4 runner - وبدايه تصنيع تويوتا فى مصر

[الغزالى]

وقعت شركة تويوتا العالميه العقد مع شركة تويوتا مصر الاسبوع الى الماضى
وهايتم التصينع فى مصانع الشركة المصريه الامريكيه لصناعه السيارات avv
وهاتكون بدايه تويوتا المصنعه فى مصر مع العريبه ال 4 runner

نبذة تاريخية بسيطة عن العربيه
هيا بدأ انتاجها فى عام 84 وباعت لحد دلوقتى من خلال اربع اجيال للعريبه ما يفوق ال 1.5 مليون عريبه فى جميع انحاء العالم
وحاليا دة الجيل الخامس منها
نيجى للناحيه الميكانيكه او الفنيه للعريبه
العريبه بتنزل بماتور 4.0 لتر v6










دى شويه معلومات بسطة جدا عن عريبه تويوتا الجديدة فى مصر
ولكن هل تتوقعوا لها النجاح ؟
هل سايكون سعرها هايكون تنافسى خصوصا وانها هاتتنصع بالكامل فى مصر ؟

[horas3000]

مساء الفل يا غزالي باشا
اعتقد و الله اعلم يا زعيم ان اللي هتتجمع في مصر الفورتيونر مش الفور رانر لان الفور رانر حكر علي الاسواق الامريكيه فقط

[الغزالى]

مساء الفل يا غزالي باشا
اعتقد و الله اعلم يا زعيم ان اللي هتتجمع في مصر الفورتيونر مش الفور رانر لان الفور رانر حكر علي الاسواق الامريكيه فقط

ماشاء الفل يا مستر شريف تصدق انت صح وانا غلط ,,, هابعت للمشرف

[MaZaGAngeE]

ممتاز
امتى بقى هتنزل السوق ؟
هل هتكون بنفس سعر الشيروكي ؟
هيه الضريبة مش هتتعدل بقى ؟ عايز اركب حاجة زي دي من غير ما ارخصها اوتوبيس

[tifalol]

طب مش كده يبقى عليه العوض في العربيه دي ولا ايه ؟؟

[horas3000]

ماشاء الفل يا مستر شريف تصدق انت صح وانا غلط ,,, هابعت للمشرف

و لا يهمك يا باشا
ظبط انت معلومات عنها و حطها للمشرف يستخدمها

طب مش كده يبقى عليه العوض في العربيه دي ولا ايه ؟؟

مش قوي يا زعيم
الفورتيونر كده كده عربيه درجه تانيه من تويوتا مش زي البرادو مثلا
و هي مبنيه علي شاشيه الهايلوكس النص نقل
و اصلا كانت بتتصنع في تايلاند بس بعدين تويوتا قررت تصدرها لبعض بلدان العالم التالت كنوع من انواع السيطره علي السوق

[Scuderia.M]

لو نزلت بسعر كويس ممكن تعمل مبيعات كويسة, بس ماظنش إن تويوتا هتعمل كده, إذا كان منزلين الياريس بـ 124 ألف

[Ashraf_Ibrahim]

الياريس بقت 1500 سي سي يا عزيزي مش 1300 زي زمان فلازم يزودوها طبعا

*اعتقد انها هتنزل بسعر تنافسي جدا والا يبقا هيصنعوها هنا ليه !؟

[party_0000]

ياجماعه العربيه دي فاشله بكل المقاييس
انا كانت معايا 2008 - 2700 سي سي - اوتو 4x2 العربيه تقيله على الموتور ده اولا
مفيش ثبات علشان العلو المبالغ فيه
العفشه زباله الزباله
تقفيل من جوه ضايع ومفهوش اي شياكه تحس انك راكب هايلكس فعلا
بعتها بعد ماكرهتها
وغير كدا عندها قابليه رائعه للقلب يعني انها تتقلب اي شويه هوا يلعبوا بيها البخت
العربيه دي لو نزلت مصر هتنجح للاسف اللي خلا الناس تشتري الماهيندرا والتانيه الفاشله اللي زيها مش فاكر اسمها ايه !!

[الغزالى]

ممتاز
امتى بقى هتنزل السوق ؟
هل هتكون بنفس سعر الشيروكي ؟
هيه الضريبة مش هتتعدل بقى ؟ عايز اركب حاجة زي دي من غير ما ارخصها اوتوبيس

حقيقى معنديش علم او لسه مفيش اخبار بس ممكن العريبه تنزل على شهر سبتمر فى اتوماك وسعرها زى الشيروكوى ولا لاء الله اعلم بس نتمنى

لو نزلت بسعر كويس ممكن تعمل مبيعات كويسة, بس ماظنش إن تويوتا هتعمل كده, إذا كان منزلين الياريس بـ 124 ألف

لسه مفيش معلومات عن السعر بس افتكر هاتعدى ال 350 الف وممكن ال 400 كمان

ياجماعه العربيه دي فاشله بكل المقاييس
انا كانت معايا 2008 - 2700 سي سي - اوتو 4x2 العربيه تقيله على الموتور ده اولا
مفيش ثبات علشان العلو المبالغ فيه
العفشه زباله الزباله
تقفيل من جوه ضايع ومفهوش اي شياكه تحس انك راكب هايلكس فعلا
بعتها بعد ماكرهتها
وغير كدا عندها قابليه رائعه للقلب يعني انها تتقلب اي شويه هوا يلعبوا بيها البخت
العربيه دي لو نزلت مصر هتنجح للاسف اللي خلا الناس تشتري الماهيندرا والتانيه الفاشله اللي زيها مش فاكر اسمها ايه !!

هوا المفروض يا party _00000 ان دة الجيل الخامس منها بتعديلات كتير جدا فيه , دة الى هاينزل فى مصر حسب الكلام الى على موقع تويوتا ايجبت ,,, بس انا بحس ان البرادو هيا الى عامله زى النص نقل بالذات فى صوت ماتورها

[الغزالى]

و لا يهمك يا باشا
ظبط انت معلومات عنها و حطها للمشرف يستخدمها

بعت

[الغزالى]

وادى العريبه على موقع تويوتا مصر
Toyota - Fortuner

[myself112]

ربنا يكرم و تنزل بس بسعر كويس بما انها هتتصنع بالكامل فى مصر , يعنى المفروض يعقلوا كده و يسعروها صح .

[MaZaGAngeE]

350 ولا 400 يبقوا بيهرجوا..................
أنا أروح أجيب هايلوكس 4*4 دوبل كابينة و أركبلها الصندوق الفايبر و أحلى جنط في كي يا بلد و كل ده 180 ألف بس و هاخد موتور جبار 2800 سي سي ديزل ....
و خلي بالك انها نفس العربية دي بالظبط ................
لو عايزين يبيعوا كويس لازم ينزل تحت 245 بتاعة الرانجلر عشان يقدر ينافس ... و متنسوش ان تجربة شيفورليه فشلت مع فرونتيرا اللي هيه نفس الفكرة بالظبط ...

[MaZaGAngeE]

و دي صور ليها :