إطارات "Rosava" !

[Ahmad]

ّسلام عليكم,

كل سنة و انتم بخير بمناسبة عيد العمال ومبروك ال % 30 ;)

كنت بسأل علي أسعار الإطارات امبارح, لقيت في نوع موجود في السوق اسمه "روسافا - Rosava" و دة صناعة أوكراني
(Made in Ukraine).

ياتري حد جرب النوع دة أو سمع حاجة عنه؟
و لو مش كويس , أجيب الهانكوك ولا البريدجستون الاندونيسي ولا نوع تاني؟

شكرا :)

[sab3aawy]

الإطارات دى جابينها عندنا فى عربيات الشركة، وبصراحة هى مش عظيمة اوى ولها خصلة غريبة كدة شوية ، بتطلع صوت صفارة طول ما انت ماشى لأان كل العربيات اللى ركبناها فيها عملت كدة

انصحك بإطارات جى تى راديال الأندونيسى، عن تجربة ممتازة وفى نفس الفئة السعرية

[ows212]

انصحك بإطارات جى تى راديال الأندونيسى، عن تجربة ممتازة وفى نفس الفئة السعرية

1000000000000000000000

[Ahmad]

1000 شكر علي النصيحة :)

[ابو سيف]

الإطارات دى جابينها عندنا فى عربيات الشركة، وبصراحة هى مش عظيمة اوى ولها خصلة غريبة كدة شوية ، بتطلع صوت صفارة طول ما انت ماشى لأان كل العربيات اللى ركبناها فيها عملت كدة

انصحك بإطارات جى تى راديال الأندونيسى، عن تجربة ممتازة وفى نفس الفئة السعرية

طيب يا ريت الله يكرمك يا باشمهندس خالد تقولي لأني بصدد شراء كاوتش بكره تقريبا هل الجي تي افضل من البريدجستون لا سيما ان هما الاتنين نفس السعر تقريبا فرق صغير و مقاس الكاوتش 15-195-55

[ahmed1981]

لو أنك تبحث عن نوع يفي بالغرض وسعره رخيص
فأمامك الكمهو الكوري

[Ahmad Allawy]

والله قدامك حل من 2..
والكلام اللي باقوله مش من عندي.. ده علي لسان 2 من كبارات المنتدي هنا..
سبعاوي بك الكبير.. بينصحك بالجي تي راديال.. وده اندونيسي..
و كريم منير بيشكر جدا في البريدجستون الاندونيسي برضه.. بيقول نضيف جدا..

[sab3aawy]

طيب يا ريت الله يكرمك يا باشمهندس خالد تقولي لأني بصدد شراء كاوتش بكره تقريبا هل الجي تي افضل من البريدجستون لا سيما ان هما الاتنين نفس السعر تقريبا فرق صغير و مقاس الكاوتش 15-195-55

لو البريدجستون يابانى فطبعا لا يعلى عليه ، لكن لو تصنيع اى دولة تانية(أندونيسى مثلا او ماليزى) يبقى مش هيكون بعيد اوى عن الجى تى ،

انا عندى البريدجستون اليابانى فى النسيان والجى تى فى الريجاتا وفرق الأداء والنعومة بين الإطارين مش واسع

[Ahmad Allawy]

التجربة خير دليل و برهان يا باشا..
الف شكر علي المشورة الغالية..

[Karim_Monir]

البريدجستون الاندونيسي ممتاز برضة والجي تي حلو بس بحس عمرة مش طويل قوي
بريدجستون النقشة بتاعتة بتلم حصى شوية معرفش الجي تي بيعمل كدة ولا لاء

[Ahmad]

الإطارات دى جابينها عندنا فى عربيات الشركة، وبصراحة هى مش عظيمة اوى ولها خصلة غريبة كدة شوية ، بتطلع صوت صفارة طول ما انت ماشى لأان كل العربيات اللى ركبناها فيها عملت كدة

انصحك بإطارات جى تى راديال الأندونيسى، عن تجربة ممتازة وفى نفس الفئة السعرية

الحقيقة انا ملقتش الGT RADIAL أو أنا بأسال , و البائع قاللي ان أنها مش موجودة في السوق اليومين دول .
أعتقد أن أقرب اختيار لي هو البريدجستون الاندونيسيأو الكومهو. دول متوفرين في السوق.

[Ahmad]

البريدجستون الاندونيسي ممتاز برضة والجي تي حلو بس بحس عمرة مش طويل قوي
بريدجستون النقشة بتاعتة بتلم حصى شوية معرفش الجي تي بيعمل كدة ولا لاء

لو علي لم الحصي يبقي أعتقد أركب كاوتش ممسوح خالص أو حتي بلاش كاوتش لأصلا :)
أعتقد أن شوارع مصر فيهل كل أنواع و أحجام الحصي اللي ممكن يغرز في أي نوع كاوتش. دي من الحاجات اللي عندنا اكتفاء ذاتي فيها :)

[sab3aawy]

الحقيقة انا ملقتش الGT RADIAL أو أنا بأسال , و البائع قاللي ان أنها مش موجودة في السوق اليومين دول .
أعتقد أن أقرب اختيار لي هو البريدجستون الاندونيسيأو الكومهو. دول متوفرين في السوق.

الجى تى موجود عند مركز الفردوس اللى فى شارع احمد سعيد بعد تاكى ، بس نصيحة لو هتروحلهم، يا إما تروح فى وقت عدم زحمة يا إما تاخد الكاوتش فى شنطة عربيتك وتفك وتركب وترصص عند حد تانى لأن هم لما الدنيا بتكون زحمة بيتعاملوا مع الزباين باسلوب مش مريح

لكن عموما البريدجستون طبعا اكثر من ممتاز، انا افضله عن الأنواع الكورى سواء هانكوك او كومهو لأن تجربتى مع الكاوتشات الكورى ماكنتش بجودة الماركات الbrand nameالمصنعة فى اندونيسيا زى البيريدجستون والجود يير

[eng_mkhalaf]

شكرا يا سبعاوى وهى شكلها هتبقى على البريدج ستون الأندونيسى فعلا

[Ahmad Allawy]

طيب معلش سؤال تاني..
النهاردة بالصدفة لقيت كاوتش ميشلان تايلندي.. المقاس بتاعي تقريبا بنفس تمن البريدجسوتن الاندونيسي..
سألت الراجل قاللي ده انضف منو الياباني حتي.. (بس شبه متأكد من انه بيحلي بضاعته يا جماعه..)
ايه رأيكم..؟؟ افتوني..