اختبارات الرخصة المهنية درجة ثالثة عبارة عن اية؟؟

[mohamed2002]

اختبارات الرخصة المهنية درجة ثالثة عبارة عن اية؟؟

[mohamed2002]

لاتنسوني في الردود

[MOUSTAFA_SAAD]

هى اختبارات عاديه تقريبا بس بتتعرض على كومسيون طبى مش مجرد شهادة نظر وباطنه
وبتسلمهم شهادة الجيش الاصليه
وبتعمل فيش وتشبيه
يعنى كانك حتشتغل فى وظيفه بالظبط

[mohamed2002]

واختبار الاشارات والسواقة والميكانيكا؟

[MOK3336]

يا عم انت هتروح تختبر عادي زى الخاصة بس بيزيد الفيش و شهادة الجيش زى ما أ/ مصطفي قال لحضرتك و بعد لما تنجح بإذن الله هتروح علي التأمين الصحي تشمر البنطلون للركبة و ارفع ايدك لفوق طيب مدها قدامك طيب هتروح تكشف نظر و تحلل بول و خلاص
تستلم الرخصة و تشتري تاكس و تعمل 1000 في اليوم

[mohamed2002]

يا عم انت هتروح تختبر عادي زى الخاصة بس بيزيد الفيش و شهادة الجيش زى ما أ/ مصطفي قال لحضرتك و بعد لما تنجح بإذن الله هتروح علي التأمين الصحي تشمر البنطلون للركبة و ارفع ايدك لفوق طيب مدها قدامك طيب هتروح تكشف نظر و تحلل بول و خلاص
تستلم الرخصة و تشتري تاكس و تعمل 1000 في اليوم

ربنا يطمنك طيب ما انا معايا خاصة وطالما الاتنين واحد يبقي حختبر تاني لية؟

[MOUSTAFA_SAAD]

انت عاوزها ليه

[mohamed2002]

انت عاوزها ليه

والله سؤال مهم فعلا بص ياباشا انا شغلي في مجال المبيعات وفي شركات تشترط عشان تشتغل فيها يبقي معاك مهنية تالتة فضلا عن اني ممكن مستقبلا اشتري تاكسي
انا تفكيري اني حعملها واخلص اجراءتها واللي اعرفه ان في حاجة اسمها اني احفظ الرخصة المهنية في المرور واستلم بدلها خاصة ولما اعوز المهنية اروح اعمل لها استرجاع

اية رائيك؟

[MOUSTAFA_SAAD]

بصراحه حكاية الاسترجاع والحفظ دية مش عارفها بس اكيد تنفع لانها منطقيه انك ممكن تستغنى عن المهنيه لو مش عاوزها وتاخد الخاصه
بس خلى بالك المهنيه بتدفع عليها تامينات واشتراكات نقابه وفلوس مش قليله على ما اعتقد وبتتجدد كل سنه او اتنين او تلاته على حسب مبلغ التامين اللى بتدفعه يعنى زى رخصة العربيه تقريبا
لو تاكسى يبقى فعلا لازم مهنيه
لو عربيه بيك اب ممكن تسوقها برخصه خاصه عادى بدون اى مشاكل الا لو شركتك اشترطت المهنيه
انا خالى كان عنده شركة مقاولات واشتغلت معاه اكتر من 5 سنين كان معايا فيهم عربيه نيسان بيك اب او نص نقل زى مابيسموها وكنت بسوقها بالخاصه بتاعتى ولفيت بيها كل مصر مفيش حد ابدا قالى عليها حاجه
بس كنت بامشى بيها فاضيه مقضيها مشاوير بدل ماستهلك الملاكى فى المواقع والجبل والغرز خصوصا ان الجاز ساعتها كان ب 40 قرش وكنت بفول التانك ب 16 جنيه واحرت بيهم من مصر للاسكندريه
بس مره واحد سواق عندى فى الشغل قالى لو شافوك محملها حاجه حيسحبوا رخصتك لانها خاصه بس بصراحه مش مقتنع بكلامه يظهر شكله كان طمعان فى العربيه لانها كانت يابانى اصلى ونضيفه جدا كانت انعم من الملاكى

[mohamed2002]

بصراحه حكاية الاسترجاع والحفظ دية مش عارفها بس اكيد تنفع لانها منطقيه انك ممكن تستغنى عن المهنيه لو مش عاوزها وتاخد الخاصه
بس خلى بالك المهنيه بتدفع عليها تامينات واشتراكات نقابه وفلوس مش قليله على ما اعتقد وبتتجدد كل سنه او اتنين او تلاته على حسب مبلغ التامين اللى بتدفعه يعنى زى رخصة العربيه تقريبا
لو تاكسى يبقى فعلا لازم مهنيه
لو عربيه بيك اب ممكن تسوقها برخصه خاصه عادى بدون اى مشاكل الا لو شركتك اشترطت المهنيه
انا خالى كان عنده شركة مقاولات واشتغلت معاه اكتر من 5 سنين كان معايا فيهم عربيه نيسان بيك اب او نص نقل زى مابيسموها وكنت بسوقها بالخاصه بتاعتى ولفيت بيها كل مصر مفيش حد ابدا قالى عليها حاجه
بس كنت بامشى بيها فاضيه مقضيها مشاوير بدل ماستهلك الملاكى فى المواقع والجبل والغرز خصوصا ان الجاز ساعتها كان ب 40 قرش وكنت بفول التانك ب 16 جنيه واحرت بيهم من مصر للاسكندريه
بس مره واحد سواق عندى فى الشغل قالى لو شافوك محملها حاجه حيسحبوا رخصتك لانها خاصه بس بصراحه مش مقتنع بكلامه يظهر شكله كان طمعان فى العربيه لانها كانت يابانى اصلى ونضيفه جدا كانت انعم من الملاكى

شكرا ليك ياباشا وفعلا كرمك سليم بس اعتقد انك تقدر تحمل بيها عادي مفيش مشكلة لانا بتتساق بخاصة

[MOUSTAFA_SAAD]

شكرا ليك ياباشا وفعلا كرمك سليم بس اعتقد انك تقدر تحمل بيها عادي مفيش مشكلة لانا بتتساق بخاصة

اعتقد كده برده لانى زى ماقولتلك مش مقتنع بكلامه
بس عموما انا سيبت الشغل ده خلاص من 6 سنين

[mohamed2002]

ربنا معاك ان شاء الله

[mohamed2002]

اية موضوع اشتراك في نقابة السائقين اللرخصة المهنية؟

[MOUSTAFA_SAAD]

اية موضوع اشتراك في نقابة السائقين اللرخصة المهنية؟

طالما حتطلع رخصه مهنيه يبقى لازم تشترك فى نقابة السواقين

[mohamed2002]

طيب منا عضو في نقابة التجاريين ينفع اشترك في نقابتين ؟