استفسار بخصوص الوضع الصحيح لتركيب الكاوتش.

[mr_kenawy]

السلام عليكم , النهاردة و انا ببص على النقشات اللى عندى فى الكاوتش (جوديير 15) لقيت مفاجأة , الفردتين اللى على اليمين مكتوب على جانبهم الخارجى (الظاهر) inside , يبقى بالتالى راكبين غلط و لازم يتعكس الوضع و كلمة inside تدخل من جوة , رحت عند حوالى عشرة بتوع كاوتش كلهم رفضوا تعديل الوضع و اصروا على ان الفردتين راكبين صح بالنظر الى ان النقشة اللى عليهم على شكل سهم , و السهم على الوضع اللى الفردتين راكبين عليه اتجاهه للامام , و لو صلحنا الوضع و دخلنا الجنب اللى عليه inside من جوة هيبقى اتجاه السهم اللى على النقشة للخلف مش للامام .
اللى انا فهمته انى كان لازم اخد بالى من المسألة دى عند الشراء على اساس ان فيه فرد تركب يمين و فرد بتركب شمال لان المشكلة دى عندى فى اليمين بس , اما الشمال فاتجاه السهم للامام و فى نفس الوقت الجنب اللى عليه inside من جوة.
السؤال دلوقتى انا اعمل ايه فى الفردتين اللى على اليمين اسيبهم على وضعهم و يفضل الجنب اللى عليه inside لبرة , و لا ادخل الجنب ده لجوة و اتجاه السهم اللى على النقشة يبقة للخلف؟
يارب كلامى يكون واضح و تكون المشكلة وصلتكم و تساعدونى بآرائكم القيمة.

[A.Saad]

اللى اعرفه ان السهم اتجاه دوران
طبل ممكن يكون حلك فى تبديل مع الشمال او فك الفردة من الجنط وقلبها

[beshomilan]

اللى اعرفه ان السهم اتجاه دوران
طبل ممكن يكون حلك فى تبديل مع الشمال او فك الفردة من الجنط وقلبها

فعلا كلام صحيح

[mr_kenawy]

واضح انى ما اقدرتش اوضح مشكلتى كويس , انا لو بدلت مع الشمال هبقى لخبطت اليمين و الشمال و الجنبين هيبقى سهمهم معكوس , و لو فكيت الفردتين من الجنط و قلبتهم (بالنسبة للجنب اليمين) هبقى دخلت كلمة inside من جوه بس عكست اتجاه السهم.

هو السؤال باختصار ايهما افضل ان الفردة تركب صح من حيث ان الجنب اللى عليه inside يكون من جوه بس فى نفس الوقت اتجاه السهم بتاع النقشة يكون للخلف.
و لا اتجاه السهم يكون للامام بس فى نفس الوقت الجنب اللى عليه inside يكون لبره؟.

[dr.hazem]

انا فاهم قصدك بس مش عارف العمل ايه

على كده كان المفروض تاخد بالك وانت بتشتريهم بحيث تجيب فردتين يمين وفردتين شمال بحيث كل اتنين يكون الانسايد جوه

بس لو دي تمثل مشكله اما الواحد يجيب اتنين استبن واحد يمين وواحد شمال؟؟؟!!!!

هههههههههههههههههه

مستني رد الخبراء

تحياتي

[mr_kenawy]

الله ينور على حضرتك , انت كدة فهمت المقصود ...... الحكاية دى بتشكل مشكلة تانى هى ان الكاوتشات دى مش هتقبل عملية الروتيشن اللى المفروض تتعمل كل فترة.

[Ashraf_Ibrahim]

دي مشكلة الكاوتش اللي رسمته بتتغير لو اتغير مكانه عشان رسمته مش ثابتة في الاتجاهين !
بالتالي الصح بالنسبة للكاوتش انك تتبع تعليماته والانسايد يكون جوا
بس في نفس الوقت دا مش هيكون سليم في حالتك عشان تصميم الكاوتش نفسه
اعتقد تسيب اتجاه السهم سليم ومش مشكلة ان الانسايد يكون جوا !
هو بيوضحلك بس اتجاه التركيب السليم للكاوتش في حال انك جبت الكاوتش الصح اليمين يمين والشمال شمال ولكن تصميم الكاوتش نفسه سوا ء الجانب اللي المفروض يكون للداخل او الجانب اللي المفروض يكون للخارج واحد
يعني العجلة نفسها في التصميم متماثلة فمتقلقش خالص
ظبط اتجاه سهم الكاوتش وخلي ال inside للخارج زي ما هي بالظبط ولا تقلق يا عزيزي واعمل روتيشن عادي جدا -بس قد تضطر انك تفك العجلة من الجنط عشان تقلبها وتظبط اتجاه السهم لو نقلت اليمين مكان الشمال او العكس !
يارب تكون فاهمني !

[MMamdouh]

دى مشكلة عندك من ساعة ما اشتريت الكاوتش... انت جبت 4 فرد شمال بالتالى حيفضل عندك الفردتين بتوع الجنب اليمين راكبين غلط اما بالنسبة للrotation او للinside/outside

الحل انك تجيب فردتين جداد.... بس لازم تتخانق مع اللى باعلك الكاوتش دة لانة لبسك فى الحيط

MMamdouh

[mr_kenawy]

اوباااااااااااااااااااااااااااا , فردتين جداد , ده كدة يبقى فعلا لبسنى فى الحيطة , طب هو فعلا فيه فرق بين الجنب اللى عليه انسايد و الجنب اللى عليه اوتسايد , بالعين المجردة و بملمس الجانبين مفيش اى فرق............

[mr_kenawy]

و على فكرة اللى باعلى هو اشرفكو المطرية علشان الناس تاخد بالها ............

[MMamdouh]

اوباااااااااااااااااااااااااااا , فردتين جداد , ده كدة يبقى فعلا لبسنى فى الحيطة , طب هو فعلا فيه فرق بين الجنب اللى عليه انسايد و الجنب اللى عليه اوتسايد , بالعين المجردة و بملمس الجانبين مفيش اى فرق............

حتلاقى شكل النقشة فى نص الفردة اليمين غير الشمال.... زى كدة:




MMamdouh