تسيب حتة من الزجاج مفتوحة إزاي مع وحدات الرفع

[ahmedfd]

ناس كتير بتحب تسيب جزء صغير من الزجاج مفتوح لما تركن علشان الحر الجامد منه تهوية و منه إن الحرارة الشديدة ممكن تخلي الهواء يتمدد بالداخل و ده ممكن يخلق إجهادات جامدة على الزجاج ..
المهم في العربيات اللي فيها وحدات رفع ... نعمل الحكاية دي إزاي؟؟

[banboty]

تسيب زرار التهوية الخاص بفتحات التكييف على وضع الفتح ,

[SEATLOVER]

سؤال حلو اوى الصراحة
قبل الصيف ممكن تظبط وحدات الرفع ان يكون المدى بتاعها اقصر بعض الميلميترات من حلق الشباك ...ولما تحتاج تقفل خالص يبقى تستعمل مفاتيح رفع الزجاج العادية

وممكت تثبت العربية على كدة لو بتركن فى الشمس كتير ..او ممكن تغيرها كل موسم براحتك

بس على فكرة دى ملحوظة قوية جداً انك تسيب مسافة تهوية للزجاج ..عشان فعلاً مع الحرارة و الشمس الزجاج بيتمدد و ممكن يفرقع لو ملقاش مساحة يتمدد فيها ..دة غير مكونات التابلوة اللى محتاجة ايضاً لبعض التهوية

[ahmedfd]

تسيب زرار التهوية الخاص بفتحات التكييف على وضع الفتح ,

بس هل ده كافي لعمل التهوية اللازمة؟

[ahmedfd]

سؤال حلو اوى الصراحة
قبل الصيف ممكن تظبط وحدات الرفع ان يكون المدى بتاعها اقصر بعض الميلميترات من حلق الشباك ...ولما تحتاج تقفل خالص يبقى تستعمل مفاتيح رفع الزجاج العادية

وممكت تثبت العربية على كدة لو بتركن فى الشمس كتير ..او ممكن تغيرها كل موسم براحتك

بس على فكرة دى ملحوظة قوية جداً انك تسيب مسافة تهوية للزجاج ..عشان فعلاً مع الحرارة و الشمس الزجاج بيتمدد و ممكن يفرقع لو ملقاش مساحة يتمدد فيها ..دة غير مكونات التابلوة اللى محتاجة ايضاً لبعض التهوية

شكرا يا سيات و فعلاً الموضوع عاملي تربنة في دماغي.. هو فكرتك جميلة جداً بس مش عارف هل فعلاً وحدت الرفع ممكن تتظبط و لا هيا عاملة زي مكنة الزجاج لما توصل للآخر تفصل؟ لو كدة يبقى مش هينفع :(

[SEATLOVER]

هو على حسب المكنة اللى متركبة عندك
بس اظن يا احمد معظم المكن الوجود دلوقتى لة ظبط و بيتظبط ذى ما انت عايز ومابيعتمدش انة يقابل الحلق عشان يقف

[mshamy]

ممكن تبقى تسيب جزء من الزجاج الخلفي بدلا من الأمامي ده طبعا لو حضرتك عامل وحدات رفع اماميه فقط
طبعا الكلام ده لا ينطبق على السيارات الكوبيه :d

[ahmedfd]

ممكن تبقى تسيب جزء من الزجاج الخلفي بدلا من الأمامي
طبعا الكلام ده لا ينطبق على السيارات الكوبيه:d

ماهو وحدات الرفع في الأربع شبابيك :)...
على العموم أنا هسأل عن موضوع ظبط وحدات الرفع ده.

[eng_mkhalaf]

اقفلها بالمفتاح مش لازم الريموت - حل سهل وبسيط ون غير لعب ووقت ما أنت عايز

[ahmedfd]

اقفلها بالمفتاح مش لازم الريموت - حل سهل وبسيط ون غير لعب ووقت ما أنت عايز

مش فاهم يا هندسة
قصدك من غير ما أشغل الإنذار يعني؟

[marsguy]

طب سؤال

مش لما تسيب حته صغيره مفتوحه، مش ممكن حرامي يدخل سلك ويشد بيه السقاطه ويفتح العربيه؟

[ahmedfd]

على فكرة في موضوع شبيه جداص لنفس الموضوع ده على الرابط ده... انا بشوفة دلوقتي و ربنا يسهل يمكن نلاقي حل هناك.

http://www.nilemotors.net/Nile/showthread.php?t=22314

[ahmedfd]

طب سؤال

مش لما تسيب حته صغيره مفتوحه، مش ممكن حرامي يدخل سلك ويشد بيه السقاطه ويفتح العربيه؟

أعتقد إن معظم العربيات الحديثة سقاطة الباب بقت في الأكرة نفسها و دي يخلي صعب أوي أي حرامي يعرف يلقطها بسلك.

[Karim_Monir]

هو فعلا افضل حل تقفل بالمفتاح من غير انذار طالما انت راكنها في حتة معروفة وواضحة مش ليل ولا حاجة
لان وحدات الرفع بتشتغل لما بتاخد اشارة من ريموت الانذار

[mshamy]

ماهو وحدات الرفع في الأربع شبابيك :)...
على العموم أنا هسأل عن موضوع ظبط وحدات الرفع ده.

علشان كده انا قولت " لو مركب وحدة رفع أماميه فقط" و الكلام ده انا كنت عاملة في عربيتي القديمه مخصوص علشان موضوع التهويه ايام ما كنت باشتغل في شرم و ماكنش في مكان ركن متغطي .. وخصوصا انه احنا غالبا ما بنستخدم الزجاج الأمامي فقط :)