عاوز مكان اظبط فيه زوايا كويس ف اسكندريه

[Badrawy]

السلام عليكم

اخبار الحر ايه معاكو يا شباب

انا بقالي فتره مظبطش زوايا وكل ما اروح لحد ميعرفش يعمل حاجه ومن الاخر انا حاسس ان مفيش حد بيعرف يظبط زوايا ف مصر الا واحد بس انا معرفوش لسه ههههه

فا ياريت لو حد يعرف واحد كويس في اسكندريه يقولي عليه

برا عن بنزينة موبيل سموحه لان معندهمش السوفت وير بتاع نوبيرا 2007 عندهم قبل 2004 ومحدش يقولي مهم زي بعض روح قول للراجل العطره الى هناك

مستني ردودكم وشكرا مقدما

[tamerosman]

انا سمعت ان بريدج ستون فى لوران على البحر بيضبطوا زوايا تمام و فيه خصم 50% لو لازق استيكير نابل موتورز

بس سمعت ان الترصيص عندهم زفت و كذا حد من المنتدى اشتكى من الترصيص بتاعهم و ياريت حد من اسكندرية يكون جرب حد شاطر فى الترصيص ؟

[asas630]

بريدج ستون فى لوران

[amigooo]

البنزينة فى شارع بورسعيد
امام نادى المحافظة فى الشاطبى ( مش اللى على البحر ) ممتازة فى ضبط الزوايا .... عن تجربة .

[ايمن نديم]

بريدج ستون علطول جهازهم بايظ الأفضل روح التوكيل هو غالى طبعا بس هتجيب من الأخر

[kimocyc]

البنزينة فى شارع بورسعيد
امام نادى المحافظة فى الشاطبى ( مش اللى على البحر ) ممتازة فى ضبط الزوايا .... عن تجربة .

تقصد بنزينة مصر للبترول .. ؟؟؟ ادام سان مارك ؟؟ (الشيخ مجدي) ؟؟

[osama.m]

قبل كدا ظبت في العمار عشان كان الاقرب و كنت مستعجل بس كان تمام
ممكن بردو في الزراني

[Badrawy]

برجيستون الى على البحر بيقولو غالي ب 80 جنية تقريبا مش عارف ايه الكلام

والبنزينه الى في شارع بورسعيد دي بيقولو ان الشيخ مجدي سابها انا روحت مره ملقتوش وعيل كده هوه الى ظبطلي الزوايا اي كلام

مش عارف بقي اعمل ايه

[hosar]

فية صادق سيدى بشر أمام باب مستشفى جيهان من على شارع جمال عبد الناصر

[hamido46]

هو فيه واحد فيه سموحة فيه عمرات الصيدلة جانب شروق (تصوير)...أنا عملت عند زوايا و ترصيص و الحمدالله الدركسيون ولا بيلعب حتى بس عيبو غالي أوي

[ايمن نديم]

العربية عندى بتحدف يمين مع السرعة وضبطها اكثر من مرة و على الجهاز كلة أخضر مش عارف اية الحل ياريت حد يقلى على واحد كويس فى أسكندرية.
انا بفكر اوديها توكيل الصفوة او اى حد غالى مش مهم انا صرفت كتير عند بتوع الزوايا و العفشة و ضيعت وقت و مفيش فايدة أرجو الأفادة

[amigooo]

اضبط الهوا اولا ...

[ايمن نديم]

الهواء سليم و الفردتين مترصصين