طلب ونفسى حد يوصل صوتى

[tifa55555]

اخوانى
احنا تعبنا نفسيا من كتر الحوادث اللى بتحصل على الطريق الدولى بالاسكندريه طريق القبارى العجمى ك 21
وخصوصا من سيارات النقل التقيل والمقطورات لأن اللى بيحصل انهم بيعدوا السكه ويدخلو فى الاتجاه المعاكس بسرعه عاليه جدا نتيجة انهم بيكونوا نايمين او نتيجة شىء اخر الله اعلم بيه
المهم الموضوع ده بيتكرر كتير و لابد من حل كوضع حواجز خرسانيه على الجزيرة تمنع بمرور السيارات فى الاتجاه المعاكس
ووضع الرادار حيث انه لا يوجد رادار نهائيا على هذا الطريق منذ افتتاحه
عفانا الله واياكم

[MohssenRashed]

عندك حق بصراحه. و كمان طريق محور التعمير مليان مشاكل:

1- في مناطق كتير مظلمه.
2- مفيش اي رادار او لجان او شرطه عموما.
3- عربيات نقل الخشب محمله زياده عن اللزوم و تتقلب كل يوم.
4- طلعات و نزلات الكباري زفت و عربيات كتير بتعوم فيها.

انا بضم صوتي لصوتك.

[kimocyc]

يارب حد يسمع ...

[tifa55555]

النهارده كمثال حصل اللى احنا بنحذر منه والخبر موجود فى جريدة الشروق
http://www.akhbarak.net/article/2543531
وده الرابط بتاعه
الجرار دخل التجاه المعاكس وخبط الملاكى واخد الميكروباص تحته وكان الميكروباص محمل بالركاب
واحد صاحبى كان جاى من الطريق ومنهار من المنظر اللى شافه
والله كان بيحكى عن ناس تحولو الى قطع اللهم احفظنا جميعا
6 ماتو و8 مصابين
والله بمشى فى الطريق ده ودايما عينى على الناحيه التانيه وافضل اقول استر يا رب طول السكه
ربنا يسترها معانا جميعا
و ان شاء الله حفضل اتكلم ويا رب يوصل صوتنا
ونسمع اخبار كويسه وربنا قادر على كل شىء