اشترى المانى ولا اشترى كورى

[spiderman92059]

السلام عليكم

طبعا من العنوان كله هيدخل يقولك اشترى المانى ، انا نفسى كنت هقولى اشترى المانى :)

لكن فى حاجات كتير محدده اختيارى

اولا معايا من 54 الى 50 الف
محتاج عربية تستحمل حوالى 100 كيلو فى اليوم
بدور علي عريية يكون فيها:

عربية هاتشباك صغيرة لذيذه
سى سى قليل عشان البنزين (هشتغل بيها)
ثبات عالى على قد ما تقدر (عشان اكمل فى الشغل :)
قطع غيار غالى مش مشكلة مدام بتعمر ن بس تكون متوفره
موديل حديث ، باور وتكييف وظبطنى يا معلم

دورت لحد ما تعبت ورسيت على واحده من دول:

سيتروين c3
بولو
بيجو 207

المشكلة بقى ، همشى بيها 100 كيلو فى اليوم؟ ، يعنى هتطلع عينى فى قطع الغيار ، ده غير انى هاحطلها 92 :S

العربية عايزها عشان شغل ، بس مش هشتغل عند حد ، دى شركتى انا واصحابى ، يعنى برضه مستفيد (زيتنا فى دقيقنا زى ما بيقولوا :)

ولا

نفكنا من السيرة دى اساسا وندور على حاجة اقل شوية بس قطع غيارها متوفرة ، مثلا

كيا سبيكترا ، ريو ، سيراتو القديم
لانسر او كوروللا
كيا برايد سايبا الايرانى 2009
هيونداى الانترا

قطع غيارهم موجودة واى ميكانيكى يشتغل فيهم ن بس طبعا هضحى بحاجات كتير زى الثبات وجودة التقفيل و .. و..

[raedegypt]

قطع الغيار غالى وقليل لما تلاقى مستعمل وبعدين كل شويه تلاقى مشكله ومش ها ترتاح خليك لو تلاقى فيرنا او لانوس مستعمل بيكون 2004 او 2005 بتكون افضل لك من نواحى تكييف شغال وقطع غيار مش ها تتعب فيها دة راى والالمانى حلو بس جديد وميزانيه تانيه خالص

[MIVEC.A92]

Hyundai i10 كسر زيرو ... 5 لتر في ال 100 كيلو ... :)

[spiderman92059]

قطع الغيار غالى وقليل لما تلاقى مستعمل وبعدين كل شويه تلاقى مشكله ومش ها ترتاح خليك لو تلاقى فيرنا او لانوس مستعمل بيكون 2004 او 2005 بتكون افضل لك من نواحى تكييف شغال وقطع غيار مش ها تتعب فيها دة راى والالمانى حلو بس جديد وميزانيه تانيه خالص

كذا واحد فعلا نصحنى باللانوس ،شكلها هترسى عليها
مشكور على سركة الرد

hyundai i10 كسر زيرو ... 5 لتر في ال 100 كيلو ... :)

ليه كده بس :) انا عملتلك حاجة :)

[raedegypt]

hyundai i10 كسر زيرو ... 5 لتر في ال 100 كيلو ... :)

كلام سليم وبتكون موديل عالى وتقفيل برة

[ahmedhawas]

طيب.. ما تشوف لانسر مكوه !!

[elfashn]

او شوف لانسر كريستاله ثبات حلو 1300 سى سى موفره فى البنزين قطع غيار معمره مريحه وبتاعة شغل وشقا عيبها انها واطيه شويه بس ممكن تاخد بالك فى سواقتها. ومش لازم المانى يعنى وعموما الامانى مش حلو اوى فى الشغل واليابانى بتاع شقا وبيستحمل خليك فيه.وابعد عن الفرنساوى تماما لو عايز تبقى ناجح فى شغلك

[MOUSTAFA_SAAD]

او شوف لانسر كريستاله ثبات حلو 1300 سى سى موفره فى البنزين قطع غيار معمره مريحه وبتاعة شغل وشقا عيبها انها واطيه شويه بس ممكن تاخد بالك فى سواقتها. ومش لازم المانى يعنى وعموما الامانى مش حلو اوى فى الشغل واليابانى بتاع شقا وبيستحمل خليك فيه.وابعد عن الفرنساوى تماما لو عايز تبقى ناجح فى شغلك

[ABO_MAREM]

هتلك حتا فليشيا موديل وش اكتوفيا ألفين وحاجه انجكشن طبعا تكيف يعنى تكون glxومش حتكمل ل45 واضرب الباقى فى جيبك يا معلم

اللمانى عفشه معمره صاج تقيل ثبات جامد 1300 سىسى اقتصاديه

[M.Alaa92]

بص يا باشا الانوس و الفيرنا و الكريستالة افضل خيارات قدامك و لكن بما ان حضرتك عايز اقتصاد فى استهلاك البنزين يبقى الفيرنا و الكريستالة هم الافضل و حضرتك عايز ثبات ع السرعات يبقى الكريستالة افضل

[SYD]

او شوف لانسر كريستاله ثبات حلو 1300 سى سى موفره فى البنزين قطع غيار معمره مريحه وبتاعة شغل وشقا عيبها انها واطيه شويه بس ممكن تاخد بالك فى سواقتها. ومش لازم المانى يعنى وعموما الامانى مش حلو اوى فى الشغل واليابانى بتاع شقا وبيستحمل خليك فيه.وابعد عن الفرنساوى تماما لو عايز تبقى ناجح فى شغلك

طب دانتا حتي راكب الماني وكوري
بالله عليك الالماني مش بتاع شغل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هات حتة بولو 2002 او ابيزا 2002 (1000 سي سي + تكييف + باور + قطع غيار معمرة ومتوفرة + هاتشباك + جري وغرز + شكل حلو + المااااااااااااااااااااااااني)

انا معايا ابيزا 99 موتور 1000 سي سي فيها تكييف وباور و4 زجاج ومرايات
عربية استهلاكها حلو اوي
قطع غيارها مش غالية اوي يعني اغلي من اللانوس شوية وارخص من الياباني كتير
جري وثبات الله اكبر عليها

اتكل علي الله وهات الماني وانت مغمض خصوصا الفولكس وادخل عموما منتدي الفولكس والسيات وشوف اراء الناس

والله المستعان
،
،

[ahmedsamir5edr]

الانوس و الفيرنا و الكريستالة

[virus2007]

من وجهة نظرى ممكن تجيب:

1- فيرنا فل اوبشن فابريكة برة وجوة وبكماليات
2- لانسر كريستالة
3- لانسر مكوة بس مش متاكد هل هى فى رنج حضرتك ولالا
4- دايو لانوس

اعتقد دول افضل حاجة ليك بالترتيب

لو موديل جديد يبقى فيرنا وفيها كل المواصفات الى حضرتك قلتها معادا هاتش باك

لو عاوز استابلتى اكتر على السرعات العالية يبقى لانسر

الاربع عربيات دول متوفر قطع غيراهم فى اى مكان والعربيات دى منتشرة وسهلة فى اعادة البيع والشراء واى ميكانيكى حيفهم فيهم

تحياتى ليك ويا ريت تقلنا اخترت اية فى الاخر :)

[mailo]

lanos

[mahmoud_anwar]

بص ياباشا مدام مش فارق معاك قطع الغيار يبقا عندك
جولف 3
عندك بي ام m40
عندك اوبل فيكترا 97
عندك بقا في الياباني
متسوبيشي لانسر كرستالة
هوندا سيفك 93 sir فتحة سقف وتكيف وبور ويسلام لو لقيت حد معتني بيها ومسقط فيها ماتور 1600 فيتك 2 كامة حكاية
عندك الكوري
هيونداي النترا 2006 او 2007 بس ابقا زود 10 علشان بتعمل في رنج ال60
عندك كيا بيكانتو 1100 سي سي ووسعة من الداخل وعربية نعمة وحلوة
عندك شيفرولية افيو 2007 او 2008 عربية وسعة اوووي من الداخل وناعمة جدآآآآآآآ
وربنا يوفقق في الاختيار ويوقعك في عربية بنت حلال متغلبكش