إعـــــــلان

Collapse

.

,
See more
See less

تجربتى مع السيفيك ورأى فى الكورولا :

Collapse
X
 
  • Filter
  • الوقت
  • Show
Clear All
new posts

  • تجربتى مع السيفيك ورأى فى الكورولا :

    السلام عليكم اولا اشكركم لانى يوم لما اشتريت السيفيك اخدت رأى الناس الجميلة اللى هنا وهمة الصراحة افيدونى كتير جدا..........القصة تبدأ
    كنت عايز اشترى عربية محترمة فى حدود 150 الف لاتزيد والصراحة كان نفسى اشترى الاوكتافيا بس سعرها كان عالى علية شوية بسعر 170 الف وانا اساسا جمعت ال150 بالعافية المهم وبعد المشاورة والمداولة ولف ودوران لقيت ان الانسبلى سيفيك وكورولا ولانسر الشكل الجديد
    الكورولا طبعا ومازلت بحترم السيارة دة لاسباب عديدة محترمة شكلا وموضوعا موتور عالى الاعتمادية سعر اعادة بيع لايعلى علية وعالية شوية عن الارض ومناسبة لشوارع بلدنا وسيبك من اللى يقولك 15 سم خلوص والكلام دة العربية فعلا اعلى من كدة بكتير ومريحة فى المطبات
    الانسر عربية محترمة بردك ولكن فى رأى بدون دخول فى تفاصيل انهاظاهرة مصرية فقط لاغير.......غير ان الموتور ال 1500 مهما كانت تكنولوجيتة مع مرور الوقت هتظهر عيوبة لان موتور1500 على البودى دة ما ينفعش وخدو بالكم من كلامى مش بتكلم على التسارع ولا الاستهلاك ولكن بتكلم عن فترة عمر الموتور.........
    السيفيك عربية جامدة بجيع المقايس رياضية شكل جديد اداء افضل من الباقى ولكن ليس بكتير يعنى فى الاخر همة كلهم يابانى وقايمين على تكنولوجية واحدة....المهم قالوا الناس ان قطع الغيار قريبة من التويتا وان العربية مش واطية ولا حاجة .......
    كان عندى مشكلة ايضا ان ابنى الكبير مش بيعرف يسوق خالص وكنت عايز اعلمة السواقة وفضلت محتار فترة اجيبلة مستعمل ولا اعلمة عليها....بس غصبعنى علشان مش معايا اجيبلة مستعمل علمتة فى مدرسة سواقة لمدة طويلة شوية والحمد لله بيسوق احسن منى دلوقتى
    وبعد تجربة السيارة لمدة شهر ونصف تقريبا اليكم الاتى:
    اولا السيارة فعلا رياضية الى ابعد الحدود قصة الشكل الخارجى اللى كنت مبهور بيهادة راحت بعد اسبوع ولا اتنين وشكل الكورولا اللى مكنش عاجبنى اصبح عادى بالنسبالى ويمكن كويس كمان
    المهم بالنسبة لموضوع انها واطية ولا مش واطية دة اولا العربية واطية جدا بالنسبة للكورولا واللانسر وانا فخور ان مفيش يوم نزلت بية بالعربية الا وباكل مطب ولا اتنين انا ساكن فى زايد وشغلى فى اكتوبر ومدارس ولادى فى اكتوبر والمطبات عندنا جبال المهم كنت كل ما اخد مطب قلبى بيتقطع من جوة......روحت رفعت العربية فى بنزينة اولا العربية مش مصفحة ولا حاجة هوة الموتور بس اللى مصفح وعلبة الكمان عاجبنى اوى انها داخلى فى تجويف كدة لجوة بعيد عن المطبات ....وفى قايمان باطول همة اللى بيكلوا المطبات لقيتهم عندى متجرحين من تحت بس الخوف بقى ان العربية تتعلق على المطب ودة ممك يحصل لو المطب عالى شوية
    المهم قولت مش مشكلة صوت المطبات كفاية انها سيفيك
    وابنى الى كنت خايف من سواقتة الحمد لله كان بيسوق احسن منى لكن من حوالى 10 ايام كنت فى اكتوبر وللى ما يعرفش اكتوبر فيها اختراع اسمة المخصوص عبارة عن عربيات ربع نقل سايقنها عيال 15 او 20 سنة ودة منتشرة اوى كبديل للتاكسى المهم وانا ماشى فى امان الله وبلف بالعربية فى ملف والاقيلك واحد منهم لبس فى جنب العربية الامامىطبعا كل اللى عملتة نزلت كلت الواد المين وفضلت اضرب فية من غيظى واتصلت بابنى جالى فى نص ساعة كمل ضرب فى الواد وودناة الاسم وفى النهاية سبناة وقولنا كفاية الضرب اللى ضربنهولة
    وجت امفاجأة التانية وهية تصليح العربية فى التوكيل واسعار قطع الغيار :
    اولا العربية الفانوس الامامى اليمين ونص الاكصدام الامامى اليمين والفوج لايت والرفرف اليمين والمقص كل دول اتدمروا ولازم هيتغيروا
    روحت التوكيل واتعمل احصاء بسعر هذة القطع واسعار تركيبها ومصنعيتها واتكلف المبلغ الاجمالى عارفين كااااااااااااااااااااااااااااااام:
    6475 الف جنية فقط لاغير ............بس الحمد لله على اية حال.................ززبس فى نهاية التجربة بسأل نفسى سؤال
    هوة انا لية مصبرتش شوية لحد ما تجيلى فلوس ولاكنت حتى قسط الباقى وجبت اوكتافيا اللى للعلم اقوى وافضل منهم كلهم وقطع غيارها زى الكورولا بالظبط وعندكم التوكيل اسألوا
    ولية ماسمعتش كلام واحد زى ابو عبد الله واشتريت الكورولا الجديدة حتى ياناس لو فوانيسها الخلفية وحشة بس عربية محترمة ولو كانت اتخبطت زى السيفيك بالكتير كانت هتصرف 3 الاف .......وكنت ريحت دماغى من المطبات والحك والقرف وشوية اخد مطب بالجنب وشوية بالطول لحد ماقرفت......انا طبعا مش بقول ان السيفيك وحشة بالعكس دة افضل من الكورولا والانسر بس الصراحة مش فى بلد المطبات ومش مع توكيل زى الفطيم............................................ ............ولو رجعت بالزمن 3 شهور كنت هشترى الكورولا ....................
    او معشوقتى وافضلهم على الاطلاق اوكتافيا a5 ......نسيت اقولكم انى عارض عربيتى للبيع واعلى سعر جالى فيها 135 الف وكمان محدش يعرف موضوع الحادثة مش حرام بجد ........دكتور عزت(ابو احمد)

  • #2
    هون عليك يا أخي الفاضل ...قدر الله و ما شاء فعل .....كلمة "لو" تفتح عمل الشيطان .......حاول تفكر من الجانب الاخر ما يمكن الأوكتافيا كان ممكن تعمل فيها حادثة أوحش لا قدر الله و ربنا هداك للسيفيك ....و زاي ما حضرتك قلت الهوندا ماركة محترمة برضه ......ربنا يوفقك
    على فكرة بناء على تجربة شخصية تصليح الحوادث بره التوكيل أفضل
    [CENTER] [/CENTER]

    Comment


    • #3
      طبعا توكيل الهوندا ولعة بس ماتنساش انك راكب عربية محترمة جدا جدا و خصوصا الموتور بتاعها
      hoko_mosha سابقا

      Comment


      • #4
        الله يكون في عونك ويصبرك وترجع العربية زي ما كانت بس دي حاجة ممكن تحصل لك في اي عربية مش شرط السيفيك بس


        مع احترامي بس حضرتك محسسني ان مع حضرتك جهاز مش موجود مع حد تاني وقاس ان دخلة العربية النقل دي هتكون اخف في عربيات تانية


        واحب اقول لحضرتك العربية بتكون فيها ٤ افراد و الحمد لله محكتش مني وغير مرتين تلاتة في مطبات تحك فيها جيب ونفس المطب لو خدته بسرعة معينة طبعا هتحك

        انا مدافعش عن العربية بس بحب لاني مسميش هشام الفطيم بس بحب الناس تاخد الموضوع بمنطقية شوية لان اشاعات ممكن تأثر علي سمعة عربية انا ممكن في اي وقت اكون محتاج ابيعها واسمع كلام بصراحة غير مطابق للعربية دي علشان شوية اعتقادات خاطئة


        وياريت حد يعملنا مقارنة مع توكيلات تانية بصراحة اصلي حاسس ان
        الفانوس الامامى اليمين ونص الاكصدام الامامى اليمين والفوج لايت والرفرف اليمين والمقص
        بـــــ ٦٧٤٥ جنيه دا سعر معقول بالنسبة للتوكيل
        [img2]http://i34.tinypic.com/63zo6s.jpg[/img2]

        Comment


        • #5
          مقارنة الحادثة دى بالرينو ميجان

          فانوس أمامى ----------------- 935.00 جم
          إكصدام أمامى كامل ------------- 2640.00 جم
          رفرف أمامى ------------------ 850.00 جم
          فوج لايت -------------------- 550.00 جم
          مقص ----------------------- 800.00 جم

          الإجمالى 5775.00 جم من غير مصنعية مع العلم إنى حطيت فى الميجان سعر الإكصدام الكامل لإنى معرفش بيتباع بالنصف و لا لأ

          انا شايف إن أسعارها معقولة بالنسبة لفئتها يعنى هى فى فئة معظم أسعار قطع غيارها عالية

          أنا معاك فى حتة إن كل شوية المطبات تحك فى العربية دى مزعجة قوى و تقلقك على السيارة
          لكن أنا ليه سؤال لحضرتك هو إنت عرفت منين إن الكرولا لو كانت إتخبطت كانت حتكلفك فقط 3000.00 جم ؟؟

          سؤال أخير هل حضرتك تقصد إنها أعلى سعر جالك فيها 135000 جم إن سعر إعادة بيع السيفيك مش عالى ؟

          Comment


          • #6
            على فكره يا استاذ احمد انا شايف ان حضرتك متحامل على العربيه اوى و على فكره انا عاوز اقول لحضرتك حاجه ان الفطيم من اكتر التوكيلات المحترمه فى مصر و ان السيفيك الجديده لو كانت فاشله ما كنتش انتشرت بالطريقه الفظيعه ديه وان التكلفه اللى حضرتك بتقول عليها ديه تكلفه معقوله بالنسبه لعربيه فى الفئه السعريه بتاعت السيفيك واى عربيه لما بتكون لسه موديل جديد بتكون قطع غيارها غاليه بس بعد كده بتهدى شويه وكفايه انك لما تروحلهم تقولهم على قطع غيار فى التوكيل تلاقيها عندهم مش يقولولك استنى لما نجيبلك على فكره الكلام اللى بقوله لحضرتك ده عن تجربه كله لأن والدى بيعشق حاجه اسمها سيفيك و جاب منها اغلب الموديلات و اخرهم 2007 معانا من شهر 9 و الصراحه عربيه تحفه و مش بتحك كتييير
            [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
            [/CENTER]

            Comment


            • #7

              أستاذ أحمد أولاً و قبل كل شئ قدر الله و ما شاء فعل "مَا أَصَابَ مِن مُّصِيبَةٍ إِلَّا بِإِذْنِ اللَّهِ وَمَن يُؤْمِن بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ" - التغابن 11.

              ثانياً بالنسبة لتكاليف الحادثة فأنا مش شايف انها مبالغ فيها ... أنا لى قريب كان عمل حادثة بعربية الانترا 2006 غير اكصدام أمامى و شبكة و مقص و طبلية و رش كبوت و كل الكلام دة عمله برة التوكيل (بس قطع الغيار كانت أصلى) و اتكلفت 8500 جنيه و كمان الراجل كان عامل معاه واجب عشان معرفة ...

              ثالثاً سعر اعادة البيع نازل عن سعر التوكيل 5000 فقط و أنا شايف ان كدة مش وحش خالص ... أنا لى جار كان معاه لانسر 1600 أتوماتيك و باعها بعد سنة و خسر فيها 30 ألف و العربية كانت كالزيرو و مفيهاش أى مشاكل (بس هو وقت البيع كانت العربية رخيصة مش بأسعار اليومين دول خالص) ...

              رأيى حضرتك تبيعها و تشترى كورولا طالما عاجبة حضرتك و لكن أبشر حضرتك ان و الله الخسائر دى بسيطة جداً بفضل الله و رحمته و أهم حاجة ان حضرتك لم تصب بشئ و دى و الله لوحدها بتمن العربية كله و حمداً لله على سلامتك.
              الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

              Comment


              • #8
                ]الناس قالت الكلام اللى انا عايز اقوله ... عموما قدر الله وما شاء فعل والمشكلة فعلا مش فى السيفيك ولكن المشكلة فى الحادثة اللى كانت ممكن تحصل للكورولا او الأوكتافيا ...
                لو هاتبيع العربية يبقى لازم اللى يشتريها يعرف موضوع الحادثة وال هاتكون بتغشه ..
                ولية ماسمعتش كلام واحد زى ابو عبد الله واشتريت الكورولا الجديدة
                على فكرة انا سمعت كلام ابو عبدالله واشتريت سيريون .. بس لو انا مكانك ماكنتش هاسمع كلامه وكنت طبعا هاجيب السيفيك

                Comment


                • #9
                  هو حضرتك العربية واطية اه انا معاك في دي بس هي ممتازة موضوع الحادثة ده التوكيل غالي بس انا لو مكانك هسيب التوكيل ايه يعني قطع الغيار موجودة في كل حتة و التكاليف هتبقي حوالي اربع مثلا او ازيد حاجة بسيطة يعني انا مثلا لو اللي حصلك ده حصلي كنت هعمل الاتي الاكصدام كنت هعمل اكصدام فيبر جديد عند حربي في المريوطية و ارمي المدمر تماما الفوج و الفانوس هجيبهم عادي و السمكرة و الدوكو يتعملوا برا عادي جدا و هكبر للتوكيل لانه دبح فعلا حرام يعني بس عموما ربنا يعوض عليك












                  Ibiiiiiiiiiiiiiiiiiiiiiiiiiiiiiizzzzzzzzzzzzzzzzzz aaaaaaaaaaaaaaaaaaaaa For Ever

                  Comment


                  • #10
                    هو لو انت كنت مأمن عليها مكنتش هتدفع ولا نكلة ؟
                    [CENTER][URL="http://www.youtube.com/watch?v=Y7lCM9ElUqQ"]Speeding. No one thinks big of you I[/URL]
                    [URL="http://www.youtube.com/watch?v=yt823zEGyMY"]Speeding. No one thinks big of you II[/URL][/CENTER]

                    Comment


                    • #11
                      الواحد برضه مش بيجيله قلب يعمل حاجة برة التوكيل و يسمكر و كده لو العربية زيرو..
                      مش بيهون عليه..
                      اما فيما يخص موضوع قطع الغيار بعد الحادثة.. مش كتير خالص..
                      يعني صاحبي معاه ياريس.. هيغير بابين و يصلح العتبة.. و يرش.. التكلفة هتكون 8 الاف جنيه..
                      بيتهيألي ان كل اللي سعاتك غيرته ده مش كتير خالص.. بالعكس لو كرولا كان هيبقي اكتر من كده..
                      والخلاصة انه واضح ان سعاتك مكنتش مقتنع قوي بالعربية لما اشتريتها..
                      عموما نصيحة بقي لما تيجي تشتري حاجة تانية لما تبيع اللي معاك..
                      تشتري الاوكتافيا علي طول بقي عشان تبقي مرتاح نفسيا..
                      عشان لو مرتاح نفسيا مش هتفكر او تحس بعيوب اي عربية.. خليك في اللي انت مرتاحله..
                      و ربنا يوفقك في بيعها و يرزقك و تجيب الجديدة ان شاء الله..
                      سبحانك اللهم ربنا و بحمدك.. اشهد الا اله الا انت..استغفرك و اتوب اليك..

                      Comment


                      • #12
                        قدر الله وما شاء فعل.. بإذن الله أول ما تبيع السيفيك تجيب الأوكتافيا عشان تكون راكب عربية راضي عنها

                        وربنا يحسن لك بيع السيفيك ويبارك للي هايشتريها.. بس ضروري تعرفه بموضوع الحادثة.. دي أمانة.. عشان ربنا يباركلك إن شاء الله
                        [SIZE="4"][COLOR="Blue"]Goodle[/COLOR][/SIZE]

                        [SIZE="4"][COLOR="Blue"]محمد عبد الجواد[/COLOR][/SIZE]

                        [COLOR="SeaGreen"][SIZE="5"]موضوع الساعة: الفن المسماري- حقائق تاريخية - متجدد[/SIZE]
                        [url]http://www.nilemotors.com/Nile/showthread.php?t=29892[/url][/COLOR]


                        [CENTER][SIZE="4"]مصر يامّة يا سفينة :)
                        شكلك كده.. هاتغرقينا :)[/SIZE][/CENTER]

                        Comment


                        • #13
                          مش عارف يا جماعة في ناس كتير بتدي للعربية أكتر من حقها المفروض بكتير

                          السيفيك عربية عادية جداً ويمكن أقل من العادية كمان. الشباب بس هما اللي عاملين عليها هالة كده كأنها لمبروجيني :) وللعلم بقى موضوع ١٤٠ حصان دة في شينك والتسارع بتاعها عادي زيها زي أي عربية ياباني تانية

                          فراملها وحشة جداً وكمان واطية فعلاً بغباء ومفيهاش أي نوع من ال Option المحترم على سعر زي ١٤٣ ألف جنيه دي مفيهاش سماعات ورا !! ولا حتى جنط !!

                          وأقول على حاجة كمان شكلها وحش جداً يمكن ال-Face الامامي شكله جذاب لكن التصميم الخلفي من بعد الكبوت سيء جداً حاسس انها لفت بك ومضروبة على قفاها

                          أسعار قطع غيار الهوندا طول عمرها غالية دة مش جديد وللعلم مش في مصر بس في دول كتير كمان .

                          كلمة حق بس علشان التوضيح
                          كفاية تهويل بقى علشان محدش ينخدع في عربية تاني
                          سيفك مش طياره دي أقل من العادية حتى بدون Options

                          Thanks
                          Eng.Sherif Shaker
                          [COLOR=orange]1Turbo , 2 liters, 3 Diamonds and 4 Cylinders = 400 Hp Evo[/COLOR]
                          [RIGHT][COLOR=orange][SIZE=4][COLOR=#0000ff][URL]http://www.shbab1.com/2minutes.htm[/URL][/COLOR][/SIZE][/COLOR][/RIGHT]
                          [SIZE=6][COLOR=black]سبحان الله وبحمده سبحان الله العظيم [/COLOR][/SIZE]
                          [SIGPIC][/SIGPIC]

                          Comment


                          • #14
                            انا نصيحتي مش حينفعك غير 4*4
                            انا عن نفسي عاجبني تيريوس Glx فل اوبشن ب 140الف ومعقوله ..
                            وعندي سيفيك وحااابب استفيد من خبرتك في عرضها لو امكن .. على الخاص او هنا
                            تقبل كل التقدير والاحترااااام ..
                            [U][COLOR=darkred]عمرك شوفت حكومه لابده للشعب في الذره !!![/COLOR][/U]

                            Comment


                            • #15
                              شكرا يا جماعة على ردكم ولكن

                              انا عايز اقول انى مش متحامل والله على السيفيك ولا حاجة انا بتكلم فى واقع عملى
                              اولا انا قولت قبل كدة انا اليابانى اغلبة زى بعضة وكل عربية ليها مميزات وعيوب وان كانت السيفيك ولا الكورولا فالاتنين يابانى نفس الفئة والتكنولوجية قريبة من بعضها ومش فارقين والله كتير ومش معنى كدة انى بقول ان الكورولا احسن او السيفيك احسن فمثلا:
                              الكورولا:شكل مش بطال.....فتيس وموتور جديد عالى الاعتمادية ....تقفيل كويس حتى لو جنوب افريقى وبمناسبة التقفيل الجنوب افريقى :على فكرة المصنع دة العربيات بتتقفل بالروبوت ومفيش غير موضوع الدهانات بس اللى بتم بالايدى البشرية وضيفوا لمعلوماتكم ان الكورولا بعد 5 سنين هتبقى فى العالم كلة تقفيل برة اليابان علشان تقليل التكلفة والمحافظة على الجودة كمان بس الفكرة هية خطة عمالها الشركة علشان تقدر تحافظ على عملائها بمعنى ان الشعب المصرى وشوية دول كمان حصتهم من استهلاك الكورولا اقل بكثير من دول الخليج غير كدة الشعب المصرى بيفهم وبيشوف بعنية كويس وبيعرف يفرق بين التقفيل الكويس والوحش وعلشان بردك الشركة الام ما تزعلش المصريين نزلتلهم موتور وفتيس جديد واكتفت انها تغير الشكل بس لدول الخليج والدول الاوربية الكبيرة وعلشان همة عارفين ان العربية الجنوب افريقى هتثبت نفسها بعد كدة ينزلوها لدول الخليج..ودة سياسة لازم نحترم عليها الشركة وخافوا يبدئوا بدول الخليج اللى الصراحة يفتقدون التمحيص والتدقيق لرخص العربيات عندهم وكثرتها لعدم وجود الجمارك .....وفى النهاية تويتا لن تستطيع ان تهدم كل نجاحتها علشان عربية واحدة خاصتا لو كانت كورولا........سعر اعادة بيع عالية ويمكن تكسب فيها........................................اما عن قطع غيار كورولا الجديدة والتى مازالت غير موجودة بوفرة فى التوكيل بس بالظبط بعد 6 شهور هتلاقوها مغرقة الحرفين وكل حتة بيتباع فيها قطع غيار وشوفوا بنفسكم فرق توافر قطع الغيار لكورولا والسيفيك الموديلات القديمة
                              السيفيك :احسنهم شكلا واروعهم ادائا ومتعة سواقة وقاعدة برستيج مفيش احسن منها والله........بس قطع الغيار جوة التوكيل غالية حبتين عن كورولا بس الكورولا هعرف اشتريلها قطع اصلية من برة بنص تمنها لكن السيفيك شعب شوية.......كمان سعر اعادة البيع للسيفيك فى اول 5 سنين ضعيف وتخسر كتير ......وللعلم الناس اللى اشتروا الكورولا فى الاول كسبوا فيها دلوقت وهيركبوها 10 سنين وهيبيعوها زى ما اشتروها والايام بيننا...................
                              انا لست متحيز لاى منهم لانى كما قلت انى اساسا مش هموت على واحدة منهم بس بقول ان الكورولا اكثرهم عملية فى مصر واكررها فى مصر فقط
                              علشان قطع الغيار واعادة البيع وشكلها مش وحش
                              وعلى فكرة بعد الحادثة وتصليح العربية اتصلت بأغلب وكلاء السيارات فى نفس الفئة السعرية وكلمت مراكز قطع الغيار وعملت نفسى شارى عربيتهم
                              وطلبت منهم اسعار قطع الغيار اللى اتغيرت فى عربيتى بس طبعا من غير تكلفة المصنعية
                              طبعا اولا كلهم قالولى ان دة اسعار القطع شاملة الضريبة بس للورشة مش للبيع للجمهور وكان الاتى
                              اوبل فيكترا اتكلف الاجمالى 9540 الف جنية ..........الاكصدام كان تقريبا ب 2255 والفانوس 1600 والعلامة بالنيكل 800
                              اوبل استرا 8400 الاكصدام حوالى 2150 الفانوس 1350 العلامة 600
                              تويوتا كرولا الشكل القديم 2850 تقريبا
                              الانسر الشكل القديم 3200 تقريبا
                              الاوكتافيا 3480 الاكصدام ب 800 والفانوس 850 والعلامة بالنيكل 86
                              السيفيك 5900 من غير المصنعيات والتركيب...............
                              وفى النهاية قدر الله وماشاء فعل وانا لست متحيز لعربية عن الاخرى والدليل انى ان شاء الله ان رزقنى الله هجيب اوكتافيا وفى رأى تتميز عنهم بالاتى
                              الفرق السعرى بينهم 20 الف كان زمان كبير لما الكورولا كانت ب 130 لكن لما تبقى الكورولا ب147 والفول ب170 والسيفيك ب153 وانا بتكلم عن الاستلام الفورى لان مفيش حد عندة استعداد يستلم بعد 6 شهور كورولا او 3 سيفيك ما ادفع 170 واستلم اوكتافيا فى ساعتها ولا بعد يومين
                              غير كدة ال 20 الف الفرق هشترى بيهم شكل افخم ورزين وصاج بمعامل التواء اقوى بمراحل عربية تقيلة وثابتة على الارض موتور وعفشة المانى
                              قطع غيار قريبة جدا من الكورولا والانسر سعر البيع مش حلو اوى بس مش هفكر ان شاء الله ابيعها......وفى النهاية اود ان اعطى نصيحة بسيطة:
                              لاتوجد فى الدنيا سيارة بها كل حاجة .....ولما تلاقى نفسك محتار فى 3 ولا 4 عربيات بنفس السعرمع اختلاف بلد الصنع صدقنى والله الفرق بينهم مش هيبقى كبير يعنى لو مثلا عندنا مثلا تيريوس وكورولا ولا سيفيك الفرق بينهم مش كبير وتقريبا نفس التكنولوجيا وان اختلفت فالاختلاف هيتعوض فى حاجات تانية يعنى لو واحدة احسن شوية فى الشكل والثبات هتلاقى التانية ارخص فى قطع الغيار والبيع والفاصل هنا ليس رأى الناس لان للأسف اغلب شعبنا هنا يتأثر بالاعلانات والابها ويبتعد بتفكيرة عن الواقعية واما الفاصل هوة من سيشترى السيارة لان السيارة التى ستقتنع بيها ستحبها وتحيك نعم ستصبح العلاقة بينكم حميمة لدرجة تجعلك تحافظ عليها وتعيش معاك اطول ......والدوام لله وحدة........اسف على الاطالة
                              ......................اخوكم فى الله.............................................. ........عزت

                              Comment

                              Working...
                              X