-Safety مجبتش سيرة ال-DVD ولا القزاز الكهرباء :)