تركيب فرامل اي بي اس في جولف 2 ؟؟؟

[mahmoud_anwar]

السلام عليكم ورحمة الله وبركاتة

ياجماعة انا معايه جولف 2 وعايز اركب ليه فرامل اي بي اس مع العلم ماتورها 1800 بي بي
فاكنت عايز اعرف هعمل ايه وايه الخطوات والتكلفة هتكلفني كام ؟

[gomangy]

متابع باهتمام

[MMamdouh]

ايه الحكمة من كدة؟

MMamdouh

[mahmoud_anwar]

ايه الحكمة من كدة؟

mmamdouh

يعني اسمع ان فرامل اي بي اس احسن وامان بي النسبة للعربية انها بتوزع ضغط الفرامل علي الاربع عجلات علشان انا لي الاسف عندي الفرامل العدية بتمسك جمب وجمب تاني لا فا بتعمل مي خمسة
وكمان لما تيجي تكبس فرامل مش بتقفش في الارض وتنحل العجل لو انتا عندك معلومة غير كده فدني يمكن يكون تفكيري غلط

[Tarek_Swelm]

متابع معاك يا باشا

[mahmoud_anwar]

هو الكل متابع مافيش إفادة ولا ايه

[Honda_lover]

يعني اسمع ان فرامل اي بي اس احسن وامان بي النسبة للعربية انها بتوزع ضغط الفرامل علي الاربع عجلات علشان انا لي الاسف عندي الفرامل العدية بتمسك جمب وجمب تاني لا فا بتعمل مي خمسة
وكمان لما تيجي تكبس فرامل مش بتقفش في الارض وتنحل العجل لو انتا عندك معلومة غير كده فدني يمكن يكون تفكيري غلط

بالنسبة لفرامل abs وهي اختصار لكلمة (anti lock braking system ) يعني مانعة للانغلاق وفكرة عملها مش توزيع ضغط الزيت علي كل فردة علي حدى علي حسب معامل الاحتكاك كما تظن هي بتعمل علي تثبيت العجلة لغاية سرعة منخفضة جدا ثم قبل الوقوف تماما الماستر بيفتح تاني وهكذا مع تكرار العملية لغاية ما توصل العربية لحالة السكون اما نظام معادل توزيع ضغط الزيت فهو نظام ebd وهو اختصار لـ (Electronic brakeforce distribution) وهي تقنية فرملة في السيارات تغير آليا كمية القوة المطبقة على كل من مكابح السيارة وفقًا لظروف الطريق والسرعة والحمولة، إلخ. فالبالتالي مش هتصلح العيب اللي عندك وللتغلب عليه قم بالتالي وقم بفحصهم بالترتيب وان شاء الله تنحل المشكلة:
1- يوجد هواء بداخل دورة الزيت وده بيتم اخده لكل عجلة لحدى
2- ماستر العجل الذي لم يتمكن من الفرملة تالف ( كل عجلة لحدى لها ماستر خاص بها )
3- الماستر العمومي للنظام تالف.
(يستحسن يتم تغيير الماستر التالف وعدم الاصلاح للحصول علي فرملة جيدة بدون مشاكل في المستقبل لأن العلاج فهو مسكن مؤقت يتم عمله لعلاج المشكلة)

تحياتي لك.

[heshamzaky]

مستحيل يركب فى العربية و سبق أن كان فية زميل معاما على المنتدى كان معاة ألانترا تقريبا و سال و قلت لة مستحيل و لا أجدع مركز صيانة يعرف يعملة و حا تجيب منين الجهاز بتاع ال abs و الماستر بتاعة و أهم حاجة شوية حساسات زائد تغير طنابير و التكلفة فوق ال 10000 جنية و ممكن تفشل

[eng.m7md.ali]

هو ده الموتور حضرتك سقطته ولا شاري العربية كدة؟؟ لان على حد علمي البي بي بتنزل ب abs

[mahmoud_anwar]

بالنسبة لفرامل abs وهي اختصار لكلمة (anti lock braking system ) يعني مانعة للانغلاق وفكرة عملها مش توزيع ضغط الزيت علي كل فردة علي حدى علي حسب معامل الاحتكاك كما تظن هي بتعمل علي تثبيت العجلة لغاية سرعة منخفضة جدا ثم قبل الوقوف تماما الماستر بيفتح تاني وهكذا مع تكرار العملية لغاية ما توصل العربية لحالة السكون اما نظام معادل توزيع ضغط الزيت فهو نظام ebd وهو اختصار لـ (electronic brakeforce distribution) وهي تقنية فرملة في السيارات تغير آليا كمية القوة المطبقة على كل من مكابح السيارة وفقًا لظروف الطريق والسرعة والحمولة، إلخ. فالبالتالي مش هتصلح العيب اللي عندك وللتغلب عليه قم بالتالي وقم بفحصهم بالترتيب وان شاء الله تنحل المشكلة:
1- يوجد هواء بداخل دورة الزيت وده بيتم اخده لكل عجلة لحدى
2- ماستر العجل الذي لم يتمكن من الفرملة تالف ( كل عجلة لحدى لها ماستر خاص بها )
3- الماستر العمومي للنظام تالف.
(يستحسن يتم تغيير الماستر التالف وعدم الاصلاح للحصول علي فرملة جيدة بدون مشاكل في المستقبل لأن العلاج فهو مسكن مؤقت يتم عمله لعلاج المشكلة)

تحياتي لك.

الله ينور عليك ياباشا بجد انتا افدتني
بس انتا شايف لو انا غيرت الفرامل تمامآ هتكون كويسة واحسن من اني اركب اي بي اس وكده

[mahmoud_anwar]

مستحيل يركب فى العربية و سبق أن كان فية زميل معاما على المنتدى كان معاة ألانترا تقريبا و سال و قلت لة مستحيل و لا أجدع مركز صيانة يعرف يعملة و حا تجيب منين الجهاز بتاع ال abs و الماستر بتاعة و أهم حاجة شوية حساسات زائد تغير طنابير و التكلفة فوق ال 10000 جنية و ممكن تفشل

ياه 10000 بي حالهم دي بي المبلغ دة يشد العربية ويخليها عروسة
طيب مثلآ لو انا خدت مثلآ من علي اي نص الدفيرة بتاعت الفرامل بي حجتها كلها مش ممكن اي ميكانيكي وكهربائي يظبطوها
وهل هتكون مكلفة للدرجة دي

[mahmoud_anwar]

هو ده الموتور حضرتك سقطته ولا شاري العربية كدة؟؟ لان على حد علمي البي بي بتنزل ب abs

لا مسقط الماتور طيب البي بي بيزل في انهي عربية بيكون هيا العربية دي نزلة بية مش متسقط ؟؟؟؟

[heshamzaky]

ياه 10000 بي حالهم دي بي المبلغ دة يشد العربية ويخليها عروسة
طيب مثلآ لو انا خدت مثلآ من علي اي نص الدفيرة بتاعت الفرامل بي حجتها كلها مش ممكن اي ميكانيكي وكهربائي يظبطوها
وهل هتكون مكلفة للدرجة دي

بص حا أبسط لك الفكرة . حا تلاقى مثلا نص عربية فيها abs حا تفك الجهاز و حا تفك الدشم مثلا بالطنابير الامامية و ساعات كتير جدا و دة الغالب حا تغير الطنبابير الخلفية و حا تبقى سكينة و حا تغير سلك فرامل اليد لان بتاع السكينة غير الطنابير العادية دى سلك فرامل اليد بس و دة حا تلاقية مقصوص طبعا
و بعدين عندك الكنترول بتاع الفرامل و المهم المواسير الحديد الى ماشى فيهم الزيت الباكم و دول حا يبقو مقصوصين مش حا تلاقيهم جداد و عندك حساسات على كل عجلة و الماستر العمومى بتاع الفرامل برضو حا يتغير و السيرفو كمان .

[heshamzaky]

الموضوع الى كنت بقولك علية ممكن تشوفة من اللينك دة

http://www.nilemotors.net/Nile/214635-abs.html

[MMamdouh]

بالنسبة لفرامل abs وهي اختصار لكلمة (anti lock braking system ) يعني مانعة للانغلاق وفكرة عملها مش توزيع ضغط الزيت علي كل فردة علي حدى علي حسب معامل الاحتكاك كما تظن هي بتعمل علي تثبيت العجلة لغاية سرعة منخفضة جدا ثم قبل الوقوف تماما الماستر بيفتح تاني وهكذا مع تكرار العملية لغاية ما توصل العربية لحالة السكون اما نظام معادل توزيع ضغط الزيت فهو نظام ebd وهو اختصار لـ (Electronic brakeforce distribution) وهي تقنية فرملة في السيارات تغير آليا كمية القوة المطبقة على كل من مكابح السيارة وفقًا لظروف الطريق والسرعة والحمولة، إلخ. فالبالتالي مش هتصلح العيب اللي عندك وللتغلب عليه قم بالتالي وقم بفحصهم بالترتيب وان شاء الله تنحل المشكلة:
1- يوجد هواء بداخل دورة الزيت وده بيتم اخده لكل عجلة لحدى
2- ماستر العجل الذي لم يتمكن من الفرملة تالف ( كل عجلة لحدى لها ماستر خاص بها )
3- الماستر العمومي للنظام تالف.
(يستحسن يتم تغيير الماستر التالف وعدم الاصلاح للحصول علي فرملة جيدة بدون مشاكل في المستقبل لأن العلاج فهو مسكن مؤقت يتم عمله لعلاج المشكلة)

تحياتي لك.

+1

الABS مش حيزود قوة الفرامل

انحراف العربية مع الفرملة مشكلة عايزة حل... اما هوا فى الدورة او ماستر عجل قافش او ماستر عمومى تالف

زحلقة العربية و زحفها مشكلة كاوتش مش فرامل

انا شايف انك عايز ميكانيكى كويس يراجع على الفرامل

MMamdouh