اكيد هتتريقو على وش مين يكسب الفنتازيا امام الكورولا

[iwantes350]

السلام عليكم ورحمة الله وبركاته
ازيكم يا شباب عاملين ايه
عايز احكيلكم على حاجة
انا معايا كورولا 2003 1.3 سي سي اوتو وصاحبي اوكتافيا فانتازيا 2009 1.6 سي سي اوتو
شدينا مع بعض وانا طلعت منه وشديت مع فيكترا 1.6 2000 وطلعت منه بكل سهولة
ايه السر وهل لو شدينا مع بعض لغاية ال 120 الفنتازيا تكسب ولا ايه؟؟
وهل الكورولا كده يعنى بتشد و ليها فى السحب ؟؟
يا ريت تردو على منغير تحيز انتو فاهمين بقى
بصراحة الكورولا رافعة راسي قدام اصحابي ههههههههه
هل لو شديت مع سيراتو اطلع منها ولا صعب عشان محطش نفسي فى موقف وحش

[samoreception]

واضح ان حضرتك ما شاء الله سواق بارع ثانيا الفانتازيا مش سريعة قوى فى الطلعة علشان كذا حاجة مقيداها ومنهم asr & ebp
بس لو جربت تشد معاها على سرعات عاليه بصراحة من غير زعل وعلى العلم انى امتلك كورولا 1600 موديل 2008 مش هتعرف تسد
معاها ابدا ابدا لانى العربية ثابته بطريقة غبية على الارض
وارجع واقولك العربية سواق واحيك انك طلعت من العربيات ديه

[yoko]

أنا كمان معايا كورولا ١٣٠٠ أحب أقولك كل دول بعد ال١٠٠ هيطلعوا منك بسهولة جدا
ولو كنتوا على سرعات عاليع وفيه ملفات مش هتعرف تجاريهم فيها مهما كنت محترف سواقة

[MOUSTAFA_SAAD]

تلاقى اللى راكبينها مالهمش فى الشد زى حالاتى

[iwantes350]

تلاقى اللى راكبينها مالهمش فى الشد زى حالاتى

ربنا يخليكم ليا يا جماعة
انا عارف ان بعد 100 هم هيعلمو على اوى كمان
على فكرة سواق الفانتازيا واد صغير عنده 16 سنة والواد ده بسم الله ماشاء الله عله انا مش حاجة بالنسبالة وهو جاب على طريق وحش جدااااااااااااا 170 بالملفات كلها والله الواد ده بسوق جرارات وعربيات مرسيدس اكتروس

[MMamdouh]

العربية التقيلة طلعتها وحشة... بس لو مكنتها قوية مش حتشوف غير النمر الخلفية بتاعتها من بعد 100 كيلو

MMamdouh

[hugan]

اكيد الكورلا تطلع في الاول لفرق الوزن
لكن بعد كده
انسي

[egyptiandiver]

100 - 100

[SAMEH_FOUAD]

اللى مايقدرش السكودا يشد معاة فى اليابانى السيفيك بموديلاتة من اول 92 الى 2011 , والفيرنا كذلك هو بس عشان الكورولا خفيفة وماتورها صغير جدا على وزنها 1300 سى سى بيخرج 92 حصان دة اية دة

[AhMeD MeTwAlY]

حضرتك بتتكلم علي عربيه اكبر من وزن عربيتك عشان كده انت تكسب في الطلعه وتكسب داخل المدينه انما طريق سريع مش هتشوفه وعن تجربه

[Mzeid]

هو أكيد علشان الفانتازيا تقيلة و بشهادة واحد من أصحابي ملهوش في السواقة ( بيسوق وخلاص ) ساق عربية اخوه مرة و كنت معاه بيقولي لا العربية دي تقيلة جدا

و غير كمان عندك vvt

[Ahmod]

اصدق يا باشا وتطلع منه مرتاح كمان

انا من فترة رحت شديت مع زميلي معاه فانتزيا على العلم ان ماتوري نفس ماتورك

احب اقولك ان في الطلعة بس كنت فارق عنه بتاع اربع عربيات

واعتقد انه كان هيفضل في ضهري على الاقل لحد 140

هو عداني في الملفات نظرا لفرق الثبات الرهيب ! !

المشكلة ان الناس كلها متخيلة ان الكورولا او الياريس بعد ال 100 في الضياع والفانتزيا هتعلم علينا مرتاح مع ان ده مش صحيح بالمرة

انا متاكد مليون المية اني لو شديت مع فانتزيا من الثبات هيفضل في ضهري على الاقل لحد 140 ! ان ماكنش اكتر من كدة ولو طلع هيطلع بفارق بسيط جدا جدا مش الفرق اللى الناس متخيلاه

العربية دي مع زميلي وبركبها كتير اوي ومتاكد من كلامي وان شاء الله يبقى فيه مجال لتجربة شد في مكان فاضي ونصور فيديو ونعرضه ليكم

وامبارح برضوا لسه على كوبري اكتوبر كنت بجري مع فانتزيا وعلى الرغم كنا على سرعات عالية مش اقل من 120 الا انه ماكنش عارف يعديني (مع العلم العربية عندي كانت محملة خمس افراد ) واكتر من مرة كان فيه مجال انه يطلع مني من الشمال بس ماكنش بيطلع فلو زي ماحضرتكم بتقولو بعد ال 100 مش هشوفو اقل واجب كان علم عليا امبارح

معداش الا لما انا هديت عشان جالي موبايل ومشيت على مهلي بعدها حاولت اجري تاني كان هو جمع بقى خالص فمكنش فيه مجال

اللى يضايق بقى انه في الاخير جيه اداني يمين في شمال ! ! نسي اني طول الكبري مسففه الاسفلت وانا اللى هديت بمزاجي لانه اختفى من مرايا الصالون !

طبعا روحت انا مديله تحية بالكلاكس ! هههههههههه

عايز اقولك قبل ماهدي واتكلم في الموبايل الفانتزيا ماكنتش موجودة في مراية الصالون اساسا ! ! وده اللى خلاني هديت

[Ahmod]

أنا كمان معايا كورولا 1300 أحب أقولك كل دول بعد ال100 هيطلعوا منك بسهولة جدا

مش اوي كدة يا احمد باشا صدقني الياريس مش بتهدى قبل 140 وتسارعها كمان بيزيد بعد ال 80 ! واكيد الكورلا نفس الماتور فالاداء متقارب !

ولو كنتوا على سرعات عاليع وفيه ملفات مش هتعرف تجاريهم فيها مهما كنت محترف سواقة

ده كلام معلمين ! +11111111111

[Mzeid]

اصدق يا باشا وتطلع منه مرتاح كمان

انا من فترة رحت شديت مع زميلي معاه فانتزيا على العلم ان ماتوري نفس ماتورك

احب اقولك ان في الطلعة بس كنت فارق عنه بتاع اربع عربيات

واعتقد انه كان هيفضل في ضهري على الاقل لحد 140

هو عداني في الملفات نظرا لفرق الثبات الرهيب ! !

المشكلة ان الناس كلها متخيلة ان الكورولا او الياريس بعد ال 100 في الضياع والفانتزيا هتعلم علينا مرتاح مع ان ده مش صحيح بالمرة

انا متاكد مليون المية اني لو شديت مع فانتزيا من الثبات هيفضل في ضهري على الاقل لحد 140 ! ان ماكنش اكتر من كدة ولو طلع هيطلع بفارق بسيط جدا جدا مش الفرق اللى الناس متخيلاه

العربية دي مع زميلي وبركبها كتير اوي ومتاكد من كلامي وان شاء الله يبقى فيه مجال لتجربة شد في مكان فاضي ونصور فيديو ونعرضه ليكم

وامبارح برضوا لسه على كوبري اكتوبر كنت بجري مع فانتزيا وعلى الرغم كنا على سرعات عالية مش اقل من 120 الا انه ماكنش عارف يعديني (مع العلم العربية عندي كانت محملة خمس افراد ) واكتر من مرة كان فيه مجال انه يطلع مني من الشمال بس ماكنش بيطلع فلو زي ماحضرتكم بتقولو بعد ال 100 مش هشوفو اقل واجب كان علم عليا امبارح

معداش الا لما انا هديت عشان جالي موبايل ومشيت على مهلي بعدها حاولت اجري تاني كان هو جمع بقى خالص فمكنش فيه مجال

اللى يضايق بقى انه في الاخير جيه اداني يمين في شمال ! ! نسي اني طول الكبري مسففه الاسفلت وانا اللى هديت بمزاجي لانه اختفى من مرايا الصالون !

طبعا روحت انا مديله تحية بالكلاكس ! هههههههههه

عايز اقولك قبل ماهدي واتكلم في الموبايل الفانتزيا ماكنتش موجودة في مراية الصالون اساسا ! ! وده اللى خلاني هديت

شئ طبيعي علشان ال vvt

[MOUSTAFA_SAAD]

بعنى ايه vvt