مــــشـــروع الــمــرور ؟؟!! انت بتهرج يا أكسل ؟؟؟ لأ بكلم بجد

[Amr Axel]

بسم الله الرحمن الرحيم
السلام عليكم و رحمة الله و بركاته

كان في فعلا زمان مشروع للمرور و هو عبارة ان الطلبة كانوا بيلبسوا زي ازرق زي بتاع التربية العسكرية عندنا
و ينزلوا ينظموا المرور مع الشرطة
و الموضوع مطبقش التاني
و ده اهلي قالولي عليه

طب ليه منرجعش نطبقه دلوقتي تاني و يتم زي انتداب لطلبة الجامعات خصوصا في اجازة الصيف الجاية و الزحمة اللي هتبقي فيها
بالاضافة اننا في حاجة لتنظيم الشوارع تاني

و يتعلموا القواعد و ازاي مواجهة اي مشكلة و ع الاقل يكون في لاسلكي مع كل مجموعة و واحد يكون مسئول عنه او يكون معاهم ع الاقل شرطي امين او ..او..او يكون معاه الجهاز لأي مشكلة

و كل مجموعة تنظم المرور في مكان سكنهم او قريب منهم يعني سكان مدينة نصر ينزلوا ينظموا الاشارات و الشوارع و اليوتيرنات العجيبة مع الشرطة في مدينة نصر فقط
سكان مصر الجديدة ينزلوا في الاشارات و الشوارع في مصر الجديدة فقط و هكذا

و يكون معاهم دفاتر لأن حد مخالف يتكتب رقم العربية و المخالفة و الساعة و التاريخ

و يكون زييهم زي التربية العسكرية و الكارنيه متعلق ع صدرهم

و الناس هتحترمهم و تسمع كلامهم

و طبعا يكون في دوريات بالموتسيكلات ع المجموعات اللي مش معاهم شرطي عشان تتابع ادائهم

و بكده نعوض قلة وجود الشرطة و تواجدهم في اماكن اهم و خاصة في وقت الذروة
يعني بدل ما يبقي 4 او 5 شرطيين في مكان واحد و اماكن تانية كبييرة محتاجة
يبقي شرطي و 4 شباب
و هكذا ع حسب المكان
و بكده هنوزع الشرطة في كل مكان

و لو عايزين يدربوهم ع استخدام التونفا ممكن كل واحد ينزل معاه تونفا ده لو عايزين في حالة وجود شغب

ايه رأيكم ؟؟؟؟

و بالنسبة ليا كطالب انا عندي استعداد انزل

[Eng.Geo]

انا مستعد

[Amr Axel]

انا مستعد

تمام يا ريس

[زينة الله]

شباب جمعية أصدقاء المرور فى الاسماعيلية كل سنة فى الصيف بيساعدوا بالفعل فى تنظيم المرور بالتنسيق مع الشرطة

و مع انها شغلانة صعبة في بنات !! كمان مع الشباب باللبس العسكرى و الناس بتحترمهم و بتتجاوب معاهم

يا ريت كل المحافظات تتبع نفس النظام و يشجعوا العمل التطوعى دا

[Amr Axel]

شباب جمعية أصدقاء المرور فى الاسماعيلية كل سنة فى الصيف بيساعدوا بالفعل فى تنظيم المرور بالتنسيق مع الشرطة

و مع انها شغلانة صعبة في بنات !! كمان مع الشباب باللبس العسكرى و الناس بتحترمهم و بتتجاوب معاهم

يا ريت كل المحافظات تتبع نفس النظام و يشجعوا العمل التطوعى دا

طب تمام جدا انا فعلا اول مرة اعرف انها هناك

طب ممكن حضرتك تقولي ازاي الموضوع ابتدي و الجمعية ديه و الخطوات ...الخ الخ

و ازاي النظام ماشي هناك

كل شئ عشان نحاول نكلم المسئوولين بتطبيقها هنا

[AboELsoud]

فكره حلوه جدااا
و انا كطالب اكيد هساعد

[love7amada]

ما هوا فيه حاجه زي كده اسمها اصدقاء المرور بس هما مختفيين دلوقتي عشان فتره الامتحانات و كده

[Amr Axel]

فكره حلوه جدااا
و انا كطالب اكيد هساعد

تمام يا ريس

[Amr Axel]

ما هوا فيه حاجه زي كده اسمها اصدقاء المرور بس هما مختفيين دلوقتي عشان فتره الامتحانات و كده

فين يا ريس مشوفتش حاجة من ديه خالص غير في اسكندرية و دلوقتي عضو قال في الاسماعيلية

لكن القاهرة مشوفتش حد خالص ده انا يعتبر راشق في الشوارع اكتر من عواميد النور ههههههه

[love7amada]

لا انا شوفتهم كزا مره عند اشاره اللي عند جامعه القاهره و بيبقوا لابسين زي موحد كده

[lovely_love]

بصراحة يا استاذ اكسل كل الى اقدر اقوله ان كل مشاركاتك فعلا فيها حاجة ممكن تقدم مصر

[omaroof]

احنا فى الاعدادى كانو بياخدونا ننظم المرور لمدة شهر والموضوع ده مستمر الى قبل الثورة فى الاسكندريه بس ماعرفش بعد الثورة ايه الموضوع

[Amr Axel]

لا انا شوفتهم كزا مره عند اشاره اللي عند جامعه القاهره و بيبقوا لابسين زي موحد كده

طب تمام لكن الموضوع مش منتشر بالاضافة اننا دلوقتي في امس الحاجة للموضوع ده

[Amr Axel]

بصراحة يا استاذ اكسل كل الى اقدر اقوله ان كل مشاركاتك فعلا فيها حاجة ممكن تقدم مصر

الله يخليك بس الموضوع مش حاجة جديدة و لا قولت حاجة جامده :b4_611:
هي مطبقة فعلا لكن في اماكن محددة و مش منتشرة
لكن عايزين نطبقها في الوقت الحالي نظرا للظروف

[Amr Axel]

احنا فى الاعدادى كانو بياخدونا ننظم المرور لمدة شهر والموضوع ده مستمر الى قبل الثورة فى الاسكندريه بس ماعرفش بعد الثورة ايه الموضوع

اه مانا قولت شوفتها في الاسكندرية و في عضو قال عنده في الاسماعيلية جمعية

لكن الموضوع مش منتشر و خاصة في القاهرة اللي هي تعتبر اكبر كثافة مرورية عن اسكندرية و الاسماعيلية

يعني هنا احنا محتاجين تطبيقها بشكل اوسع و مش طلبة في المدارس لأ ميقلش عن جامعة عشان يقدروا يتعاملوا برده مع اي موقف

و يا ريت لو يتعلموا كمان الاسعافات الأولية عشان حوادث