الرخص اتسحبت بسبب الستاير و العربية داخلة فحص ؟؟

[mody100]

الحمد الله رخصة العربية اتسحبت النهارده بسبب الستاير طبعا واضح انو فى حملة مرور جامدة اوى لانهم كانو بيوقفوا كل العربيات المهم طبعا النقيب اللى سحب الرخصة قعد يقولى فامية قلتله دى ستاير حضرتك و انت عارف و الشمس بقى و كده المهم قالى هو ممنوع و قعد يلف حوالين العربية لقى ملصقات و زينون والكبوت مط و الفوانيس متفيمة ورا و قدام و ديفيل قالى اية كل ده المهم قعدت اتكلم معاه شوية فى الاخر قالى بص انا حاطلع معاه جدع حاسحب رخصة واحده بس و حاكتبلك ستاير بس قالى بس اهم حاجة تشيل كل الحاجات اللى انت عاملها دى و عطانى وصل باسبوع .
المهم دلوقتى انا عايز اعرف اية نظام الحوار ده يعنى بعد اسبوع اروح اعمل اية بقى فى المرور اجيب شهاده مخالفات و ادخل على افحص ,و هل حايفحص العربية كلها يعنى حياخد رقم الموتور و الكلام ده ولا حايبص على الستاير بس ,و هل لازم اروح ادفع تامين و اجيب طفاية و اسعافات ولا مش لازم ياريت حد يقولى احسن انا مش فاهم اى حاجة خالص .
والف شكرا....

[eng.m7md.ali]

هو لسة داء النفسنة عندهم؟
مال الديفل والستكرات والستاير انا مش فاهم بصراحة عمرهم ماهيتعدلو

[mmharoun]

لابد وان تشيل الستائر والملصقات والزينزن والى بالى بالك طالما داخل فحص وبعدين ربنا معاك فى الفحص وتبقى تكتب لنا تقرير بالذى حصل معاك

[abdoelshazly]

الفحص لازم بيتعمل ف خلال الاسبوع اللى مديهولك من تاريخ الوصل .

لازم تشيل كل دا ولعلمك هو مسحبش الرخص علشان خاطر الستاير لانى دخلت على ميت كمين ومحدش قالى حاجه عليها .

اكيد علشان الاستيكارز اللى انت حاتطها والزينون وانت اكيد داخل عليه وفاتح الزينون :d وطبعا الديفيل كل الحاجات ديه لازم تشيلها .

فين ايام حسنى والكوسه كانت تخلص كل دا الله اعلم لسه موجوده ولا لآ انا عاوز اروح اجرب ف تجديد الترخيص :d:d:d:d

[Elawany13]

مشى صح يحتار عدوك فيك
لازم نحترم القانون
ويطبق على الكل بالإحترام وبالعدل

[hossam20102010]

هو لسة الفيميه ممنوع !!

مش عارف ايه التخلف ده

الفيميه قانونى ومصرح بيه فى اغلب دول العالم الا مصر !!

[Honda_lover]

متشلشي اي حاجة من العربية غير الستاير بس لانك لما بتفحص اي نعم بتفحص فحص شامل بس الغرض الاول والاساسي سبب المخالفة اللي هو الستاير يعني اول مهتدخل علي مهندس الفحص هيقولك ايه سبب سحب الرخصة وده طبعا هيكون في تقرير مكتوب في اورنيج الفحص اللي هتديهوله وهيبص بصة كده ومنغير ميفتح الكبوت حتة وهيمضيلك وهيكتبلك( تم ازالة سبب المخالفة) وبعدين هتروح لفحص الطفاية وطبعا دفع قيمة المخالفة وهتاخد الرخصة عادي جدا ومفيش اي مشاكل انا حصلت معايا في الزينون ومشلتهوش والمهندس سألني انت شلت الزينون قولتله طبعا امال انا جاي افحص ازاي ؟ قالي انا مش هبص وراك بس اوعي تكون مشلتهوش قولتله عييييب هو انا هضحك عليك ههههههه بس وقام ماضي وبس وخلصت باقي الاجراءات عادي جدا ودفعت 100 جنيه واخدت الرخصة ومشيت

[eng.m7md.ali]

انا بدي افهم
الستاير دي بتتشال ولا لا؟
ولو بتتشال يبقى ايه لزمة الفحص اصلا ده ايه الهطل ده

[wael ahmed]

انا بدي افهم
الستاير دي بتتشال ولا لا؟
ولو بتتشال يبقى ايه لزمة الفحص اصلا ده ايه الهطل ده

:d والله عندك حق صباح الغباء يعنى

[Magdyahassan]

متشلشي اي حاجة من العربية غير الستاير بس لانك لما بتفحص اي نعم بتفحص فحص شامل بس الغرض الاول والاساسي سبب المخالفة اللي هو الستاير يعني اول مهتدخل علي مهندس الفحص هيقولك ايه سبب سحب الرخصة وده طبعا هيكون في تقرير مكتوب في اورنيج الفحص اللي هتديهوله وهيبص بصة كده ومنغير ميفتح الكبوت حتة وهيمضيلك وهيكتبلك( تم ازالة سبب المخالفة) وبعدين هتروح لفحص الطفاية وطبعا دفع قيمة المخالفة وهتاخد الرخصة عادي جدا ومفيش اي مشاكل انا حصلت معايا في الزينون ومشلتهوش والمهندس سألني انت شلت الزينون قولتله طبعا امال انا جاي افحص ازاي ؟ قالي انا مش هبص وراك بس اوعي تكون مشلتهوش قولتله عييييب هو انا هضحك عليك ههههههه بس وقام
ماضي وبس وخلصت باقي الاجراءات عادي جدا ودفعت 100 جنيه واخدت الرخصة ومشيت

والكلام ده قبل الثورة ولا بعد الثورة؟

[SoFiMaN]

هي مش دي ستاير كبس المنتشرة عادي ؟! ولا ستاير ستاير؟
اصل لو كده فغريبة جدا لانها بتتشال في لحظة و هو واقف عادي يعني فازاي يسحب و يقول انك تشيلها ؟!

كان فين مكانه الكمين ده في اسكندرية يا باشا؟ و اكيد بالليل كان صح؟

[mahmoud_anwar]

ياباشا انا لسه شاري عربية ودخلت فحص علشان اغير نمر من قيمة شهرين باين المهم العربية فيها ديفل والازاز بتعها غامق سنة
دخلت عادي وفحصت لا قالي شغل نور علشان اشوف عندك زينون ولا بص علي الديفل واعتقد الديفل ده عادي جدآآآآ
هو الفحص بياخد ورقة وقلم وبيحط الورقة في الحضو عند الرقم وبيشخبط بي القلم علي الورقة لغاية لما ترسملة الرقم
وبعدين الي بيتسجل في الرخصة بس في مصر لون العربية حاجة تخنق بجد المفروض اننا بقنا من الدول الي الشمس فيها حارقة
يعني المفروض يكون فيه فامية علشان نحس بي اداء التكيف بس تقول لمين

[firstknight_eg]

هو لسة الفيميه ممنوع !!

مش عارف ايه التخلف ده

الفيميه قانونى ومصرح بيه فى اغلب دول العالم الا مصر !!

بص يا استاذ حسام

أغلب دول العالم ممكن تفييم الشباك اللي ورا اي لون زي ما انت عاوز بس الشباك الامامي لو عاوز تفييم بيبقي فيه نسبة رؤية بتختلف من بلد للتانية يعني:

في أمريكا ولايات كتير لازم نسبة الرؤية تبقي أكتر من 70%
في كندا تقريبا 50% ولازم يبقي فيه مرايات جانبية
في انجلترا لا يقل عن 70%
روسيا 70%

وفي دول بتمنعه خالص لو ماعندهاش الإمكانيات اللي تقدر تقييس بيها نسبة الرؤية

إنما احنا هنا ما شاء الله تفييم تفييم اسود اسود في كل الشبابيك امامي وخلفي

في ده عشان سلامة اللي سايق مش اللي سايق بس لا باقي العربيات كمان الزجاج الامامي بيبقي نسبة الرؤية عالية

[nicegypt]

يا جماعة صاحب الموضوع يقصد نقطة معينة واحدة ..
اولا : كل مرور وبيختلف عن مرور اخر رغم ان الاجراءات المفروض واحدة لكن المسؤليين والموظفين وضمائرهم مختلفة
يعنى فية حاجات تعدى مع مرور وحاجات مع واحد رخم لاء ..

ثانيا : صاحب الموضوع بيسأل سؤال محدد : دلوقتى عربيتة رخصتها سارية وكان ماشى بيها عادى خالص دلوقت اخد ايصال سحب رخصة
لمخالفة اعاقة رؤية .. سواء بقى بسبب زينون ستاير اي حاجة .. دلوقتى اللى هيحصل ان صاحب الموضوع مضطر يشيل اهم حاجات ممنوعة
ف العربية وهى الستاير .. رغم ان الستاير مشكوك ف امرها ان كانت مسموح بيها او لا ء .. هناك هيعدي الامور شوية لانة اصلا فاحص
قبل كدة يعنى هيروح يدور على النقطة دى بس .. لا هياخد بصمة موتور ولا هياخد شاسية لان دة كلة موجود مسبقاَ .. كلامى بناءاَ عن
فهمى لبعض الامور .. ولكنى لم اخض نفس تجربة صاحب الموضوع .. لذا لو حد جرب الموضوع يرد على الراجل بدل مهو حيران لتأكيد او نفي كلامى ..

[smsm_cato]

ياباشا الموضوع سهل ومفيش فحص ولا حاجة لان باين من كلامك ان رخصتك سارية ومفيش ميعاد فحص كنت هتخشة من الاول المهم انت تشوف القسم التابع ليه الكمين اللى اتسحب منك فيه الرخص وترووحلهم وتشوفهم بيسلموا الرخصة لاى ادارة تابعة للقسم ده وتروح تدفع المخالفة بالوصل اللى معاك وتاخد الرخصة انا اتسحبت منى الرخصة قبل كده علشان الحزام الظابط كان غلس شوية وحب يلففنى علشان اتناقشت معاه اتسحبت منى على طريق بلبيس السلام الصحراوى وبعد مادفعت الفلوس عملى محضر تصالح فورى قالى الرخص بتتسلم فى الادارة اللى بعد كارتة الهايكستب روحت قالولى الرخص بتوصل بعد الساعة 4 العصر الموضوع ده كان الصبح روحت شغلى ورجعتلهم تانى ودفعت الغرامة وخدت الرخصة انت الظابط مجبش سيرة فحص خالص وهو بيكلمك قالك الوصل مدته اسبوع يعنى لازم تحصل الغرامة قبل الاسبوع بس مش اكتر