اخيرا اخدت رخصة القيادة

[noga28]

السلام عليكم

انا من حوالى 21 يوم رحت امتحنت فى المرور وسقطت بجدارة
وجيت هنا سالت عن المارش دير
وماشاء الله ناس كتير جدا حسسونى انى طالما مش بعرفه او مش بتقنه انى همشى اخبط فى خلق الله كانى لقيت فلوس العربية فى فانوس علاء الدين
المهم رحت اتدربت على حرف الاس وبقيت برجع مارش واركن زى القردة وبقيت جريئة جدا لو الطريق مفتوح بفتح فوق ال120 ومش بخاف وبعرف اظبط الفرامل قبل اى مطب واخويا نفسه منبهر من التقدم ده لانه لما كنت بتدرب كان مسافر وقررت اتحدى الظابط والناس اللى هنا وحسسونى ان كلهم اتولدوا على الاسفلت او شوماخر مثلا ومكانوش مبتدئين فى يوم من الايام زيى ورحت وامتحنت وطلعتها النهاردة
بس فى سؤال محيرنى جدا

انا ساكنة فى فيصل
وبروح مرور المنوفيه
والظابط قبل الامتحان سالنى على سبيل الدردشة قلت له انى جاية من فيصل
هل منطقى انى اروح المنوفية 3 مرات وارجع عادى واكون مبعرفش اسوق لمجرد انى لمست قمع
وهل اللى بيرجع بضهره بيكون راجع بسرعة تضر اى حد ده بيمشى تاتا تاتا على اقل من سلانسيه العربية طيب السؤال بقى ليه الروتين العبيط اللى فى بلدنا ده؟
وليه بيركز اوى على الرجوع وهو عارف ان شهادة الباطنة والنظر والتحليل بتتباع برة ؟ ومحدش بيكشف ولا بيهبب
مش ممكن حد مدمن او نظره ضعيف ويدخل ويضر الناس وهو ماشى لقدام اساسا؟
على الاقل اللى راجع بيكون بطىء مش مضر زى لو واحد مبرشم ولا مبيشوفش وماشى بسرعة ولبس فى غيره
بلدنا محتاجة ثورة فكر واخلاق مش سياسة

[Ashraf_Ibrahim]

مبروك الرخصة يا نوجه
محدش مولود على الدروكسيون يعني
كلنا كنا مبتدئين والسواقة بالذات ملهاش كبير
مهما كنتي بتعرفي تسوقي هتقابلك مواقف جديدة في كل مرة
يعني مثلا النهردة واان نازل من على الدائري اديت اشارة يمين وكنت في الحارة التانية ولسة يا دوب جاي انقل الحارة لمحت عربية اكسنت جاية من ورا بسرعة عالية جدا عدلت نفسي بسرعة
طبعا لو مخدتش بالي منه في المراية -لأنه مكانش ظاهر اصلا- كنت زماني مش موجود معاكم دلوقتي بس الحمد لله
السواقة ملهاش كبير خالص
لكن اللي اقدر ابصم بيه ان السواقة على الطرق السريعة اسهل بكتير من وسط البلد
وكلامك كله صح
فعلا قوانين المرور كلها محتاجة ثورة عليها كاملة!

[rompo10]

الف مبروك الرخصه ومعلش دا روتين مصري

[noga28]

مبروك الرخصة يا نوجه
محدش مولود على الدروكسيون يعني
كلنا كنا مبتدئين والسواقة بالذات ملهاش كبير
مهما كنتي بتعرفي تسوقي هتقابلك مواقف جديدة في كل مرة
يعني مثلا النهردة واان نازل من على الدائري اديت اشارة يمين وكنت في الحارة التانية ولسة يا دوب جاي انقل الحارة لمحت عربية اكسنت جاية من ورا بسرعة عالية جدا عدلت نفسي بسرعة
طبعا لو مخدتش بالي منه في المراية -لأنه مكانش ظاهر اصلا- كنت زماني مش موجود معاكم دلوقتي بس الحمد لله
السواقة ملهاش كبير خالص
لكن اللي اقدر ابصم بيه ان السواقة على الطرق السريعة اسهل بكتير من وسط البلد
وكلامك كله صح
فعلا قوانين المرور كلها محتاجة ثورة عليها كاملة!

حمدالله على السلامة معاك حق انا رجعت من المنوفية لفيصل فى 3 ساعات الطريق السريع ساعة الا ربع ومن اول المظلات للبيت اكتر من ساعتين وربع تاتا تاتا لما كرهت المشوار طول عمرى

[noga28]

الف مبروك الرخصه ومعلش دا روتين مصري

الله يبارك فيك بس بجد شىء رخم الظابط عارف ان الشهادة الطبية بتتباع برة ويجى يغمل دقيق فى الاقماع حاجة رخمة

[MOUSTAFA_SAAD]

الف مبروك وبراحه شويه فى الجرى 80 كويس عشان لو قابلتى حاجه مفاجئه تقدرى تلمى نفسك بسرعه

[noga28]

الف مبروك وبراحه شويه فى الجرى 80 كويس عشان لو قابلتى حاجه مفاجئه تقدرى تلمى نفسك بسرعه

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

[MOUSTAFA_SAAD]

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

انت بتفكرينى باختى بالظبط
هى برده متعلمه جديد على اللوجان من 6 شهور بس ربنا يحفظها ويسترها مع الجميع

[Ashraf_Ibrahim]

حمدالله على السلامة معاك حق انا رجعت من المنوفية لفيصل فى 3 ساعات الطريق السريع ساعة الا ربع ومن اول المظلات للبيت اكتر من ساعتين وربع تاتا تاتا لما كرهت المشوار طول عمرى

الله يسلمك يا نوجة
للأسف وسط البلد بقت حاجة مقرفة فعلا

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

اهدي شوية برده انتي لسة واخدة الرخصة
خليكي 100 كويس حتى وانتي كاشفة الطريق كله
ومتعتمديش على الاشارات في المطبات لأن المطبات المصرية لا تخضم لاشارات المرور خالص
هههههههههههههه
هتلاقي مطب خارج على القانون ولوحده بدون اي اشارة خالص فبالراحة عشان متتفاجئيش بحاجة
ومتجريش على طريق اول مرة تمشي عليه عشان اكيد مش هتبقي حافظاه اوي

[ahmed_mido1889]

المطبات .... لا دين لها


ومبروك علي الرخصه

90/100 كويس جدا وخصوصا في مصر وطرقها اللي ما فيهاش حته ميل الطريق كله مسطره

وخصوصا طريق اسكندريه الزراعي ما شاء الله عليه طريق عالمي(سامحني يارب)

وانت راجعه من المنوفيه خدي الدائري بعد كده واطلعي محور صفط وانزلي من منزل شارع السودان

[beckeryahia]

سؤال بسيط للاخت نواجا وياريت هي بس اللي ترد علي ..... لما تيجي تحودي بالعربية انهي عجلي بتحود في العربية الاول ولا كلهم بيحودو مع بعض ولا لو هاتحودي يمين مثلا العجل اليمين هو اللي بيحود ورا وقدام ولو شمال الشمال هو اللي بيحودورا وقدام ؟؟؟؟

[poussi]

الف مبروك يا نوجا على الرخصه وربنا معاكى ياجميل

بس بجد عندى ليكى نصيحه بلاش تجرى انا كنتزيك كده فرحانه وبجيب ال 120 واحيانا 140 لو الطريق فاضى

بس شفت حوادث كتير بعينى بسبب السرعه من يومها قلت لا 90 او 100 بالكتير اوى

وبالنسبه للمطبات طريق ميت غمر كنت حافظه مطباته جداا وماشيه 90 والامور تمام واذ فجأه الاقى مطب جديد قدامى الحمد الله لحقت نفسى كلته اه بس كانت سرعتى معقوله الحمد الله

تانى يوم لقيت عربيتين مقلوبين جمب المطب

وساعتها قرروا يحطوا علامه تحذيريه قبل المطب

فمتعتمديش انك قاريه الطريق الكارو والمخالف والموتوسيكلات والمطبات الحاجات دى بتلاقيها فجأه قدامك خليكى فى الامان احسن

[osama.m]

الف مبروك على الرخصة و متدايقيش عشان الروتين دا اصلا المفروض الامتحانات تبقى حاجة تانية خالص غير تطلع قدام و ترجع بالعربية
و بردو الظابط عارف ان في ناس بتتدرب على الامتحان بس و لو طلعوا في زحمة طريق بيبهدلوا الدنيا
مبروك على الرخصة مرة تانية و عقبال الرخصة الرياضية

[M.Alaa92]

الف مبروك ع الرخصة و بلاش الجرى الكتير عشان لسة جديدة و مش مريتى ع مواقف كتير و السواقة الحقيقية مش جرى و بس لأ دى تتصرف ازاى لو حصلك موقف معين.
و السواقة الحقيقة ف مصر زحمتها و انك تتطلعى بالعربية دون حكات او خرابيش

[mmffor]

اختبار القيادة في مصر فاشل
المفروض اللي بيمتحن يركب معاه اتنين و يطلع الشارع و يشوفوه و هو سايق بيلتزم بالتعليمات و قواعد المرور و واثق من نفسه واللا لأ


خلص الكلام