حادثة سيراتو ومرسيدس

[modo88]

اولا ربنا يرحم اللي مات ويشفي التعبان
ثانيا بالنسبه للاخوه اللي بتقول ازاي ومش ازاي وبتاع السيراتو مستهتر والكلام دا كله
ياجماعه ساعة القدر بيعمي البصر دي حاجه معروفه ومفيش استهتار ولا كلام من دا لانه مقدر ومكتوب

[beckeryahia]

الحادثة دي حصلت بجموع سرعات لا يزيد عن 140 ابدا ,, يعني كل عربية ماشية متوسط 70 بعد الفرملة
وربنا يرحم المتوفي ويصبر اهلة ويشفي المصاب ويعوضة خير عن عربيتة

[nicegypt]

لا حول ولا قوة الا بالله
اللهم اجرهم فى مصيبتهم واخلف لهم خير منها اللهم مين يارب العالمين
يا جماعة مش المهم دلوقت ابدا مين المخطئ
الصور بصراحة تعـبتنى قوي .. وحسيت بيها قوي وتخيلت اللى حصل
كلنا يا جماعة ندعي ونطلب من الله ان يشفي صاحب الكيا اللهم اشفية وخفف عنة ألمة واخلفة عما اصابة
وندعي بالرحمة لصاحب المرسيدس اللهم ارحمة واجعل مثواة الجنة .. دة قدر ومكتوب عند الله
ومحدش يعرف ساعة القدر اية اللى بيحصل .. تركيزك ممكن يختفي ف لحظة
انا ربنا نجانى من مشكلة على سرعة 140 ك .. وبعد موقفت سألت نفسى انا وقفت العربية ازاي ؟؟
تدخلت العناية الالهية لدرجة ان معرفش انا وقفتها ازاي ولما حكيت للاحد الاصدقاء عن الطريقة اللى اتحكمت فيها بالعربية
قالى ان الطريقة دى اصلا ف السباقات نظام الدرافت وانا لا بعمل درافت ولا غيرة .. مقصود كلامى ربنا لة فى كل شيئ حكمة
وساعة القدر مخك ممكن يـتوقف عن العمل حتى لو انت شوماخر بذات نفسة .. دة حتى شوماخر تعرض لحوادث مميتة رغم خبرتة العالية
لا نحكم على احد فالله اعلم وادري بهم .. ونكتفى فقط بالدعاء لهم جميعا َ .متنسوش تدعوا بالشفاء لصاحب الكيا .. ونقرا كلنا الفاتحة لصاحب المرسيدس

[mody100]

يا حول ولا قوة الا بالله ,ربنا يستر طريقنا جميعا و يكفينا شر الحوادث قولوا امين

[shaddadfalcon1]

الموت واحد ولكن تعدد الأسباب

[mohkhattab]

ربنا يرحم المتوفى و يسلم المصاب
ان شاء قريبك يقوم بالسلامة

[Abo_Lina]

ربنا يرحم المتوفي و يشفي المصاب
ده دليل للناس اللي بتقول القديم جامد و الجديد ورق
كفاية نخدع نفسنا و لازم ناخد بالعلم و التطور
و الله خير حافظا

[zegzaag]

ربنا يقومه بالسلامه يارب هو وصاحبو ويرجعو احسن من الاول وفداهم خمسين عربيه وان شاء الله يكون التأمين شغال وياخدو واحده كوبيه كمان بأذن الله
انا بس هعلق على نقطتين

اولا الحادثه بما ان الطريق حاره واحده فالسيارتو حاولت تتفادى المرسيدس يعني تقريبا هو افتكر انو وسعلو وان المسافه تجيبو فقرص جامد ولكن سائق المرسيدس رجع تاني او كسر عليه الخبطه من يمين السيراتو وشمال المرسيدس يعني تخيشه في الباب

ثانيا الاخ عزيز سنهوري قالي ان الكيا امتصت الصدمه بص يا صديقي الغالي الخبطه في الكيا من قدام لكن المرسيدس مخبوط من ناحية الباب والقايم وسدقني لو الكيا اتخبطت من الباب الي جوه من غير كلام (هيتأذي جامد يعني مش هتلاقيه) فالقديم انا جربتو فحادثتين وجربت الجديد فحادثه ( القديم ممكن تطلع منو مش فيك خدش واحد ) لكن الجديد لازم تطلع متعور
طبعا ان رأيي يحتمل الخطأ والتصحيح والبركه فيكو تصححولنا

[levelpower]

ياستر يارب
الف سلامه يامحمود على ابن خالتك
و الله يرحم المتوفى
و ربنا يكفينا شر الطريق

[medociv]

ربنا يرحم المتوفى ويصبر اهله
ويشفي ابن خالتك
انا لله وانا اليه راجعون

[l0new0lf]

اولا الحادثه بما ان الطريق حاره واحده فالسيارتو حاولت تتفادى المرسيدس يعني تقريبا هو افتكر انو وسعلو وان المسافه تجيبو فقرص جامد ولكن سائق المرسيدس رجع تاني او كسر عليه الخبطه من يمين السيراتو وشمال المرسيدس يعني تخيشه في الباب

حمد لله على سلامة قريبك و صاحبه و ان شاء الله يقوموا بالسلامه
و يرحم المتوفى و يغفر له و يصبر اهله
انا شايف ان العربيتين داخلين فى بعض وش و الاثنين مخبوطين من الجنب الشمال
يعنى واحد فيهم كان عايز يتخطى عربيه امامه لبس فى القادم من المقابل
و غالبا اللى كان بيتخطى بيتخطى عربيه كبيره ممكن نقل و مش سايب بينه و بينها مسافه كان كابس في ضهرها
علشان كده مشافش القادم فى المقابل
و الله اعلم

[sanhory]

ربنا يقومه بالسلامه يارب هو وصاحبو ويرجعو احسن من الاول وفداهم خمسين عربيه وان شاء الله يكون التأمين شغال وياخدو واحده كوبيه كمان بأذن الله
انا بس هعلق على نقطتين

اولا الحادثه بما ان الطريق حاره واحده فالسيارتو حاولت تتفادى المرسيدس يعني تقريبا هو افتكر انو وسعلو وان المسافه تجيبو فقرص جامد ولكن سائق المرسيدس رجع تاني او كسر عليه الخبطه من يمين السيراتو وشمال المرسيدس يعني تخيشه في الباب

ثانيا الاخ عزيز سنهوري قالي ان الكيا امتصت الصدمه بص يا صديقي الغالي الخبطه في الكيا من قدام لكن المرسيدس مخبوط من ناحية الباب والقايم وسدقني لو الكيا اتخبطت من الباب الي جوه من غير كلام (هيتأذي جامد يعني مش هتلاقيه) فالقديم انا جربتو فحادثتين وجربت الجديد فحادثه ( القديم ممكن تطلع منو مش فيك خدش واحد ) لكن الجديد لازم تطلع متعور
طبعا ان رأيي يحتمل الخطأ والتصحيح والبركه فيكو تصححولنا

الله اعلم
دا كان مجرد رأي

و برضه رايك وارد

و ربنا يسلمنا جميعا

[moh19227]

اللهم امين

اللى حضرتك بتتكلم عليه هو الصحراوى الغربى اللى بدايته من على طريق الفيوم

انما الحادثة كانت على الصحاورى الشرقى ده بيكون من طريق الاتوتستراد

لاحول ولاقوة الا بالله ربنا يرحم اللي مات ويشفي المصاب
بالنسبه للطريق اللي بيتكلم عنه اللي هوا 3 حارات تقريبا قصده طريق الكريمات اللي عامله الجيش وده طريق جميل فعلا اما الصحراوي الشرقي اللي حضرتك بتتكلم عليه هوا فعلا حاره واحده رايح جاي وفعلا طريق ضيق وربنا يستر علينا

[zegzaag]

يجماعه انا مش قريب المصاب قريبو هو الاخ الفاضل Frozen_Pain

اسف على سوء الفهم ده انا بس كنت بقول وجهة نظري

في اخ بردو قال انهم خبطو وش لوش لما بصيت عالصور تاني فعلا عندك حق يا صديقي

[omaroof]

لا حول ولا قوة الا بالله انا لله وانا اليه راجعون