الواحد إزاى يتصرف مع إستفزازات السائقين وأصحاب السيارات

[Ahmed Mubarak]

اهم حاجة الجيرة

مكن يكون المكان راقى والدنيا فاضية والحياة محترمة والجيرة ذى الزفت تخليك تكرة المكان

[Ahmed Mubarak]

هو عموما الراجل الى بيحط الحجارة ده راجل كبير نسبيا وقريب اوى هيبطل الموضوع ده لما يجيلوا انزلاق غضروفي باذن الله ، وعلى فكرة بيبان على وشهم انت اول ما تشوف حد منهم تعرف على طول ان فية مشكلة فى التركيبة فى الملامح لانه والله فعلا الغباء بينعكس على الملامح هههههههههههههههههههههههههههه

ادعى ان ربنا يهديه

[egman]

ربنا يهدي كل الناس

ايهاب تعالى التجمع يا باشا وانا اخليك تركن مكانى ههههههههههههههه

لأ بص يا باشا هو الفكرة فى اية انك هتلاقى مكان كده كده لكن مش شرط تبقى شايف العربية بتاعتك لكن المشكلة ان لو كل واحد اتبع سياسة الحديد والحجارة لا هتلاقى مكان تشوف منه العربية ولا غيره .

والله زي ما بحكيلكم كده يخرج العربية ينزل يدحرج حجر كبير من بتوع الرصيف ويركب العربية ويرجع ينزل يدحرج الحجر يا اخى والله النا الى بالمنظر ده ربنا ياخدهم افضل بكثير

[A.Saad]

اللى مركب حديد
ظبطه فى الحى
كان بيجى ويشلها
زمان
ايام مصر

[Nistelrooy]

انا حصل لي موقف مع تاكسي واقف وموقف الطريق في الجيزة مش عارف كان بيشتري اية .. عديتة وطالع لاقيتة كبس عليا راح خابط لي المراية وكان هيخبطني لولا اني وقفت وبعد كدا جري جريت وراة وفضلت مشغل النور عالي وراة لمدة دقيقة لولا انة دخل طريق تاني والله كنت فضلت وراة لاخر الطريق مشغل النور العالي يتعمي

[Elawany13]

ونسيت أصحاب المحلات
اللى اشترى المحل بالرصيف بالشارع كمان
وبقى حقه المكتسب
وبيمنع اى حد يقف قدامه
بحجه انك هتمنع عنه الرزق
ونسى أن الأرزاق بيد الله
حاجات تجنن فى مصر أم الدنيا

[zegzaag]

كان فيه مره خبر قريتو عن واحد مصري في كندا

الحلو ماشي على طريق سريع فكندا وفوت الدخله فقال يرجع بظهرو ( مش عارف ان الطرق هناك كلها متراقبه بكاميرات ) مفيش عشر دقايق وقفوه واعتقلوه

المهم لما سألوه عملت ليه كده ؟ قال كلام مش منطقي

الراجل دخلوه مصحه نفسيه 6 شهور عشان يتعالج ومنعوه من السواقه لفترة سنتين تقريبا

[mohamed_mohsen]

البرود هو الحل مع المستفزين

[virus2007]

للاسف معتقدش ان فى حل

انا بعانى من نفس المشكلة دى بردوا !!

الحل الوحيد انك تطول بالك خالص وتحاول تتجنب شر الناس وتكبر دماغك من سواقين المكروباص والتكسيات والناس قليلة الزوق ... لية ؟؟ عشان متحرقش دمك وميجلكش السكر وتتخانق كل يوم بتاع 3 4 خناقات ملهمش لازمة وفى الاخر حيجى على صحتك وعلى نفسيتك

فى ناس دمها حامى وانا واحد منهم بس لازم نحاول على اد منقدر نمسك نفسنا ... ساعات بركن فى شارع بعيد عشان مش بلاقى مكان اركن ادام بيتى !!!

بس عشان مش عاوز اعمل مشاكل وبكبر دماغى لان كلوا فى الاخر مش حيفرق :)

[M.Mostafa80]

طب لصاحب الموضوع ممكن تجاوب على سؤالى دا قبل ما تلوم على اللى حاطين الحديده
مش هحط حديده وهركن فى اى مكان فاضى سواء قريب اوبعيد عن بيتى عشان حد ركن عند بيتى مهو الشارع ملك الجميع تمام
وتروح حضرتك تركن عند بيت تانى او مكان تانى ولقيت واحد طالعلك بيقولك لو سمحت متركنش هنا وتفهمه وتشرحله ما بيفهمش وفى النهايه هتقلب بخناقه وخد على كدا فى كل مكان هتحاول تركن فيه بيحصل نفس القصه وفى الأخر تلاقى ان العربيه اللى راكنه دى تبع بيت من البيوت اللى انت حاولت تركن عندها يبقى رد فعلك ايه وهتتنقط ولا لأ
وأول حاجه هتعملها هتروح تعمل حديده وترزعها فى الشارع عشان الناس المتخلفه زو الفكر العقيم دا ولا لأ

[specialist50]

النهاردة شوفت يافطة جنب كوبرى عرابى مكتوب فيها "جراج خاص ممنوع الركن منعا للاحراج" مع ان الجراج دا عبارة عن حديد وسلاسل فى الشارع