حد يطمنى الله يطمنكم

[Silenty]

السلام عليكم ورحمة الله وبركاتة

انا بعت عربيتى من حوالى 4 ايام وبما انى لا افقة شىء فى مواضيع البيع والشراء دة فانا عايز حد يطمنى
دلوقتى انا عملت العقد الابتدائى كانو عقدين واحد ابيض وتحتية واحد ازرق بيطبع علية زى الكربون كدة وخدت انا الازرق والراجل خد الابيض وبقيت 2000 جنية من تمن العربية وتانى يوم على طوول روحت الشهر العقارى وعملت توكيل بيع
والراجل كتب صيغتة( للبيع للنفس وللغير والتجديد والترخيص والتعامل مع المرور) فالراجل فى الشهر العقارى الله يباركلو قالى كدة حيرخص باسمك بما ان الرخصة لسة سارية والفحص 2013
انا سمعت كلمة حيرخص باسمك ركبنى 100 عفريت فسئلتو
طب ياعم الحاج اية المسؤلية او الضرر اللى عليا فى الموضوع دة
قالى ماعليكش اى مسؤلية غير انك لو حبيت تجيب عربية تانية حتدفع ضريبة ترفية 100 جنية وممكن كمان لو وريتهم التوكيل وعقد البيع فالمرور يشيلولك الضريبة دى

المهم انا من النوع الموسوس شوية وعايز اقولكو انا سائل بتاع 10 لحد دلوقتى على الموضوع دة وفيهم اللى يقولى عادى واللى يقولى دة حوار ودخلت نفسك فى حوااار
المهم
دلوقتى يا جماعة فى عقد البيع الابتدائى دة فى الخانة بتاعت السعر المتفق علية الراجل بتاع المعرض كتب اى حروف كدة مش باينة عشان يطلع عمولتةاو مصلحتة على اللى بيشترى وعليا
فهل الموضوع دة فى قلق انو يبطل العقد او حاجة ؟؟؟!!!
وبالنسبة للتوكيل والصيغة دى الراجل قالى انو ناوى يجدد بيها سنة وبعد كدةهينقل عشان العربة عايزةسمكرة وشغل ولو نقل باسمو على طوول حيفحص والرخصةهتنتهى كمان 20 يوم
فهل انا عليا اى مسؤلية فىالموضوع دة غير حوار ضريبة الترفية دى
يعنىمن الاخر انا معايا العقد الابتدائى وفية حتة صغيرة كدة اقرار استلام السيارة ومؤرخة ومعايا صورة من التوكيل اللى عملتهولو
فية اى مسؤلية عليا تجاةالعربية دى ؟؟؟؟!!!!

[alaasaid]

ان شاء الله مفيش مسئولية بس هتدفع ضريبة رفاهية لما ترخص عربية جديدة

[engaass]

ان شاء الله مفيش مشاكل

[Silenty]

ان شاء الله مفيش مسئولية بس هتدفع ضريبة رفاهية لما ترخص عربية جديدة

الف شكر على الرد ياباشا ولو على الضريبة بس تهون ان شاء الله
بس انا اللى محيرنى انى قريت موضوع شبية لموضوعى كدة وكان فية رد بيقولو لو اللى اشتراها عمل حادثة ولا عمل مشكلة بيجيبو اللى العربية بأسمو بس بمجرد ماتوريهم العقد والتوكيل بيسيبوة
فدلوقتى هل العقد دةيقصد بية العقد الابتدائى زى الل معايا دة ولادة عقد اية دة ؟؟!!
اصل ماعتقدش العقد اللى معايا دة معترف بية اوى لانو ولاعلية ختم ولا اى كلام
وعلى فكرة وانا فى الشهر العقارى اما رفضت انى اكتب التوكيل بالصيغة دى الراجل قالى ياعم انت قلقان من اية لو عايزنى اكتبلك اقرار استلام عربية اكتبهولك دلوقتى
فلما سئلت بتاع الشهر العقارى قالى لا مالهاش لازمة هو التوكيل والعقد بينفو مسئوليتك تماما
فهل كلامو دة صح ولا بيزحلقنى وخلاص عشان كنت عمال ازن علية جامد فى النقطة دى بصراحة

[Silenty]

ان شاء الله مفيش مشاكل

امين يارب بس حاسس برضو انى اتضحك عليا ربنا يستر

[حماده المصري]

لا تقلق

هيا حوارات التجار دي كلها في النهايه عشان مصلحتهم فقط انما مفيش مسائله قانونيه

واساسا ممكن ميعرفش يرخص باسمك برضو في المرور بيتلككوا في الحوارات دي

[SAMEH_FOUAD]

وريهم عقد البيع وانت بتجدد الرخصة للسيارة بتاعتك مش هيدفعوك ضريبة ترفية , حتى لو التانى مجددش الرخصة

انا بعت عربيتى الاولى وكان فيها 3 سنين رخصة ولما اشتريت السيفيك وانا برخصها لقيت العربية القديمة باسمى روحت موريلة عقد البيع شالى الضريبة

[rompo10]

ياجماعه ضريبه الرفاهيه من العربيه 3 ومفيش اي مسئوليه غير لاقدر الله لو خبط حد مثلا وجري وحد عرف الرقم هايجبوك انت لان العربيه باسمك هاتوريهم العقد والتوكيل انتهت المسئوليه

[SYD]

مفيش اي مشاكل جنائية انشاء الله
كل تجار مصر بيعملوا كدة وعلموا الناس تعمل كدة عشان يستفيد بالرخصة

كل ماهو نالك هتدفع 60 جنيه ضريبة ترفيهية علي السيارة الثانية
وكل عربية اضافية هتدفع ضريبة اعلي

والله المستعان
،
،

[rahmanboud]

مفيش أى مشكلة ولا حاجة

أنا كان عندى اكسيل وبعتها وكان فى الرخصه سنتين ونصف وإشتريت كورولا ورخصتها فى نفس المرور وكانت الإسيل لسه بإسمى ومدفعتش ضريبة ترفيه ولا مليم زياده يعنى المسأله إنت وحظك تدفع أو ما تدفعش

أما المسؤليه الجنائيه عليك لا شيئ لأن إنت أكيد كاتب فى العقد ساعة بيع السيارة باليوم والتاريخ ولو اللى إشترى العربيه منك

عمل بيها حادثه أو غيره تقدر تثبت إنك بعت له العربيه بصورة العقد اللى معاك

الموضوع بسيط مفيش حد ضحك عليك ولا حاجه هو ده عرف السوق فى البيع والشراء