إعـــــــلان

Collapse

.

,
See more
See less

قصتي مع حملة الشرطة في روكسي !!!!

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    قصتي مع حملة الشرطة في روكسي !!!!

    بسم الله الرحمن الرحيم
    السلام عليكم و رحمة الله و بركاته

    بعد ما شوفت امبارح الجيب الجديدة بتاعت الشرطة في روكسي و الحملة اللي عملوها لتطهير روكسي من سوق العتبة اللي كان فيه

    و بعد كلام و خناق مع ضميري

    قررت اكبسه لتاني مرة و اخد الالتو حبيبتي و الكاميرا
    و انزل روكسي عشان اجيبلكم صور الجيب و صور الحملة الشرطية الرهيبة اللي حصلت

    المهم توكلت ع الله و نزلت

    و جيت من طريق السويس و عند الهيئة العربية للتصنيع و انا ماشي ع 100 لقيت عربية بيضا واقفة شكيت فيها فهديت وصلت لــ 90 و بعد ما عديت حمدت ربنا اني قللت السرعة لأن اللي كان مستخبي قدامها طلع رادار
    يا ابن الايه الشرطة هتبتدي الحركات النص كوم ديه تاني و في مكان غير متوقع بالمرة
    لقيت ضميري اللمض بيقولي ( يا ريتك فضلت ماشي ع 100 و كنت تتلقط عشان افرح فيك .... اخرس ياض مش ناقصاك في اول النزولة كده )
    هي شكلها نزولة منيلة من اولها ردار اومال كمان كام متر هلاقي لجان
    المهم حمدت ربنا اني قللت لأني اساسا مغير العجل و العجل اكبر من القديم يعني كان هيلقطني فوق ال100

    كملت الطريق و الطريق الحمد الله مقولكوش فاضي لدرجة مرعبة لدرجة انك متعرفش تلف الدريكسيون درجة

    وصلت لنفق الثورة اللي بقي اجدع من سوق العتبة في مجده بالرسوم اللي عليه و هيئة المجاري شغالين في الارض والناس ماشية بتتفرج كأنه حاجة اوريجنيال خالص
    و كان ناقص اللي في العربية اللي جنبي تطلع تقول ( اوه لالا ) oh La la بالفرنساوي يعني ( انت امتي خدت فرنساوي يا أكسل ... ايه يا عم ده من رابعة ابتدائي و ارحمني بقي مش كفاية موضوع الفتيس هتقرفني هنا )

    خلصت من نفق الثورة بعد عذاب مرعب و حسيت ان العربية هتكح من كتر الخنقة و ساعتها ضميري غلس عليا و قالي ( في صيدلية بعد النفق انزل جيبلها دوا كحة ) طبعا كنت هنزل احط ضميري تحت العجل بس مسكت نفسي عشان عشرة العمر برده متهونش الا علي الكتاكيت

    عديت الكوربة و وصلت عند القصر الجمهوري و لقيت شوية عيال صغيرة بتتلامض مع الشرطة اللي بتحرس القصر (ده انتو عيال تيييييت تربتتيييت...عيب ياض )

    وصلت للاشارة اللي عند الامفتريون و مقولكوش عسكري و امين شرطة و كل الاتجاهات داخلة في بعض راح العسكري وقف بتفرج و امين الشرطة عمال يروح من هنا لهنا يسلك ديه ديه تتسد يروح يسلكها التانية تتسد ديه لو شبكة مجاري المطرية مش هتقرفه كده الراجل بقي في دوامة و حسيت انه هيرمي الجهاز و دفتر المخالفات و يقولهم غوروا يا عالم يا تيييت

    الحمد الله بعد ربع ساعة سلكت المهم لسه عند عمر افندي و لقيت عربيتين شرطة عسكرية وبينهم نجدة و بيجروا لما سلكت و الانذار ( وي وا وي وا وي وا ... بس ياض مش ناقصة صداع .... في ايه يا أكسل ده انا ضميرك يا جدع سيبني افرفر عن نفسي شوية ) ما علينا من ضميري

    و انا شوفتهم بيجروا من هنا و لطمت من هنا قولت انا ايه اللي نزلني لازم تاخدني الجلالة اوي و انزل اصور هي باينة من اولها رادارة مستخبي ورا عربية قولت يلا خليها ع الله و كملت

    وصلت عند الجنينة اللي قدام عمر افندي ابو كام دور ده و اول ما وصلت هناك استعديت عشان اطلع الكاميرا و اصور الجيب بتاعت الشرطة و اوريكم ثورة الظابط اللي حصلت هناك و رتب واقفة
    المهم طلعت الكاميرا عشان اصور مفيش الكاميرا مش عايزة تتفتح يادي النيلة افتحتي يا منيلة ع عينك مفيش ضربتها و عاتبتها مفيش فايدة طب مش هشحنك تاني لو مفتحتيش مفيش برده

    فوجئت بذكاء رهيب مني اني نسيت البطارية بتتشحن في البيت و نزلت
    لقيت ضميري بيقولي ( احسن احسن احسن فرحان فيك فرحان فيك ....اسكت ياض مش ناقصاك بدل ما اخليهم يحبسوك )

    يعني يا ربي بعد كل العذاب ده مفيش حتي صورة واحدة

    قولت يلا مفيش نصيب
    من كتر قر ضميري معرفتش حتي القط صورة

    بالنسبة لهناك بقي الحملة شديدة جدااا من الشرطة ظباط هناك زي النمل من كل الرتب من عسكري لحد فوق و كلهم ماكسين المعادي و البطنجات و الكلبشات ماشية بتلمع في الاحزمة بتاعتهم شكلها لسه طالعة من عند الحداد
    و كل ده بالاضافة لــ2 جيب واحدة قديمة و واحدة الجديدة نوفي اللي شوفتها امبارح معبيين شرطة
    غير البوكسات المعتادة و عربيات النجدة وعربية نقل مساجين غير الموتسيكلات يعني الواحد ميعرفش يمشي من كترهم هناك غير الشرطة العسكرية
    و طبعا انا شوفت من هنا و قلبي و عيني كانوا بينطوا من هنا زي كارتون توم و جيري من الفرحة الشرطة نزلت هيييه الشرطة نزلت هيييه و قعدت اسقف و منورين الشارع يا رجالة     لدرجة ان في كام واحد شكلهم متشرد واقفين بقي يبصولي بقرف و حاسس انهم عايزين يقولولي فرحان في ايه يا تيت
    المهم الشرطة قامت بالواجب مع سوق العتبة اللي كان الباعة الجائلين فاتحينه هناك و مفيش نفر واحد واقف بحتة قماشة حتي

    وصلت بقي للاشارة بتاعت روكسي عشان اطبق نظرية علاء ولي الدين الله يرحمه في فيلم الناظر
    لما الانجليز جريوا وراهم في المظاهرة

    لف و ارجع تاني لف و ارجع تاني لف و ارجع تاني
    يا سلام يا سلام يا سلام

    وقفت في الاشارة استغربت لقيت حملة ظابط هناك تانية خالص و الموتسيكلات و كله بيشوف شغله بهمة و نشاط قولت اده ده في امل
    لقيت ضميري بيتلامض و يقولي ( لأ في عمر يا ظريف ...ماشي يا عم متشكرين )

    المهم لقيت واحد مفيييم دارك بلاك يا نهار الوان امين الشرطة رايحله قولت بس خلاص الراجل ده هيتقفش و انسي ع كده و غميت عيني عشان مشوفش المنظر و انا مقهور ع الفيمية اللي هيروح
    بشيل ايدي من ع عيني
    لقيت امين الشرطة بيقوله نزل الازاز كله عشان الفيمية

    نعم !!!!!!!!!!!



    نزل الازاز عشان الفيمية خدتني الجلالة اشمعني يعني الواحد قارف نفسه في الشمس و مش عايز يحط فيميه و انت بكل بساطة تقوله نزله
    عليا النعمة هركب فيميه من بكرة

    و لفيت و رجعت و اتفرجت ع الحملة اللي قولتلكم عليها
    و الناس كلها بتبص و بانبهار للجيب و بيشاوروا عليها
    ياااه فكروني بعربيات الشرطة زمان في التمنينات مع اني مكنتش اوعي عليها بس كنت بشوفهم في التلفزيون

    و رجعت البيت و انا في قمة القهرة و الحسرة و الشلل
    اني بعد كل العذاب ده معرفتش اخد صورة واحدة
    عشان افرجكم ع الحملة الرهيبة ديه



    و توتة توتة خلصت الحدوتة
    حد يسلفني 3 جنيه بقي لأخر الشهر
    هههههههههه
    [CENTER][SIGPIC][/SIGPIC]
    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
    [/CENTER]

    AXEL سابقا
    الكلمات الدلالية (Tags): الشرطة, حملة, روكسي, قصتى
  • #2
    يعنى بعد كل اللى قريته ده وطلع مفيش صور وكمان شالو السوق وفى الاخر يقوله نزل الازاز ؟؟؟؟؟؟؟؟؟؟؟؟؟
    والاهم بقى انك عايز 3 جنيه
    انسى يا وديع
    [SIGPIC][/SIGPIC]

    Comment

    • #3
      اوبا.متاكد من عربية الرادار اللى عند الهيئة يا باشا.لاننى كدة شربتها النهاردة رسمى

      ويمكن عربية الرادار ديه بعد اخر 3 حوادث عند الهيئة.كفانا الله ووقانا شر الحوادث.
      [marq="3;right;3;scroll"]لا حول ولا قوة الا بالله العلى العظيم
      [/marq]

      Comment

      • #4
        بعد كل ده حسيت انك حتقول دول عملوا بلاوى فى الناس!بعدين يقولوا نزل الازاز,ده استفزاز جدا

        Comment

        • #5
          المشاركة الأصلية كتبت بواسطة dolly13 مشاهدة المشاركة
          يعنى بعد كل اللى قريته ده وطلع مفيش صور وكمان شالو السوق وفى الاخر يقوله نزل الازاز ؟؟؟؟؟؟؟؟؟؟؟؟؟
          والاهم بقى انك عايز 3 جنيه
          انسى يا وديع


          للأسف الشديد اعمل ايه ؟؟ :(

          فين الـ3 جنيه بقي :)
          [CENTER][SIGPIC][/SIGPIC]
          [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
          [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
          [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
          [/CENTER]

          AXEL سابقا

          Comment

          • #6
            المشاركة الأصلية كتبت بواسطة Ayman-Ahmed مشاهدة المشاركة
            اوبا.متاكد من عربية الرادار اللى عند الهيئة يا باشا.لاننى كدة شربتها النهاردة رسمى

            ويمكن عربية الرادار ديه بعد اخر 3 حوادث عند الهيئة.كفانا الله ووقانا شر الحوادث.
            اها متاكد و الموضوع كان ع حوالي الساعة 8-9 و انا نازل
            و انا راجع ملقتهوش

            والناس كلها طايرة و محدش واخد باله مجرد عربية ربع نقل عليها اقماع واقفة و التاني مستخبي وراها عند الاكصدام الامامي

            و الرادار كان شبه ده الي حدا ما و نفس الارتفاع و الراجل قاعد وراه ع الارض
            [CENTER][SIGPIC][/SIGPIC]
            [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
            [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
            [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
            [/CENTER]

            AXEL سابقا

            Comment

            • #7
              انا لو كان ضميري غلس كدة كنت سيبتو في البيت احسن
              eng f3lix سابقا

              Comment

              • #8
                المشاركة الأصلية كتبت بواسطة theunkown مشاهدة المشاركة
                بعد كل ده حسيت انك حتقول دول عملوا بلاوى فى الناس!بعدين يقولوا نزل الازاز,ده استفزاز جدا
                هو ممكن مش عايزين يغلسوا اوي و سايبين الموضوع
                و واحدة واحدة يشدوا عشان الناس من غير حاجة غضبانة
                فبيبتدوا واحدة واحدة
                لكن هم شادين علي الباعة الجائلين و البطلجية و المجرمين يعني ابتدوا ينشطوا تاني اكتر من الأول بعد ثبات عميق بعد الثورة
                [CENTER][SIGPIC][/SIGPIC]
                [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                [/CENTER]

                AXEL سابقا

                Comment

                • #9
                  المشاركة الأصلية كتبت بواسطة felix مشاهدة المشاركة
                  انا لو كان ضميري غلس كدة كنت سيبتو في البيت احسن
                  هههههه ده قارفنا في كل مكان حتي في كتابة الموضوعات و كله كوم و موضوع انواع الفتيس كوم تاني
                  بفكر اغير ضميري بواحد مستورد
                  [CENTER][SIGPIC][/SIGPIC]
                  [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                  [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                  [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                  [/CENTER]

                  AXEL سابقا

                  Comment

                  • #10
                    لزسمحت نزل الازاز !!!!!
                    اللى حيضيع بلدنا : الفهلوة و كلمة باشا و معلش و أصل


                    [SIGPIC][/SIGPIC]

                    Comment

                    • #11
                      ههههه لا مسمعتش لو سمحت نزل الازاز انا لقيته بيقوله نزل الازاز كله و الراجل نزل الازاز و الاشارة مشيت و خلاص
                      [CENTER][SIGPIC][/SIGPIC]
                      [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                      [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                      [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                      [/CENTER]

                      AXEL سابقا

                      Comment

                      • #12
                        طيب مكنش فيه موبايل حتي تصور بيه عشان المشوار ميروحش هدر كدا :d
                        [CENTER][SIZE=5][COLOR=Blue]::. سبحان الله وبحمده سبحان الله العظيم .::
                        [/COLOR][/SIZE][/CENTER]

                        Comment

                        • #13
                          المشاركة الأصلية كتبت بواسطة modo88 مشاهدة المشاركة
                          طيب مكنش فيه موبايل حتي تصور بيه عشان المشوار ميروحش هدر كدا :d
                          للأسف زميلك عمرو اكسل موبيله سامسونج يوو-700 جايب فلاتة و مش لاقي حد عنده الفلاتة بتاعته و نازل بكرة اشوف الحوار ده ان شاء الله بعد الموقف بتاع انهاردة
                          و ماشي حاليا بــ1208 احسن امكانياته الكشاف ههههه                           عشان كده دايما بغنيله مش هتنازل عنك ابدا مهما يكون مهما يكون
                          فالمشوار و العذاب راح هدر :(
                          [CENTER][SIGPIC][/SIGPIC]
                          [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                          [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                          [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                          [/CENTER]

                          AXEL سابقا

                          Comment

                          • #14
                            انا قابلت الحمله دى بس فى اشاره روكسى وكانت مرور وشاف الرخص وقالى اتفضل بس

                            ودى صوره العربيات الجيب
                            [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                            Comment

                            • #15
                              المشاركة الأصلية كتبت بواسطة axel مشاهدة المشاركة
                              اها متاكد و الموضوع كان ع حوالي الساعة 8-9 و انا نازل
                              و انا راجع ملقتهوش

                              والناس كلها طايرة و محدش واخد باله مجرد عربية ربع نقل عليها اقماع واقفة و التاني مستخبي وراها عند الاكصدام الامامي

                              و الرادار كان شبه ده الي حدا ما و نفس الارتفاع و الراجل قاعد وراه ع الارض


                              مش عايز اضايقك بس الطريق هناك السرعه 60 مش 90 ...
                              [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                              Comment

                              السابق 1 2 template التالي
                              Working...
                              X