لو قابلت بلطجيه علي الطريق هتعمل ايه !!!!

[AhMeD MeTwAlY]

طبعا احنا عرفين ان مفيش لشرطه ولي جيش عارف يلم البلطجيه و (حسبي الله ونعم الوكيل في كل واحد مقصر في عمله)
المهم علي حد علمي البلطجي بيكون قافل الطريق مثلا او راكب عربيه نص نقل وبيطردك
عن نفسي مش فكر اقف نهائي ولو حصل ووقفت يخلص عليا وبعدين ياخد العربيه (معلش بقئ شرقاوي)
يا ريت كل واحد يدخل ويقول هيعمل ايه؟؟؟ عشان نوصل لطريق مفيده
عن نفسي جربت اعملها اكتر من مره برفع الهاند بريك بتلف العربيه 180 درجة وتسقط الاول
هو عقبال لما يعمل زيك كده تكون انت بعيد لحدا ما بس يا ريت مش تشد علي العربيه يعني تخلي الار بي ام يجيب ارقام قياسيه عشان لما تنقل مثلا علي 3 يكون السرعه مثلا 70 تسحب معاك اسرع من لما تخلي 3 علي 40

[Amr Axel]

بص يا ريس ده اللي حصلي و تصرفي

http://www.nilemotors.net/Nile/227639-a.html

بس مش عايز احبطك
لأن مش كل موقف هيكون ليه نفس التصرف
يعني مثلا انا اتصرفت ع حسب الموقف و اللي يقولك غير كده يبقي بيضحك عليك
لأن ع حسب الموقف انت بتحدد ايه التصرف الاصح و تعمل ايه اهم حاجة تكون هادي و متتلخمش
فالتصرف بيكون وليد اللحظة
يعني مثلا قولي الموقف اللي متخيله ازاي و ايه الظروف و ساعتها اقولك ايه الاحتمالات اخدت بالك من قصدي ؟؟

[elmkaneeki]

بص ساعتها ادعى ربنا يلهمك الصواب...عشان الموضوع بيبقى صعب اوى

[MOUSTAFA_SAAD]

بص ساعتها ادعى ربنا يلهمك الصواب...عشان الموضوع بيبقى صعب اوى

[gade2]

اعتقد انك تحاول تجرى بكل سرعه واوعى تنزل من عربيتك

[rompo10]

انا اقولك امشي دايما مع مجموعه يعني انا بكون علي الصحراوي الساعه 1 بليل بحاول ماكنش لوحدي علي الطريق مجموعه عربيات وامشي معاهم وربنا يستر

[ahmedb1]

_

انا حصلي الموقف دا من يومين وكنت في طريق ابو الهول في الهرم المتجه للدائري
شفت لانسر فضي فيها اربع اشخاص و واحد بيشاورلي وبيقولي وقف عملت نفسي ولا كأني شفته و فجأة الاقي قدامي عربية نص نقل كبيرة والراجل يمين شمال و فاتح الباب و طبعا جنبي الترعة و فجأة خد يمين جامد عشان يكسر بشمال وبيقفل الطريق وطبعا هبقى محاصر من ورا بالعربية اللانسر و لولا ستر ربنا
اني دوست بنزين جامد ساعت مكسر يمين و عديته والحمد لله عديته في اللحظة دي فخلي بالكوا من الطريق دا بالرغم ان بيبقى في كمين في اخر و الكلام ده كان الساعة واحدة ونص بليل
فنصيحة الواحد يبقى جرئ وداخل شمال في اي حد يعترض طريقه
و انسى رد فعل اي مجرم لانهم اصلا معندهمش رد فعل الا في حاله التمادي معاهم
وربنا يسترها

[rahmanboud]

ساعة القدر يعمى البصر

كل موقف له رد فعل مختلف و التوفيق بيكون من عند ربنا

وربنا يسترها معانا جميعا

[elmkaneeki]

انا حصلي الموقف دا من يومين وكنت في طريق ابو الهول في الهرم المتجه للدائري
شفت لانسر فضي فيها اربع اشخاص و واحد بيشاورلي وبيقولي وقف عملت نفسي ولا كأني شفته و فجأة الاقي قدامي عربية نص نقل كبيرة والراجل يمين شمال و فاتح الباب و طبعا جنبي الترعة و فجأة خد يمين جامد عشان يكسر بشمال وبيقفل الطريق وطبعا هبقى محاصر من ورا بالعربية اللانسر و لولا ستر ربنا
اني دوست بنزين جامد ساعت مكسر يمين و عديته والحمد لله عديته في اللحظة دي فخلي بالكوا من الطريق دا بالرغم ان بيبقى في كمين في اخر و الكلام ده كان الساعة واحدة ونص بليل
فنصيحة الواحد يبقى جرئ وداخل شمال في اي حد يعترض طريقه
و انسى رد فعل اي مجرم لانهم اصلا معندهمش رد فعل الا في حاله التمادي معاهم
وربنا يسترها

الحمد لله انك فلت والله.....حسبنا الله ونعم الوكيل

[mmharoun]

حسبنا الله ونعم الوكيل وربنا يستر علينا بجد الواحد بيكون ماشى مع اولادة وبيكون حاطط ايدة على قلبة وربنا يستر للمرة الثانية

[إبراهيم المصرى]

طبعا ساعة القدر بيعمى البصر لكن يتهيألى المهم الواحد ميتصرفش بطريقه تقليديه مثلا سمعت ان فيه طريقه بيعملوها مثلا حد يرمى بيض على زجاج السياره علشان لما السائق يلاقى كده يشغل المساحه فيبقى الرؤيه صعبه فيوقف يمسحه يبقى فيه حد تانى منتظره على مسافه 300 او 400 متر فى هذه الحاله المفروض الواحد ميشغلش المساحه ويمشى قدر ما يستطيع الى ان يصل الى مكان أمن وهكذا المهم يحاول ميقعش فى الفخ قدر الامكان وربنا هو اللى بيستر

[dolly13]

اعتقد لو قابلت بلطجية هابقى يا قاتل يا مقتول
واعتقد هابقى مقتولة واروح ضحية السواقة

[M_Elshamy]

اللي فيه الخير يقدمه ربنا - طبعا هيكون رد الفعل علي حسب الموقف والله الموفق

[A.Saad]

اعتقد لو قابلت بلطجية هابقى يا قاتل يا مقتول
واعتقد هابقى مقتولة واروح ضحية السواقة

حاولى تجيبى مسدس حى او صوت بيضرب بلى

[Amr Axel]

حاولى تجيبى مسدس حى او صوت بيضرب بلى

نصيحة بلاش الصوت اللي متحول يضرب لبلي و متششخن يضرب حي

لأنه خطر جداا نظرا لأن المسدسات الصوت مصنوعة من الالومنيوم او الزهر و بالتالي مش بتستحمل احتكاك اي مقذوف فلو خليناه يضرب بلي او حي ممكن يؤدي لا قدر الله لانفجاره في وش اللي بيستعمله او المقذوف يرد لورا
الحي أفضل