اخدت مخالفه امبارح

[mrghost]

السلام عليكم ورحمة الله وبركاته
امبارح كنت قاعد على كافيتريا السوايسه فى الكوربه بمصر الجديده وراكن العربيه عمودى على الرصيف زى ماكل الناس راكنه بس كان فيه يافطه مكتوب عليها الانتظار موازى وانا طبعا ركنت زى الناس كلها
المهم لاقيت واحد جاى يقولى عربيتك خدت مخالفه رحت لامين الشرطه قولتله العربيات راكنه كلها عمودى ويادوب المكان ياخد عربيه واحده قالى اليافطه مكتوب عليها موازى طيب ياعم المخالفه دى بكام؟ قالى دى حسب وكيل نيابة المرور؟ محدش يعرف المخالفه دى بكام لو سمحتوا؟

[beshomilan]

اعتقد من 100 ل 300

[ashouhdy]

25جنية

[Ashraf_Ibrahim]

الركن في الممنوع ب 40 جنيه
ودي مش ركن في الممنوع
ممكن يعملها عدم اتباع علامات المرور ودي قيمتها 50 جنيه
وممكن تكون اقل
بس معتقدش تكون اكتر خالص !

[adel1414]

25جنية

+1111111111

[mrghost]

طب الحمد لله بسيطه بإذن الله
خلوا بالكوا ياجماعه بقى

[graffittiii]

طيب والعربيات التانية خدت مخالفات بردو ؟؟؟؟
ولا هو نقي دي لوحدها ؟؟
عشان لو كده يبقي في كلام كتير وجثث هتطير ...

[dr_abooody]

ان شاء الله بسيطة ممكن 50 ج و ممكن ينسوا اصلا يحطوها

[yaserbasha2000]

العلربيه بتاعتي اتكلبشت من اسبوع و دفعت غرامه 25 جنيه

[prisoner]

انا لسة شايفها امبارح ب 300 فى المرور والناس كانت هاتجنن

[tigernet]

انا ياما خت مخالفات ركن صف تانى فى الكروبة و مفيش حاجة جت

[beshomilan]

انا لسة شايفها امبارح ب 300 فى المرور والناس كانت هاتجنن

مش انا قلت!!!!!

العلربيه بتاعتي اتكلبشت من اسبوع و دفعت غرامه 25 جنيه

انا اعرف الكلبشة 40 مش 25

ملحوظة اخوية بس:
اتمنى كل واحد سايق يمتنع عن الحاجات دى:

انه يطلع من غير مايربط حزام الامان او ميربطوش ويحطه عليه كده قال يعنى محدش شايف
انه يتكلم فى الموبايل وهو سايق او ماسك الموبايل فايده وهو ماسك الدركسيون
انه يطلع يشرب ميه وهو سايق وماشى بالعربية..عايز تشرب اشرب بعيد عن اعين امناء الشرطة او لو واقف فى اشارة
انه يدى كلاكس كتير فى اشارة ويستفزه بكده
انه يتكلم مع ظابط بعد ماخده مخالفه او يحسسه انه مش عادل زى الكلبشة وتلاقى باقى الطريق واقف صف تانى وتالت..وكل اللى تعمله انك تستعوض ربنا فى المخالفة احسن ماتاخد 2 غيرهم تانى!!
انه يركن صف واحد موازى للرصيف والعربية نصها طالع بره
انه يقف يستنى حد قدام سوبر ماركت او محل فى شوارع رئيسية
انه يطلع طلعة امريكانى بالعربية من الثبات فى الاشارات والشوارع الرئيسية
انه يعمل نفسه مش شايف وهو جاى قريب من امين شرطة رافع ايده او بيصفر عشان يوقف اشاره ويكمل طريقه عادى..لو عرفت ترجع بضهرك ارجع واعتذرله وقوله مشفتش واقف فى الاشارة مع باقى الناس
انك تلاقى ناس راكنه فوق الرصيف وتركن زيهم زى الرصيف اللى قدام سيتى ستارز
انك تهرج مع حد من صحابك بالايد وانت سايق وقدامك امين شرطة
انك تدخل شارع ممنوع الدخول
انك تسيب عربيتك لجراج متعرفوش وانت رايح تخلص شغل عشان يدخلها هو لما يطلع عربية من جوه على اساس انك مستعجل

بجد ياجماعة كمية المخالفات المهولة اللى بتتاخد الايام دى مفجأة لكثير من الناس وهتعرف لما تيجى تطلع المخالفات..والكلام اللى قلته من مصادر موثوقة ومن اللى شفته بعينى وسألت عليه واستفسرت عليه منهم

وربنا معاكم

[Car's Sniper]

العلربيه بتاعتي اتكلبشت من اسبوع و دفعت غرامه 25 جنيه

دانا على كدة اطلب من الامين مايدينيش اقل من خمس مخالفات...دا مشوار المرور لوحده بيقف عليا اكتر من كدة

[prisoner]

ملحوظة اخوية بس:
اتمنى كل واحد سايق يمتنع عن الحاجات دى:

انه يطلع من غير مايربط حزام الامان او ميربطوش ويحطه عليه كده قال يعنى محدش شايف
انه يتكلم فى الموبايل وهو سايق او ماسك الموبايل فايده وهو ماسك الدركسيون
انه يطلع يشرب ميه وهو سايق وماشى بالعربية..عايز تشرب اشرب بعيد عن اعين امناء الشرطة او لو واقف فى اشارة
انه يدى كلاكس كتير فى اشارة ويستفزه بكده
انه يتكلم مع ظابط بعد ماخده مخالفه او يحسسه انه مش عادل زى الكلبشة وتلاقى باقى الطريق واقف صف تانى وتالت..وكل اللى تعمله انك تستعوض ربنا فى المخالفة احسن ماتاخد 2 غيرهم تانى!!
انه يركن صف واحد موازى للرصيف والعربية نصها طالع بره
انه يقف يستنى حد قدام سوبر ماركت او محل فى شوارع رئيسية
انه يطلع طلعة امريكانى بالعربية من الثبات فى الاشارات والشوارع الرئيسية
انه يعمل نفسه مش شايف وهو جاى قريب من امين شرطة رافع ايده او بيصفر عشان يوقف اشاره ويكمل طريقه عادى..لو عرفت ترجع بضهرك ارجع واعتذرله وقوله مشفتش واقف فى الاشارة مع باقى الناس
انك تلاقى ناس راكنه فوق الرصيف وتركن زيهم زى الرصيف اللى قدام سيتى ستارز
انك تهرج مع حد من صحابك بالايد وانت سايق وقدامك امين شرطة
انك تدخل شارع ممنوع الدخول
انك تسيب عربيتك لجراج متعرفوش وانت رايح تخلص شغل عشان يدخلها هو لما يطلع عربية من جوه على اساس انك مستعجل

بجد ياجماعة كمية المخالفات المهولة اللى بتتاخد الايام دى مفجأة لكثير من الناس وهتعرف لما تيجى تطلع المخالفات..والكلام اللى قلته من مصادر موثوقة ومن اللى شفته بعينى وسألت عليه واستفسرت عليه منهم

وربنا معاكم

[/quote]

تحياتى ليك وياريت كلنا نكون بالاحترام ده الحمد لله الواحد بيحاول يكون احسن لان حالنا هايتصلح لما نصلح نفسنا الاول

[ahmedamr]

يا عم فك النمر وخليهم يشدوا شعرهم مش ناقصة قرف بقى