إعـــــــلان

Collapse

.

,
See more
See less

تجربت شراء كاوتش من سمير بيومى اللى فى الدقى

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تجربت شراء كاوتش من سمير بيومى اللى فى الدقى

    الكاوتش عندى حالته كانت تعبت اوى بدأت ادور على كاوتش فى ظل الاسعار المرتفعة و لاقيت سمير بيومى اللى فى شارع التحرير بالدقى جمب جاد ارخص من السوق ب 50 جنيه الفرده طبعا معرفش المفاجأة فى توفيرى للمبلغ ده

    فرحت و اشتريت منه 4 فرد كاوتش هانكوك كورى مقاس r13 155/65 و يادوب بعد يومين على الطريق السريع فردة منهم فرقعت روحت لاتنين بتوع كاوتش متخصصين علشان ماظلمش الراجل قلت يمكن مسمار او حاجة قالولى ده عيب صناعة و حرام نصلح فيها حاجة و رجعها احسن للبائع و قالولى ده ضعف من جمب الكاوتش و شرخ من الجمب

    روحت و كان معايا الحاج و الحاجة ماحترمش اى حد و ان فيه ناس كبيره معايا و قعد يزعأ الأول و بعدين بدأ الناس تتلم عليا و هما قرايب فى بعض و لاقيت الايدين بدأت تطول و عاوزين يضربونى لولا ولاد الحلال بدأوا يخلصونى من ايديهم

    و قالى مش حارجع الفرده و مش عاجبك روح للتوكيل بتاعها قولتله طيب ادينى فاتورة بيع او بيان قالى لأ علشان انا مش بطلع اى حاجة من المحل علشان الضرايب قولتله طيب اروح للتوكيل بأى صفة و انا مش معايا فاتورة بيع من المكان اللى اشتريت منه و تاريخ الشراء لها قالى هوة كده اذا كان عاجبك

    مشيت و قولت :b4_611: حسبى الله و نعم الوكيل بس حابيت احكى الموضوع علشان باقى الاعضاء يستفيد منه و خصوصا احنا فى فترة كتير منا بيدور على الكاوتش الأرخص و المناسب للامكانيات

    و شكرا

    المهندس أحمد الحماحمى
    الكلمات الدلالية (Tags): الدقى, اللى, اللي, بيومى, بيومي, تجربة, تجربت, سمير, شراء, فى, كاوتش, من
  • #2
    ممكن جدا شكوتة فى الضرائب طالما مش راضى يديلك فاتورة بالبضاعة المباعة و ممكن تعمل محضر أثبات حالة أنة رافض يديلك فاتورة و تروح الى مكافحة التهرب الضريبى و تقدم شكوى و ترفق بها رقم محضر الشرطة الى عملتة لاثبات الحالة و تقدم شكوى فى المأمورية التابع لها و مكانها فى شارع وادى النيل و تقدم شكوى فى جهاز حماية المستهلك القصة بسيطة جدا من غير خناق و لا وجع دماغ حا يتظبط بعدها كويس جدا

    Comment

    • #3
      انا قدمت شكوى عبر البريد الالكترونى للابلاغ عن التهرب الضريبى لمصلحة الضرائب العامة و اتمنى يتم النظر ليها
      اما موضوع اروح القسم و اقدم بلاغ اعتقد انه صعب لأنى ماعنديش وقت لكل ده لظروف عملى و انا حابيت اكتب الموضوع ده و احكى التجربة علشان باقى الأعضاء يستفيدوا و شكرا

      Comment

      • #4
        بص بصراحة أنا اشتريت منه حاجات كتير .. بطارية و كاوتش ليه و لأخويا .. و مكدبش عليك أنا مبستريحلوش أوى .. بس هو أرخص سعر بلاقية .. فبشترى منه.

        دايما يقول لك الفردة ب 400 جنية مثلا و ليك انت ب 350 بالبلف و الترصيص .. حتى لو أول مرة يشوفك
        [CENTER][B]القران الكريم بجودة صوت عاليه جدا[/B]
        http://www.nilemotors.net/Nile/230790-a.html[/CENTER]

        Comment

        • #5
          لآ تروح تعمل المحضر و تقدم الشكوى يدويا علشان تصطادة صح لو عاوز تاخد حقك
          لو كان عفوا ضربك و عورك كنت حا تسكت أكيد لآ يا حا تضرب فية يا حا تعمل محضر و علشان يتم تقدير ضرائب محترمة علية و ما يتاخدش بالأقرار الى هو بيقدمة للضرائب و يتم فرض تقدير جزافى علية .
          أدب الرجالة فلوس يا باشا مش خناق.
          لو ثبت أنة بيتهرب ضريبيا العقوبة ممكن تكون حبس مش غرامة

          Comment

          • #6
            لا و ياريت الترصيص كويس ده بعد سرعة 100 لاقيت الدركسيون بيرعش و كنت اصلا رايح لواحد تانى يعيد الترصيص يعنى كده كده خسران و الغلط اننا دايما ندور على الرخيص مع ان ممكن الرخيص ده فى الاخر يكلفنا اغلى بكتير من الغالى
            بس انا غلطان كنت روحت لتوكيل محترم زى بريدج استون بتاع عمارات العبور و اشتريت منه كاوتش اغلى شوية بس أفضل و احسن و اريح دماغى و فى حالة اى شكوى الاقى ادارة محترمة بترد عليا مش ناس تتلم علشان تضربنى

            Comment

            • #7
              معلش، كلنا بنتعلم من أخطائنا. بس كتر خيرك أنك نبهتنا للموضوع ده علشان لو حد عاوز يجيب حاجة يروح يشتري من مكان محترم و ميعرضش نفسه للإهانة. خصوصا الناس اللي زي دول معظمها بتاعة سوق و ميفهموش غير أنهم ياخدوا فلوس و بس لكن ميعرفوش حق الناس.
              كلنا اتنصب علينا قبل كده للأسف علشان ثقافة الناس بقت إخطف و اجري.
              أنا بقيت بدور على الحاجة الأغلى و أشتريها علشان بعرف أني هريح دماغي خصوصا لو كانت أغلى لأن الخدمة أحسن.
              ربنا يعوضك و أنا رأيي أنك متسيبش حقك منه و تخليك إيجابي و تعمل محضر علشان بعد كده يفكر ألف مره قبل ما يمد إيده على زبون . و ربنا معاك.
              https://t.me/pump_upp

              Comment

              • #8
                متسيبش حقك !
                Ashraf_Ibrahim

                Comment

                • #9
                  متسبش حقك انت مش ضعيف و لا قليل متزعلش من كلامى اجرى و راء حقك و متسبيوش حتى لو مش علشانك فعلشان غيرك و علشان يكررش فعلته اللى ممكن تموت ناس دى تانى

                  المؤمن القوى خير و احب عند الله من المؤمن الضعيف
                  [B]بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ[/B]

                  Comment

                  • #10
                    المشاركة الأصلية كتبت بواسطة heshamzaky مشاهدة المشاركة
                    ممكن جدا شكوتة فى الضرائب طالما مش راضى يديلك فاتورة بالبضاعة المباعة و ممكن تعمل محضر أثبات حالة أنة رافض يديلك فاتورة و تروح الى مكافحة التهرب الضريبى و تقدم شكوى و ترفق بها رقم محضر الشرطة الى عملتة لاثبات الحالة و تقدم شكوى فى المأمورية التابع لها و مكانها فى شارع وادى النيل و تقدم شكوى فى جهاز حماية المستهلك القصة بسيطة جدا من غير خناق و لا وجع دماغ حا يتظبط بعدها كويس جدا

                    يااااه ربنا يديك و يدينا طولت العمر هههههههة
                    [CENTER]

                    [/CENTER]

                    Comment

                    • #11
                      المشاركة الأصلية كتبت بواسطة hamahmy مشاهدة المشاركة
                      انا قدمت شكوى عبر البريد الالكترونى للابلاغ عن التهرب الضريبى لمصلحة الضرائب العامة و اتمنى يتم النظر ليها
                      اما موضوع اروح القسم و اقدم بلاغ اعتقد انه صعب لأنى ماعنديش وقت لكل ده لظروف عملى و انا حابيت اكتب الموضوع ده و احكى التجربة علشان باقى الأعضاء يستفيدوا و شكرا
                      قريت موضوعك واتعاطفت معاك ولما قريت ردك دة بجد استفزيت واتنرفزت واتعصبت كمان
                      يعنى اية معندكش وقت تروح تاخد حقك دة حتة محضر فى القسم ومكالمة لجهاز حماية المستهلك مش حتاخد منك وقت اكتر من الوقت اللى اخدتة فى كتابة الموضوع دة
                      وبعدين يا اخى انت بتحذرنا من اية الاولى تحذر نفسك من التهاون مع اى معتدى ياخد حقك
                      كنت مستنى اية اكتر من انة كان ممكن يعتدى عليك بالضرب علشان تتحرك
                      طول ما احنا سلبيين كدة الافة دى والفئة دى من المجتمع حتفضل ترعى وفى الاخر نقول حسبى الله ونعم الوكيل
                      حسبى الله ونعم الوكيل فى اى وقت وضد اى حد ولكن لا تتخاذل فى المحاولة (فقط المحاولة ) فى اثبات حقك
                      اعذرنى اذا كانت لهجتى قاسية بعض الشىء ولكنى لو كنت مكانك لما كان الامر كذلك على الاطلاق قسما بالله لكنت شهرت بة فى كل مكان ونكلت بة اشد التنكيل لان دى فلوسى واللى يسرقها ويكون بجح كمان فى الوقت دة ميلومش غير نفسة
                      [sor2]http://img534.imageshack.us/img534/7595/resize63.jpg[/sor2]

                      Comment

                      • #12
                        المشاركة الأصلية كتبت بواسطة maka مشاهدة المشاركة
                        متسبش حقك انت مش ضعيف و لا قليل متزعلش من كلامى اجرى و راء حقك و متسبيوش حتى لو مش علشانك فعلشان غيرك و علشان يكررش فعلته اللى ممكن تموت ناس دى تانى

                        المؤمن القوى خير و احب عند الله من المؤمن الضعيف

                        بالظبط كده يا باشا


                        بس معنى جملة المؤمن القوي خير واحب عند الله من المؤمن الضعيف

                        مش ان المؤمن القوي بالعضلات او بالمعارف او بلطجه يا باشا

                        الجملة معانها ان المؤمن القوي ايماناًً خير واحب عند الله من المؤمن الضعيف ايماناً
                        [CENTER][aldl]http://i55.tinypic.com/34ig07p.jpg[/aldl] [/CENTER]
                        [CENTER][SIZE=3]facebook.com/kamatsh0[/SIZE][/CENTER]

                        Comment

                        • #13
                          والله ان رأى تتجنب المشاكل طالما الموضوع خسارة فلوس وتجربة فاشلة وخلاص (الا اذا مد ايدة دى تبقى حاجة تانية).
                          اعتر نفسك اتعلمت حاجة بثمن فردة عجل ومتخليش الموضوع ياخد اكبر من حجمة والعواقب تبقى مش ولابد وركز فى الشغل والله اهم مليون مرة.

                          اجعل اللة حسبك ووكيلك بس بعد كدة متدفعش فلوس فى حاجة غير لما تسال ... على راى المثل قيس 100 مرة وقص مرة.

                          ياريت بس تفكرو فى كلامى من جميع الزوايا.
                          مصطفى إسماعيل

                          mostafaismail سابقا

                          Comment

                          • #14
                            بصراحة انا مستغرب موقفك الخاص بان ما عندكش وقت

                            ايه يعنى ساعة ولا اتنين او يوم طالما بتسعى ورا حقك وتأديب

                            امثال الاخ ده يبقى جبت حقك وقمت بحماية غيرك ...
                            [RIGHT][FONT=Comic Sans MS][COLOR=navy][SIZE=2][B]Eng.Ahmed Ismail[/B][/SIZE][/COLOR][/FONT][/RIGHT]


                            [CENTER][FONT=Book Antiqua][SIZE=4][COLOR=blue]You Can't Never Ever to Keep a Nice Car [/COLOR][/SIZE][/FONT][FONT=Book Antiqua][SIZE=4][COLOR=blue]in [/COLOR][/SIZE][/FONT][FONT=Book Antiqua][SIZE=4][COLOR=blue]This Country....!!! :_Alshmokh08[1]: S.O.S
                            [/COLOR][/SIZE][/FONT][CENTER][sor2]http://www.wasit.net/alrowad/images/hit.gif[/sor2]

                            [/CENTER]
                            [/CENTER]
                            [CENTER][URL="http://www.nilemotors.net/Nile/55709-a.html"][SIZE=5][COLOR=seagreen]كل شيء عن السيراتو[/COLOR][/SIZE][/URL]

                            [CENTER] _______________[B]
                            [COLOR=Blue][B][SIZE=2]اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..[/SIZE][/B][/COLOR][/B]

                            [B][COLOR=Blue][B][SIZE=2] اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..[/SIZE][/B][/COLOR][/B]
                            [/CENTER]
                            [B][COLOR=Blue][B][SIZE=2]
                            اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك[/SIZE][/B][/COLOR][/B]

                            _______[COLOR=Blue]_______________
                            [/COLOR][shfaf2]http://www7.0zz0.com/2011/11/29/23/575740455.gif[/shfaf2] [/CENTER]

                            Comment

                            • #15
                              الحل تروح تعمله محضر غش تجاري

                              بيعمل شغل جامد جداً

                              ويا سلام لو قمت بطلب تحريز فردة الكوتش كعينة وتثبت في المحضر وترفق صورها مثلاً (إسأل محامي إزاي تخللي المحضر قوي)

                              أحسن تصرف
                              -
                              [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                              [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                              Comment

                              السابق 1 2 template التالي
                              Working...
                              X