خطأ فى الرخصة اعالجه ازاى ارجو المساعدة

[amrrashed]

السلام عليكم ورحمة الله

عندى مشكلة فى الرخصة بتاعت عربيتى مكتوب فيها سعة الموتور 2005 وطبعا ده سنة الموديل والعربية شاريها بتوكيل وعايز ابيع دلوقتى اعمل ايه اجيب شهادة بيانات ولا ايه ارجوكم اشيروا عليا لانى رايح بكرة ان شاء الله اصحح الخطأ لانى عايز ابيع

شكرا

[mr_vampire]

ارجع للمرور واكيد الحل عندهم يطلعولك رخصة تانية مادام الخطأ من عندهم او ممكن تعمل بدل فاقد بس ده لازم محضر .

[amrrashed]

شكرا على ردك بس هل ممكن اطلع شهادة بيانات واعمل التوكيل بناء على شهادة البيانات رجاء المساعدة من خبراء المنتدى

[mr_vampire]

شكرا على ردك بس هل ممكن اطلع شهادة بيانات واعمل التوكيل بناء على شهادة البيانات رجاء المساعدة من خبراء المنتدى

متهيالي احسن تصلح الخطأ اللي فالرخصة. انتا ترضي تشتري عربية رخصتها فيها خطأ ؟؟؟؟؟؟؟ اكيد اللي هيشتري هيقلق من الخطأ ده. وبالذات في ظل ظروف البلد وحالات سرقة العربيات المنتشرة.

الصح اصح ان يتبع

[amrrashed]

متهيالي احسن تصلح الخطأ اللي فالرخصة. انتا ترضي تشتري عربية رخصتها فيها خطأ ؟؟؟؟؟؟؟ اكيد اللي هيشتري هيقلق من الخطأ ده. وبالذات في ظل ظروف البلد وحالات سرقة العربيات المنتشرة.

الصح اصح ان يتبع

ياباشا ما انا بشوف ايه الاحتمالات بتاعة العربية مش اكتر من كدة

[mr_vampire]

ربنا يوفقك ولو عرفتلك حل ينفع هلاغيك علي طول.

[rompo10]

اطلع علي المرور وهما هايصلحوا الخطا

[MOUSTAFA_SAAD]

ارجع المرور حيغروهالك

[amrrashed]

شكرا ليكو يا جماعة وانا صلحت الخطأ ومخدتش وقت

[smsm_cato]

ياباشا الموضوع مفيهوش قلق ولا حاجة لان الموضوع مفيهوش شبة مفيش موتور سعة 2005 الرقم ده مش وارد وهترجع للمرور عادى وهيراجعوا الرخصة اللى معاك بالرخص القديمة اللى فى ملف العربية وهتتصلح عادى انا لما اشتريت عربيتى بطلع فى الاول رخصة مؤقتة 3 شهور على ما الملف يجى من البلد اللى العربية مرخصه فيها انا من الشرقية والعربية كانت من طنطا المهم اكتشفت فى الرخصة ان فى رقم فى رقم الموتور متغير يعنى كان الرقم 3 وكتبوة 2 وطبعا ده لو كنت سيبتها كنت هخش فى حوار تغيير موتور فى الفحص المهم لما خلصوا الثلاث شهور وروحت علشان اطلع الرخصة روحت للمهندس المختص بالفحص وشرحتله الموضوع طلب من الموظف المختص مطابقة البصمة اللى عملتها لما نقلت العربية والرخصة القديمة بتاعة صاحب العربية اللى فى ملف العربية وطابقهم وعرف ان الغلطة من الموظف اللى طبع الرخصة وطلعت الرخصة بالرقم الصح من غير اى مشاكل

[mr_vampire]

شكرا ليكو يا جماعة وانا صلحت الخطأ ومخدتش وقت

طيب ماتعرفنا ياباشا عملت ايه علشان لو حد وقع في نفس الحوار ده.

[amrrashed]

مفيش رحت للموظف وفهمته الخطأ وكان عايزنى اطلع شهادة بيانات بس انا قولتله عايز اصحح الرخصة نفسها ودفعت 8 جنيه وخدت الرخصة بعدهها بنص ساعة تقريبا

[mr_vampire]

مفيش رحت للموظف وفهمته الخطأ وكان عايزنى اطلع شهادة بيانات بس انا قولتله عايز اصحح الرخصة نفسها ودفعت 8 جنيه وخدت الرخصة بعدهها بنص ساعة تقريبا

8 جنيه بسسسسسسسسس!!! وكمان بعد نص ساعة. ده مصر اتغيرت فعلا بعد الثورة.

عموما الحمد لله ان الحوار طلع بسيط.