حركة المرور فى المنصورة بزرميط

[أبو عبدالله]

طيب يا جماعه خلينا ايجابيين شويه
في صفحة على الفيسبوك لمحافظة الدقهلية
خلينا كل واحد يبعت شكوته باللي هو شايفه
وانا هبعت ايضا ان شاء الله
وهما على فكره بيردوا على كل الشكاوي خلينا نبعت ونشوف النتيجة وان شاء الله تكون خير

[prisoner]

مش المنصورة بس
البلد كلها دة حالها للاسف

+111111111111111111

[prisoner]

طيب يا جماعه خلينا ايجابيين شويه
في صفحة على الفيسبوك لمحافظة الدقهلية
خلينا كل واحد يبعت شكوته باللي هو شايفه
وانا هبعت ايضا ان شاء الله
وهما على فكره بيردوا على كل الشكاوي خلينا نبعت ونشوف النتيجة وان شاء الله تكون خير

والله انا لسة بفكر فى الفكرة دى مع انى من القاهرة بس الفكرة واحدة علشان محدش يقول ان احنا سلبيين وانا شايف ان احنا لما نكتب فى المنتدى ونصرخ باعلى صوتنا مش هايتسمع اطلاقا طبعا المنتدى غير مسئول عن ده بس انا قصدى عايزين نشوف ايه اللى نقدر نعمله خللى بالكم ان ده له تاثير بشكل كبير على موضوع البلطجة لانهم لما مش بيلاقوا ردع بيزيدو وبيبقى حق غير مشروع وحاجة وحشة لازم نفكر فى حلول ايجابية ولازم الشرطة تسمحلنا بكده وتساعدنا بل بالعكس احنا كده اللى بنساعدهم يمكن لسة عايزين الشعب يعرف بقيمتهم موجودين اه موجودين بس للاسف مش حاسس انهم فعالين يعنى تحصيل حاصل يمكن زى الاول واكتر كمين يتعمل ويتلم ناس تتبهدل تفتيش ومحدش يشوف رخص او بطايق الناس اللى سايقة الهبل عليا يارب الطف بينا بقى.

[Bassem Taha]

خلااااااص تااااااهت ولقيناها من الواضح ان كلنا من المنصورة نبدأ نشوف حل بقى احنا عندنا في البلد كذا مشكلة
من المشاكل الموجودة في بالي دلوقتي مشكلة زحمة المدارس و الكليات
وانا عندي الحل وخاصة في المدارس الحكومية
بدل ما كل الطلاب يطلعوا كلهم في وقت واحد ليه المحافظ الهمام بتاعنا ميصدرش قرار أن المدارس تختار مواعيد معينة لخروج التلاميذ منها يعني مثلاً بدل ما كانوا بيخرجوا كلهم الساعة 2 لأ مدرسة تخرج 12 و مدرسة 1 و مدرسة 2 وهكذا ونتيجة التجربة دي ان شاء الله هتبان في الزحمة اوووووووي يعني مثلاً الاباء اللي مستنين ابنائهم معدوش كلهم هيقفوا يسدوا الشارع ويزحموا الدنيا و معدش هيبقى فيه ناس كتير هتكون موجودة في الشارع مش هيبقى فيه اتوبيسات كتير بتنقل الطلاب دول مش هيكون فيه تاكسيات كتير لزوم نقل الطلاب و ابائهم وهكذا
وطبعاً القرار ده مش هيتطبق علي كل المدارس ولكن هيبقى علي المدارس القريبة من بعضها وأفضل مثال عندنا هو شارع اداب و الثانوية
فيهم 7 مدارس اللهم لا حسد بالإضافة للكلية بتاعتي كليه اداب
انا خلصت الفكرة ومستنى نشوف اراء الزملاء و نتناقش

[modo88]

بلاش الرد على الفاضي وخلاص
ده واقع
وتابع ردود الزملاء
tiktaktok2008

amrico
وخصوصا بلد العضو الدولة: أحلم بمدينة بدون لانسر (بومة) في الشوارع


أه نسيت أقولك أنا اساسا من المنصورة
امتداد شارع أحمد ماهر
يعني مش بتكلم من غير معرفة
وبالمناسبة أغني المحافظات دي جت منين؟؟
برضه من الارض شوف الارض الزراعية لما اتحولت مباني المتر بئه بكام
واتباع وبئت أساس لأي نشاط تاني
يعني تضخم ثرورة نتيجة سمسرة مع ارتفاع سعر ارض بسبب المضاربات عليها وليس نشاط انتاجي حقيقي

انا ردودي عمرها ماكانت في الفاضي وخلاص عموما مش هاتكلم ولا اقول حاجه علي ردك دا لاني انسان مثقف ومش بشغل بالي بحاجه
وردي دا كان علي الكلام مش اكتر انك بتقلل من شأن المنصوره وبتقول اي واحد بيبيع قيراط ارض واللكلام دا وبتعمم ان الكل عنده اراضي والكل بيزرع ويفلح وطبعا دا عكس الواقع
وبالنسبه للانسر انا اكتر عربيه بكرها في حياتي الانسر بومه شكلها بيستفزني جدااااا

وعن موضوع مناسبه اغني المحافظات فا هيا فعلا من اغني المحافظات لانك لو فعلا من المنصوره هاتعرف ان نسبة كبيرة جداا بره مصر ومفيش بيت الا لو كان فيه واحد واتنين بره
تحياتي للجميع