استطلاع : هل تشعر بالسعادة وأنت تقود سيارتك ؟

[أحمد الجندى]

بحب السواقة جدا لما بكون على طريق سريع أو فى يوم رايق زى يوم جمعة قبل الصلاة أو بالليل متأخر قوى وياسلام لو بسوق بالليل والدنيا بتمطر فى مكان رايق دى بقى المتعة كلها عندى .
وساعات ببقى مشتاق للسواقة لو مثلا بقالى اسبوعين راكن العربية حتى لو سوقت فى زحمة بتبقى على قلبى زى العسل .

[alaa99991111]

قيادة سيارتي شئ يسعدني جدا

وما يحدث حولي من قائدي السيارات يبدد ذلك

[al_manara]

اولا بحب السواقة جدا بس بالنسبة للانبساط دة موضع كبير اوي
ببقي مبسوط جدا للاسباب التالية
1-سواقين الميكروباص اساتذة في السواقة.يقولك هو الي هايزعل مش انا . مبدا الدراع (مش محتاجة توضيح )
2- سواقين التاكسي اما يقفوا قدامك مرة واحدة عشان الزبون
3- سواقين الميكروباص الي واقفين في كل حتة واي حتة بيركبوا الناس
4- العربيات المقطور ياسلام عليهم والنقل عموما
5- سواقين هيئة النقل العام والوقوف في نهر الطريق
6-الباشا الي بيمسك اقصي اليسار ويمشي 40 في الدائري
7-الناس الي بتعدي بلا مبالاة . تحسسك انك اول ما تدوس علي الزر العربية هاتقف
8-الزحام وما اجملة . متعة رهيبة .اما تقف مثلا علي كوبري اكتوبر في عز الحر ولاتمشي في شارع القصر العيني ولا......
9-الجميل الي يشوف الخطوط البيضاء في الارض ويمشي والخط في نصف العربية وياخد حارتين .
10-الراجل المهم اوي الي ماسك الموبايل وناسي انة بيسوق وناسي ان في بشر وراة متعطلة بسبب حضرتة
11-.............
12-.............
200-..............................

اقولك اية ولا اية ولا اية

ياتري عرفت مدي انبساطي ولا لسة :b4_611:

[yasserelsayad]

انا بحب السواقة وببقى مبسوط الحمد لله معظم الوقت
تقريبا العربية بتفرق باردوا يعنى قد ايه هى بتقدر تعزلك عن الجو الخارجى
ولا بتحس بجو ولا دوشة
ومعظم طرق اللى بمشى فيها بتكون كويسة الحمد لله ومش زحمة اوى

[tahaderaz]

اولا بحب السواقة جدا بس بالنسبة للانبساط دة موضع كبير اوي
ببقي مبسوط جدا للاسباب التالية
1-سواقين الميكروباص اساتذة في السواقة.يقولك هو الي هايزعل مش انا . مبدا الدراع (مش محتاجة توضيح )
2- سواقين التاكسي اما يقفوا قدامك مرة واحدة عشان الزبون
3- سواقين الميكروباص الي واقفين في كل حتة واي حتة بيركبوا الناس
4- العربيات المقطور ياسلام عليهم والنقل عموما
5- سواقين هيئة النقل العام والوقوف في نهر الطريق
6-الباشا الي بيمسك اقصي اليسار ويمشي 40 في الدائري
7-الناس الي بتعدي بلا مبالاة . تحسسك انك اول ما تدوس علي الزر العربية هاتقف
8-الزحام وما اجملة . متعة رهيبة .اما تقف مثلا علي كوبري اكتوبر في عز الحر ولاتمشي في شارع القصر العيني ولا......
9-الجميل الي يشوف الخطوط البيضاء في الارض ويمشي والخط في نصف العربية وياخد حارتين .
10-الراجل المهم اوي الي ماسك الموبايل وناسي انة بيسوق وناسي ان في بشر وراة متعطلة بسبب حضرتة
11-.............
12-.............
200-..............................

اقولك اية ولا اية ولا اية

ياتري عرفت مدي انبساطي ولا لسة :b4_611:

كده أنا عرفت طبعا مدى انبساطك وشرفت الموضوع ومشاركتك فلا رائعة

[tahaderaz]

انا بحب السواقة وببقى مبسوط الحمد لله معظم الوقت
تقريبا العربية بتفرق باردوا يعنى قد ايه هى بتقدر تعزلك عن الجو الخارجى
ولا بتحس بجو ولا دوشة
ومعظم طرق اللى بمشى فيها بتكون كويسة الحمد لله ومش زحمة اوى

كده يبقى لازم أشوف شقه جنبك فى أكتوبر

[mahamedaraby]

بستمتع وبشعر بالسعاده لما اكون راكب مع حد او حد تانى هو اللى سايق لكن بضايق لما اكون انا اللى سايق من الشارع والناس واللى حواليا

[tahaderaz]

بستمتع وبشعر بالسعاده لما اكون راكب مع حد او حد تانى هو اللى سايق لكن بضايق لما اكون انا اللى سايق من الشارع والناس واللى حواليا

وهو ده نفس شعورى بفرح لما يكون معايا حد بيسوق واسيبه يسوق قصدى يدوق

[ashouhdy]

ببقى مبسوط جدا بالذات كل ماظبط فيها حاجة بفرح اكتر واحبها اكتر ... مبيعكننش عليا غير الله يخودهم السواقين الملاعين بتوع الميكروباصات والتاكسى !! ولو حاجة باظت ببقى متعكنن جدا لدرجة انى مش بروح او بروح شغلى غير لما اكون مرجعها تانى ذى الاول !!!

[omaroof]

اكيد ببقى مبسوط ومنتشى وفرحان

وماتستغربوش

السبب الوحيد هوا

انى عايش برة مصر هههههههههههه

[modo88]

اوقات اوقات
اوقات تحب العربيه ولو فيه زحمه تتقبلها واوقات مش ببقي راضي عن العربيه ولا الزحمه ولا راضي عن نفسي اساسا :(

[marsguy]

باكون سعيد وأنا سايق يوم الجمعه الصبح فقط

باحس بسلام نفسي وأنا سايق في الوقت ده

[Esam Mosaad]

حضرتك جى تهزر
اشعر بالسعاده تحت اى اساس
التكاتك ولا العربيات الترامكو ولا النص نقل ولا النقل
ولا الى بيعدوا الشارع ولا الزحمه

المفروض يبقى اسم الموضوع متى تشعر بالسعاده وانت سايق
وشكرا ياريس

[al_manara]

متى تشعر بالسعاده وانت سايق

[tahaderaz]

حضرتك جى تهزر
اشعر بالسعاده تحت اى اساس
التكاتك ولا العربيات الترامكو ولا النص نقل ولا النقل
ولا الى بيعدوا الشارع ولا الزحمه

المفروض يبقى اسم الموضوع متى تشعر بالسعاده وانت سايق
وشكرا ياريس

لا أنا مش جى أهزر وبعدين ماله الهزار مش برده حاجة تخفف عنا الضغوط وعلى فكره طلع ناس كتير بتشعر بالسعادة أثناء القيادة وشكرا على مشاركتك وعلى الاسم المقترح للموضوع فى أمان الله
على فكرة متى تشعر بالسعادة وأنت سايق ؟ الإجابة معروفة للجميع